Ես ինքս ինձ 100%-ով ուկրաինացի եմ զգում և երբեք այսքան հպարտ չեմ եղել դրանով. Սահակաշվիլի

«Եթե ես հիմա լինեի Ուկրաինայում, կլինեի Զելենսկու կողքին»,- «Украинская правда»-ին տված հարցազրույցում ասել է Վրաստանի նախկին նախագահ Միխեիլ Սահակաշվիլին։

Լրագրողներից մեկը Սահակաշվիլիին հարցրել է, թե ինչ կաներ, եթե նա Ուկրաինայից չվերադառնար Վրաստան և գտնվեր Կիևում՝ Ուկրաինա ռուսական ներխուժման ժամանակ, ինչին Սահակաշվիլին պատասխանել է.

«Առաջին՝ ես մտերիմ կլինեի նախագահ Զելենսկու հետ, որին համարում եմ Չերչիլից հետո ամենահայտնի պետական ​​գործիչը։ Նրա հետ համեմատած՝ Ռեյգանն ու Թեթչերը «նյարդայնացած ծխում են մի կողմում»։ Միևնույն ժամանակ, ես կշրջեի աշխարհով մեկ՝ օգտագործելով իմ բազմաթիվ կապերը՝ Ուկրաինային աջակցություն հավաքելու համար:

Երկրորդ՝ ես անընդհատ կգնայի առաջնագիծ, կօգնեի ինչպես ուկրաինացի, այնպես էլ վրացի մարտիկներին։ Վերջերս վրացի մարտիկները կոլեկտիվ դիմում գրեցին՝ շնորհավորելով ծննդյանս տարեդարձը, թեև ոչ մի պահ չեմ մոռանում այն ​​փաստը, որ նրանցից 35-ն արդեն զոհվել են պատերազմում, այդ թվում՝ 7-ը՝ Բախմուտի ճակատում։ Եվ իմ ուկրաինացի ընկերներից շատերը մահացել են կամ վիրավորվել»,- ասել է Սահակաշվիլին։

Սահակաշվիլիի խոսքով՝ Խերսոնի մոտ սպանվել է իր օգնական Վլադիմիր Չավրիգան, իսկ Բախմուտի մոտ ծանր վիրավորվել է նրա թիկնապահ Միխայիլ Բատուրինը։

«Ես ինքս ինձ 100%-ով ուկրաինացի եմ զգում և երբեք այսքան հպարտ չեմ եղել դրանով», - ասել է Սաակաշվիլին:

Այս թեմայով «Միասնության և հարձակման ժամանակն է»․ Սահակաշվիլին հանդես է եկել կոչով Փաշինյանին տրվել է հայկական Զելենսկի կամ Սահակաշվիլի խաղալու դերը. ՀՀ-ն մանրադրամ է դարձրել Վրաստան է ներխուժել ռուսների զինված դիվերսիոն խումբ. Սահակաշվիլի Սաակաշվիլին անճանաչելի է դարձել (լուսանկարներ) Հենց որ պուտինյան ռեժիմը տապալվի, Ադրբեջանի և Հայաստանի հաշտեցման հեռանկարներ կհայտնվեն. Սահակաշվիլի Ուկրաինան Սահակաշվիլիին հատուկ նպատակով է ուղարկել Վրաստան. Ղարիբաշվիլի Բժիշկը խոսել է Սահակաշվիլիի առողջական վիճակի մասին Վրաստանում քննադատել են Զելենսկուն Զելենսկին կոչ է արել Վրաստանին Սահակաշվիլիին ուղարկել Ուկրաինա 2008-ի օգոստոսին հարյուրավոր մարդիկ զոհվեցին նրա ավանտյուրաների ու դավաճանության պատճառով․ Կոբախիձեն՝ Սահակաշվիլիի մասին