Բաքուն ցանկանում է շրջափակումով ուժեղացնել ճնշումը ռուս խաղաղապահների և հայկական կողմի վրա. Die Press

Ուկրաինական պատերազմի ստվերում բռնապետ Ալիևը ցանկանում է ընդլայնել իր ազդեցությունը։ Այս մասին գրում է ավստրիական Die Presse պարբերականը։

«Իբրև թե բնապահպանական նկատառումների, այսինքն՝ Ղարաբաղում ապօրինի հանքարդյունաբերությունը կանխելու պատրվակով, նրանք խլել են ճանապարհը»,- գրում է պարբերականի հոդվածագիրը։

«Ռուս խաղաղապահները, որոնք պետք է հետևեն հրադադարի պահպանման ռեժիմին և հսկեն միջանցքը, անգործության են մատնված։ Այս իրավիճակը մեկուսի տարածքում «կարող է սրվել՝ վտանգի տակ դնելով դիվանագիտական ​​խաղաղ համաձայնության հասնելու փորձերը և հանգեցնելով մարդասիրական արտակարգ իրավիճակի՝ փակ խանութներ, միրգ-բանջարեղենի բացակայություն, դեղորայքի և վառելիքի պակաս, ծանր հիվանդներ և վիրավորներ, որոնց հնարավոր չէ տեղափոխել Հայաստանի Հանրապետություն»,-գրում է պարբերականը՝ հավելելով, որ Ստեփանակերտում տասնյակ հազարավոր մարդիկ ճանապարհի բացման համար ցույցի են դուրս եկել։

«Մարդիկ շարունակում են կտրվել արտաքին աշխարհից։ Բողոքը ցույց է տալիս ղարաբաղցի հայերի խոցելիությունը։ 2020 թվականի աշնանը հայկական և ադրբեջանական զորքերի միջև վերջին վեցշաբաթյա պատերազմից հետո նրանց անվտանգային վիճակը նկատելիորեն վատթարացել է»,–գրում է Die Press-ը։

Պարբերականը հավելում է, որ այդպիսով՝ Բաքուն ցանկանում է ուժեղացնել ճնշումը ռուսական խաղաղապահ ուժերի և հայկական կողմի վրա։ «Ադրբեջանցի բռնապետ Իլհամ Ալիևը, ամենայն հավանականությամբ, փորձում է օգտագործել այս և նմանատիպ սադրանքները՝ բարելավելու իր դիրքերը փակուղում առաջացած խաղաղ բանակցություններում: Ալիևն արդեն որոշ ժամանակ է՝ օգտվում է Ռուսաստանի՝ որպես խաղաղապահի թուլությունից։ Ուկրաինայում պատերազմով մտահոգված՝ Մոսկվան ավելի քիչ ուշադրություն և ռեսուրսներ է հատկացնում մյուս կետերին։ Եվ Ռուսաստանը քայլեր չի ձեռնարկում Բաքվի ագրեսիվ քաղաքականության դեմ։ Այսպիսով՝  Ադրբեջանը կարող է ստեղծել իր սեփական անցակետերը և էլ ավելի ընդլայնել իր մուտքը դեպի Լեռնային Ղարաբաղի տարածք, քանի որ Ադրբեջանի արտգործնախարար Ջեյհուն Բայրամովն օրերս ասաց, որ Բաքուն միայն Լեռնային Ղարաբաղիի հանքեր մուտքի հնարավորության դեպքում կդադարեցնի շրջափակումը»,-գրում է Die Press պարբերականում «Լեռնային Ղարաբաղի շուրջ հակամարտությունը. ինչպես է բռնապետ Ալիևը օգտագործում Ռուսաստանի թուլությունը» հոդվածի հեղինակը։

Այս թեմայով Ադրբեջանը հայտնում է երկու վիրավորի մասին Լաչինի միջանցքը պետք է ազատ լինի. ԵՄ-ում կքննարկեն Լեռնային Ղարաբաղում տիրող իրավիճակը Ժամանակը հաշված է․ Փարիզի քաղաքապետը Կոռնիձորի ճանապարհից լուսանկար է հրապարակել Եթե Ռուսաստանը, ԱՄՆ-ն և Ֆրանսիան համաձայնեն, Արցախում Հայոց ցեղասպանությունը մեկ օրում կդադարի. Օկամպո Դիմադրություն միևնույն է՝ լինելու է. Ռուբեն Վարդանյանը ծավալուն հարցազրույց է տվել Caucasus Watch-ին Իսրայելում ցույց է տեղի ունեցել Լաչինի միջանցքի և Արցախի ապաշրջափակման հարցով (տեսանյութ, լուսանկարներ) Ֆրանսիան շահագրգռված չէ տարածաշրջանում խաղաղության և կայունության հաստատմամբ. Բաքուն մեղադրանքներ է հնչեցրել ԱՄՆ-ն Ադրբեջանին կոչ է անում վերականգնել Լաչինի միջանցքով ազատ երթևեկությունը Օգտագործե′ք բոլոր հասանելի գործիքները՝ աջակցելու Արցախի ժողովրդին և կանխելու հերթական ցեղասպանությունը․ Ադամ Շիֆը նամակ է գրել Ջո Բայդենին Լավրովն առաջարկել է բացել Աղդամի, մեկ օր անց՝ Լաչինի ճանապարհները. Kommersant