Սալիվանը կոչ է արել լիարժեք վերականգնել ազատ տեղաշարժը Լաչինի միջանցքով

ԱՄՆ-ն մտահոգված է Լաչինի միջանցքով տեղաշարժի արգելքներով և կոչ է անում լիարժեք վերականգնել տեղաշարժը:

Այս մասին հաղորդագրություն է տարածել Սպիտակ տունը Միացյալ Նահանգների ազգային անվտանգության հարցերով խորհրդական Ջեյք Սալիվանի՝ Հայաստանի անվտանգության խորհրդի քարտուղար Արմեն Գրիգորյանի և Ադրբեջանի նախագահի աշխատակազմի արտաքին հարաբերությունների վարչության պետ Հիքմեթ Հաջիևի հետ դեկտեմբերի 22-ին տեղի ունեցած հեռախոսազրույցների արդյունքներով:

«Ազգային անվտանգության հարցերով խորհրդական Ջեյք Սալիվանն այսօր առանձին հեռախոսազրույցներ ունեցավ Հայաստանի անվտանգության խորհրդի քարտուղար Արմեն Գրիգորյանի և Ադրբեջանի նախագահի աշխատակազմի արտաքին հարաբերությունների վարչության պետ Հիքմեթ Հաջիևի հետ։ Հեռախոսազրույցների ընթացքում նրանք ամփոփեցին Վաշինգտոնում սեպտեմբերի 27-ին կայացած իրենց համատեղ հանդիպումից հետո ԵՄ-ի և ԱՄՆ-ի աջակցությամբ ընթացող խաղաղության բանակցություններում տեղ գտած առաջընթացը։ Բոլորը հաստատեցին իրենց հանձնառությունը բանակցային գործընթացին, որի նպատակը խաղաղության համաձայնագրի ամբողջականացումն է», - գրված է հաղորդագրությունում։

«Պարոն Սալիվանը փաստեց, որ այս պահին շարունակում ենք մտահոգված մնալ Լաչինի միջանցքի տեղաշարժի արգելքներով և այդ իրավիճակից բխող հետզհետե ծանրացող հումանիտար հետևանքներով և կոչ արեց լիարժեք վերականգնել ազատ տեղաշարժը միջանցքով», - նշվում է հաղորդագրությունում։

Ինչպես ավելի վաղ հայտնել էր «Արմենպրես»-ը, ՀՀ անվտանգության խորհրդի քարտուղար Արմեն Գրիգորյանը դեկտեմբերի 22-ին ԱՄՆ նախագահի ազգային անվտանգության հարցերով խորհրդական Ջեյք Սալիվանին մանրամասներ է ներկայացրել Ադրբեջանի կողմից Լաչինի միջանցքի շուրջ ստեղծված ճգնաժամային իրավիճակի վերաբերյալ, ինչի շրջանակներում զրուցակիցներն ընդգծել են իրադրության շուտափույթ հանգուցալուծման կարևորությունը:

Այս թեմայով Երիտասարդ ազատ ոճային ըմբիշները Եվրոպայի առաջնությունում 6 մեդալ են նվաճել Մեր բացառիկ հուշարձանները իբրև թե վերականգնել ենք՝ գրեթե վանդալիզմի հասնող մոտեցմամբ. Ժաննա Անդրեասյան Լաչինի միջանցքի հարցով գործուն քայլեր ենք ակնկալում ՌԴ-ից․ Սիմոնյանը հանդիպել է Յուրի Վորոբյովին ԵՄ-ն պետք է ճնշի Ադրբեջանին, որպեսզի բացի Լաչինի միջանցքը. ՆԱՏՕ-ի նախկին գլխավոր քարտուղար Ալիևին Ջերմուկից ուղերձ եմ հղում՝ դադարեցնել Լաչինի անմարդկային շրջափակումը. ՆԱՏՕ-ի նախկին քարտուղար Պետք է բանակցությունները սկսեի իմ զրոյական կետից, ցավոք սրտի՝ չհասցրի դա լիարժեք անել․ Փաշինյան Նախկին պատգամավոր Գեւորգ Պետրոսյանն ազատ է արձակվել Վթարի հետևանքով հիվանդանոց տեղափոխված տղամարդը հայհոյել է, կռիվ արել ու հեռացել Միրզոյանը Լիբանանի ԱԳ նախարարին է ներկայացրել միջազգային դատարանի՝ Լաչինի միջանցքը բացելու որոշումը Ընդգծում ենք ԼՂ և Լաչինի միջանցք միջազգային փաստահավաք առաքելության գործուղման անհրաժեշտությունը․ ԱԳՆ