Ուզում եմ աշխարհին հայկականը ճանաչելի դարձնել․ «Ripsim» շարֆերի բրենդը՝ նոր շունչ ֆրանսիական շուկայում (տեսանյութ, լուսանկարներ)

Հայկական տառեր, զարդանախշեր ու սիմվոլներ․ հայկականով ոգեշնչված ու ստեղածագործական կրեատիվ մոտեցմամբ հայազգի Հռիփսիմե Սուքիասյանը նորաձևության հայրենիքում՝ Փարիզում, հիմնել է մետաքսե շարֆերի սեփական բրենդը։ Մասնագիտությամբ լինելով իրավաբան՝ Հռիփսիմեն Ֆրանսիա տեղափոխվելուց հետո որպես երկրորդ մասնագիտություն է ընտրել թվային նորաձևության դիզայնը։ Երեք տարի Փարիզի «Մոդել դե Լյուքսում» սովորելուց ու Իտալիայում վերապատրաստում անցնելուց հետո աշխատել է աշխարհահռչակ «Dior»-ում, էսքիզներ արել։

Ձեռք բերած գիտելիքներն ու փորձը այսօր արդեն օգտագործում է սեփական՝ «Ripsim» բրենդի համար, որը ստեղծում է Twill տեսակի բնական մետաքսից բարձրակարգ շարֆեր։

ԼՈՒՐԵՐ.com-ի հետ զրույցում հայազգի դիզայները, խոսելով իր գոծունեության մասին, նշեց․ նպատակը մեկն է՝ Եվրոպայում հայկական լոգոտիպերը ավելի մոդեռնացված տարբերակով ֆրանսիական շուկա մտցնելն ու աշխարհին հայկականը ճանաչելի դարձնելը։

«Հասկացա, որ իմը պետք է հիմնեմ, սկսեցի աշխատել մետաքսի հետ, երկար ժամանակ ուսումնասիրել եմ այն, ինչը կապված է այդ կտորի հետ․ ինչու հենց մետաքսը ընտրեցի, որովհետև կտորների մեջ այն լավագույնն է։ Իհարկե շատ էի ուզում, որ այս ամենը արտադրվեր ՀՀ-ում, որ ավելի  շատ աշխատատեղեր լինեին հենց իմ հայրենիքում, սակայն այնտեղ տեխնոլոգիան այդքան զարգացած չէր, որ կարողանային մետաքսի հետ տպագրություն անել, ինչևէ, հուսով եմ՝ մի օր կկարողանամ այն բերել Հայաստան»,-նշեց նա։

Ձեռքով նկարելուց, այնուհետ գրաֆիկական պատկերների վերածելուց հետո արդեն պատրաստի ֆայլերը ուղարկվում են ֆրանսիական նորագույն տեխնոլոգիայով հագեցած տպարան։

«Հիշում եմ, երբ Փարիզում նկարահանումներ էի կազմակերպել ու ցուցադրել շարֆերը, դրանք մեծ արձագանք ստացան․ բոլորը մոտենում, հետաքրքրվում էին, լուսանկարում ու տարածում  սոցցանցերով, այսինքն՝ հայկականը տարածվում էր և դա ինձ շատ ուրախացնում էր։ Հայերեն տառերը չեն ճանաչում աշխարհում, դա ինձ համար ցավ է։ Ես մտածում եմ, թե ինչու պետք է արաբերեն կամ լատիներեն տառերը ճանաչելի լինեն աշխարհում, իսկ մեր հայկականը՝ ոչ։ Նկատի չունեմ, թե մարդիկ պետք է կարդալ սովորեն, այլ՝ տեսնեն տառը և հասկանան, որ դա հայկական է, ինչպես օրինակ՝ մենք ենք արաբերեն կամ ճապոներեն տառեր տեսնում և հասկանում, որ տվյալ լեզվի տառերն են, թեկուզ իմաստը չենք հասկանում»։ 

Հռիփսիմեն հիշում է՝ շարֆերի առաջին խմբաքանակը գնել են օտարերկրացիները, անգամ գնորդներից մեկը հենց «Dior»-ի մենեջերն է, որին հատկապես դուր է եկել «Երևան» շարֆը։

Ֆրանսաբնակ դիզայները այժմ երկրորդ հավաքածուի վրա է աշխատում, որից հետո Փարիզում ու այնուհետ Լոնդոնում նոր ցուցադրություն է կազմակերպելու։

Այս թեմայով Մենք մշտապես կարևորում ենք հայ-ֆրանսիական խորհրդարանական հարաբերությունների զարգացումը․ Վարդանյան Ես ի՞նչ իմանամ՝ Էրդողանն ինչ է ուզում, նրա խոսքերը չէի ուզենա կիսել․ Տիգրան Մանսուրյան (տեսանյութ) Անկում տարադրամի շուկայում․ փոխարժեքն՝ այսօր Արդյո՞ք սա է ձեր պաշտոնական դիրքորոշումը․ «Մարտական եղբայրությունը»՝ ԵԿՄ-ին Կանայք ավելի շատ են պայքարում, տղամարդկանց վախեցրել են․ նոյեմբերյանցի (տեսանյութ) «Ժողովրդին էլ չեք կարա խաբեք, հերիք ա ինչքան լսել ենք, էլ չենք ուզում». լարված իրավիճակ Տավուշում Հայաստանին ուզում են արագացված տեմպերով պոկել Ռուսաստանի Դաշնությունից. Լավրով «Զանգե՞մ Սասուն Միքայելյանին, ղալաթ կանեք՝ ձկներս հետ չեք տա», «Ում ուզում ես՝ զանգի» Էդ 4 գյուղերը թուրքի գյուղեր են, հայկականը մեր գյուղն ա. բերքաբերցի պապիկ Ուզում ենք, որ ոստիկանի երեխան հայրիկին կամ մայրիկին մղի, ասի՝ ինչո՞ւ քո աշխատավարձը կրկնակի բարձր չէ․ Փաշինյան