Սերգեյ Ատոմյանը արդարադատության նախարարին ներկայացրել է 2023-ի առաջին եռամսյակում նախատեսված աշխատանքները

Այսօր՝ հունվարի 17-ին, ՀՀ ԱՆ քրեակատարողական ծառայության կենտրոնական մարմնում արդարադատության նախարար Գրիգոր Մինասյանի գլխավորությամբ տեղի է ունեցել աշխատանքային հանդիպում, որին մասնակցել են նախարարի տեղակալ Լևոն Բալյանը, Քրեակատարողական ծառայության պետ, արդարադատության գեներալ-մայոր Սերգեյ Ատոմյանը, պետի տեղակալներ, արդարադատության գնդապետներ Ամբակում Գրիգորյանը, Թադևոս Նալբանդյանը, Արտակ Առուստամյանը և Ծառայության գլխավոր քարտուղար Արամ Նիկոյանը: 
Սերգեյ Ատոմյանը նախարարին ներկայացրել է 2023 թվականի առաջին եռամսյակում իրականացվելիք ծրագրերը, մասնավորապես՝ քրեակատարողական հիմնարկներում կառավարման նոր մոդելի ներդրման նախագիծը հիմնարկների անվտանգության և պահպանության ապահովման բաժինների գործառույթների միավորման միջոցով, ինչը թույլ կտա ապահովել քրեակատարողական հիմնարկների առավել բարենպաստ և բնականոն աշխատանքները: Քրեակատարողական հիմնարկներում օպերատիվ իրավիճակն ավելի վերահսկելի դարձնելու նպատակով առաջարկվել է նաև ստեղծել Ծառայության կենտրոնական մարմնի օպերատիվ վարչություն: Ծառայության պետի կողմից անդրադարձ է կատարվել նաև քրեակատարողական ծառայողների նոր ատեստավորման համակարգին, ինչը կնպաստի թափուր հաստիքները որակյալ կադրերով համալրելուն:
Քրեակատարողական ծառայության պետի տեղակալներն ու գլխավոր քարտուղարն իրենց հերթին Գրիգոր Մինասյանին ներկայացրել են 2022 թվականի գործունեության արդյունքները, իրականացված բարեփոխումները և թիրախային ծրագրերը:
Ամփոփելով հանդիպումը՝ արդարադատության նախարար Գրիգոր Մինասյանն ընդգծել է, որ քրեակատարողական ոլորտում իրավիճակը բարելավելու, ինչպես նաև ոլորտի շարունակական զարգացումն ապահովելու համար հիմնական նպատակը պետք է լինեն ոլորտում վերականգնողական արդարադատության սկզբունքների ներդրումը, քրեական ենթամշակույթի վերացումն ու կրկնահանցագործությունների կանխումը:

Related Articles Global military spending in 2023 surges amid war, rising tensions and insecurity – SIPRI report Armenia Security Council 2023 activity report is presented to premier 817 people seek asylum in Armenia in 2023 Human Rights Defender's office published 2023 annual report and annual activity report of national preventive mechanism In 2023, the SME Loan Portfolio of Ameriabank Reported More Than 30% Growth 7,825 Karabakh residents who left Armenia since September 2023 have not returned, new data say In 2023, Armenia-EU political dialogue deepened significantly- Deputy Foreign Minister summarizes the year Mirzoyan: Unprecedented number of senior French officials visited Armenia in 2023 Armenia official: Trade with India amounted to $380M in 2023 Pashinyan considers forced displacement of Karabakh Armenians as the biggest challenge of 2023