Պարսից ծոցի անվան շուրջ վեճի պատճառով` Իրաքի դեսպանը կանչվել է Իրանի ԱԳՆ

Իրաքի դեսպանը կանչվել է Իրանի ԱԳՆ՝ Պարսից ծոցի «սխալ» անվան պատճառով։ Այս մասին հայտնում է IRNA գործակալությունը։

«Իրաքի դեսպանը կանչվել է Արտաքին գործերի նախարարություն Պարսից ծոցի համար սխալ անուն օգտագործելու պատճառով»,- ասվում է զեկույցում։

Իրանի արտաքին գործերի նախարար Հոսեյն Ամիր Աբդոլլահյանի խոսքով, չնայած Իրանի «ռազմավարական, եղբայրական և խորը հարաբերություններին Իրաքի հետ», դիվանագետները բողոքել են Բաղդադի դեմ՝ Պարսից ծոցի «կեղծ անվան» օգտագործման պատճառով:

Թեհրանի դժգոհությունն առաջացրել է հունվարի 6-ին Իրաքում Պարսից ծոցի 25-րդ գավաթի բացումը, որը հաճախ կոչվում է «Արաբական ծոցի գավաթ»: Շատ իրաքցի քաղաքական գործիչներ պաշտոնական հայտարարություններում օգտագործում են այս անունը: РИА Новости-ի փոխանցմամբ՝ ՖԻՖԱ-ի նախագահ Ջանի Ինֆանտինոն մրցաշարի բացման ժամանակ իր ելույթում Պարսից ծոցն անվանել է «Արաբական»։ Այդ անունն է տվել նաև Իրաքի «Մահդի բանակ» կազմակերպության առաջնորդ Մուքթադա աս-Սադրը։

Ավելի վաղ Ավստրիայի արտգործնախարար Ալեքսանդր Շալենբերգը հայտարարել էր, որ հունվարի 7-ի մահապատիժներից հետո կանչել է Իրանի դեսպանին։ Իր ուղերձում քաղաքական գործիչը դատապարտել է Իրանում բողոքի ցույցերի ժամանակ ձերբակալված Մոհամմադ Մեհդի Քարեմիի և Սեյյեդ Մոհամմադ Հոսեյնիի մահապատիժը։

Այս թեմայով Մեր Հայրենիքը ստի թագավորության պատճառով կորցնում ենք. Անդրե (տեսանյութ) Շուրջ մեկ ամիս է աշխատանքից ցանկանում է ազատվել Փաշինյանի մամլո խոսնակը Չինաստանն ու Ֆրանսիան կփորձեն խաղաղ ճանապարհով լուծել Իրանի միջուկային խնդիրը Սրբեք մեր մեջ կուռքեր սարքելը, այ էդ «կուռքերի» պատճառով ենք հայտնվել փողոցում, չկա ոչ մի ակնկալիք (տեսանյութ) Ադրբեջանում ԱՄՆ դեսպանը կնոջ հետ այցելել է Շուշի Տյումենի մարզում գետերի վարարումների պատճառով հարյուրավոր տներ են հեղեղվել Ոստիկանությունը չի կարողացել վերահսկել Սեւանի մայրուղում երթեւեկը․ շարժման պատճառով երթեւեկությունը միակողմանի է դարձել (տեսանյութ) Թուրքիայի և Իրանի արտգործնախարարները քննարկել են տարածաշրջանային զարգացումները Պետք է խմբվել եկեղեցու շուրջ. Սերժ Սրապիոնյան ԱՄՆ-ի, Իրանի, Լիբանանի, Սիրիայի նման ավանդական կարևոր ու խոշոր համայնքների դռները շարունակում են փակ մնալ Նիկոլի ու Սինանյան Զարեհի դիմաց․ քաղաքագետ