Մսամթերքի շուկայում ապօրինությունները շարունակվում են. ՍԱՏՄ-ն ներկայացնում է ստուգումների արդյունքները

 Հանրապետությունում մսամթերքի շուկայում խախտումներն ու ապօրինությունները շարունակվում են: ՀՀ սննդամթերքի անվտանգության տեսչական մարմինը ոստիկանության հետ խստացված ստուգումներ է իրականացնում:

ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանը նշեց, որ ոմանք մտածում են մեքենայությունների մասին, փորձում են շրջանցել օրենքը, կեղծել փաստաթղթերը: «Սպանդանոցային մորթն այլընտրանք չունի: Մենք ամեն ինչ անելու ենք, որ շուկայում վաճառվի միայն սպանդանոցային ծագման մսեղիք: Սպանդանոցները, միս վաճառողները կամ այսպես կոչված դալալները, փորձում են ամեն ինչ անել, որ շրջանցեն օրենքի պահանջները: Մտածում են մեքենայություններ, որոնց միջոցով վաճառում են անասնաբուժական 5-րդ ձևի փաստաթուղթը: Այս փուլում ոստիկանության հետ ակտիվ շրջայցեր ենք կատարում, ճանապարհներին ստուգում ենք ավտոմեքենաները: Նրանք, որոնք չեն ունենում համապատասխան փաստաթուղթ, տուգանվում են: Դրանից բացի, տալիս ենք մսեղիքը ոչնչացնելու կարգադրագիր»,-ասաց Գեորգի Ավետիսյանը: Անհատները տուգանվում են 20-50 հազար, տնտեսվարողները 50-100 հազար դրամի չափով: Ամեն ամիս բազմաթիվ խախտումներ են հայտնաբերվում: Միայն սեպտեմբեր ամսին կասեցվել է 14 հազար 500 կգ մսեղիքի վաճառք: Ապօրինությունների հետքերով գնում են իրավապահ մարմինները, կան հարուցված քրեական գործեր: «Կարծում եմ, որ քրեական գործերն անբարեխիղճ տնտեսվարողներին կսթափեցնեն, որովհետև մեր տուգանքները բավարար չեն, որ ավելի զգոն լինեն: Փաստաթղթերի կեղծումը քրեական հանցագործություն է, և դրան գնացողները պետք է պատասխանատվության ենթարկվեն: Մենք նաև փաստաթղթերը տրամադրող ծրագրերի ուղղությամբ ենք աշխատանք կատարում, փորձում ենք լուծումներ գտնել, որ ռիսկերը նվազեցվեն»,-ասաց Գեորգի Ավետիսյանը: Արդյոք գործող սպանդանոցների թիվը բավարար է, որպեսզի պատշաճ սպասարկում իրականացվի: Տեսչական մարմնի ղեկավարը նշեց, որ միակ մարզը, որտեղ խնդիր կա, Վայոց ձորն է: Այս մարզում ներկայում գործող սպանդանոց չկա: Մնացած բոլոր մարզերում սպանդանոցների քանակը բավարար է:

Այս թեմայով ՈՒՂԻՂ․ Ակցիաները շարունակվում են․ իրավիճակը լարված է Երևանում շարունակվում են անհնազանդության ակցիաները, փակ է Շիրակի փողոցը Քաղաքացիները փակել են Էջմիածին տանող ճանապարհը. ակցիան շարունակվում է «Կանգնի՛ր կամ հանձնի՛ր»․ Երևանի մի շարք փողոցներ պարալիզացված են․ ակցիաները շարունակվում են ՈՒՂԻՂ. Տավուշում բողոքը շարունակվում է Պանթուրիքիստական ծրագրերը շարունակվում են. ՀՀ-ում Սիրիայի դեսպան Անկում տարադրամի շուկայում․ փոխարժեքն՝ այսօր ՀԻՄԱ․ Կիրանց-Ոսկեպար ճանապարհն՝ այս պահին. պայքարը շարունակվում է ՈՒՂԻՂ․ Գյուղապետը ներկայացնում է Տավուշում տիրող իրավիճակը Հայաստանի գործունեությունը կազմակերպությունում շարունակվում է. ՀԱՊԿ գլխավոր քարտուղար