Վան Գալը հաստատել է, որ հեռանում է Հոլանդիայի հավաքականից

Հոլանդիայի հավաքականի գլխավոր մարզիչ Լուի Վան Գալը Քաթարում 2022 թվականի աշխարհի առաջնության քառորդ եզրափակչում Արգենտինային պարտվելուց հետո հայտարարել է, որ լքում է զբաղեցրած պաշտոնը։

Հիմնական ժամանակն ավարտվել է ոչ-ոքի՝ 2։2 հաշվով։ Հետխաղյա 11 մետրանոց հարվածաշարում ավելի դիպուկ են հանդես եկել հարավամերիկյան թիմի ֆուտբոլիստները՝ 4:3։

«Սա իմ վերջին խաղն է։ Ես թողնում եմ հիանալի թիմ։ Ես գլխավորել եմ ազգային հավաքականը 20 հանդիպում, որոնց ընթացքում մենք երբեք չենք պարտվել, և սա հենց այնպես չէ։

Շատ ցավալի է տեսնել, որ մենք հեռանում ենք մրցաշարից այն բանից հետո, երբ ամեն ինչ արել ենք, որպեսզի դա տեղի չունենա»,- լրագրողներին ասել է 71-ամյա մարզիչը:

Կիսաեզրափակչում արգենտինացիները կխաղան Խորվաթիայի հավաքականի հետ։ Հանդիպումը կկայանա դեկտեմբերի 13-ին։

Աշխարհի առաջնությունը մեկնարկել է նոյեմբերի 20-ին և կտևի մինչև 2022 թվականի դեկտեմբերի 18-ը։ Մրցաշարը տեղի է ունենում հինգ քաղաքների ութ մարզադաշտերում։ Եզրափակիչ հանդիպումը կկայանա Ազգային մարզադաշտում։

Այս թեմայով Վան Գալը կգլխավորի Նիդեռլանդների հավաքականը