Ողբերգական դեպք՝ Երևանի «Երազ» թաղամասում կառուցվող էլիտար շենքում. հայտնաբերվել է տղամարդու դի

Այսօր՝ դեկտեմբերի 9-ին, հերթական ողբերգական դեպքն է տեղի ունեցել Երևանի «Երազ» թաղամասում կառուցվող էլիտար շենքերից մեկում։ 

Ժամը 15։45-ի սահմաններում շտապօգնության «Արաբկիր» ենթակայանից ոստիկանության Արաբկիրի բաժին ահազանգ է ստացվել, որ շտապօգնության 12 խումբը կանչով մեկնել է Ադոնցի փողոցի 2/5 նոր կառուցվող «Երազ» թաղամասի էլիտար շենքերից մեկը, որտեղ հայտնաբերել են տղամարդու դի։

Ինչպես հայտնում է Shamshyan.com-ը, օպերատիվորեն ժամանել են ոստիկանության Արաբկիրի բաժնի օպերատիվ խումբը՝ բաժնի պետ Երվանդ Նիկոյանի գլխավորությամբ։

Ժամանել են նաև Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժնի խումբը՝ բաժնի պետ Գառնիկ Մաթևոսյանի գլխավորությամբ։

Օպերատիվորեն ժամանել են ՀՀ ոստիկանության պարեկային ծառայության Երևանի գնդի 4-րդ գումարտակի 1-ին վաշտի պարեկները՝ գումարտակի հրամանատար Արմեն Գասպարյանի գլխավորությամբ։

Տեղում տարածքը սահմանազատել և ուժեղացված ծառայություն են կատարել նույն վաշտի պարեկ Տարոն Ներսիսյանն ու կրտսեր պարեկ Տիգրան Առաքելյանը։

Ոստիկաններն ու քննիչները նշված վայրում հայտնաբերել են Գեղարքունիքի մարզի բնակիչ՝ 42-ամյա Սերգեյ Կ-ի դին։

Ըստ նախնական տեղեկությունների՝ վերջինս կառուցվող շենքի 2-րդ հարկից անզգուշաբար վայր է ընկել ու տեղում մահացել։ Նա աշխատում էր նշված շինհրապարակում՝ որպես բանվոր։

Դեպքի փաստով Արաբկիրի քննչական բաժնում ավագ քննիչ Արշակյանի կողմից նախաձեռնվել է քրեական վարույթ, նշանակվել է դիակի դատաժշկական փորձաքննություն։ 

Այս թեմայով Առեղծվածային դեպք՝ Կոտայքի մարզում. հայտնաբերվել է տղամարդու կախված մարմին Առեղծվածային դեպք՝ Օշական գյուղում Ողբերգական դեպք՝ Ջրվեժում. հայտնաբերվել է տղամարդու կիսաայրված մարմին Ողբերգական ու առեղծվածային դեպք՝ Երևանում Քարի հանքում էքսկավատորն աշխատանքներ կատարելիս հայտնաբերել է տղամարդու մարմին Հայտնաբերվել է 54-ամյա տղամարդու դի Փրկարարները Սևանա լճից դուրս են բերել ջրահեղձ եղած 36-ամյա տղամարդու դի Երևանում ՌԴ քաղաքացին ընկել է նորակառույց շենքից ու մահացել Սպանություն՝ Աբովյանում․ հայտնաբերվել է իրանցի տղամարդու դի Բագրևանդ-Ձորաղբյուր ավտոճանապարհին հայտնաբերվել է գազատար խողովակից կախված տղամարդու դի