Հարկային հաշվարկներում ՍՊԸ տնօրենը ներկայացրել է կեղծ տվյալներ. պետբյուջե չի վճարվել 66 մլն դրամ

«ԷԼ-ԱՆ» սահմանափակ պատասխանատվությամբ ընկերության (այսուհետ՝ Ընկերություն) տնօրեն Ն.Ն.-ն, առանձնապես խոշոր չափերով հարկ չվճարելու նպատակով, Ընկերության գործունեության վերաբերյալ հարկային մարմին ներկայացված հարկային հաշվարկներում մտցրել է ակնհայտ կեղծ տվյալներ. արդյունքում պետական բյուջե չի վճարել 66 մլն 30 հազար 178 դրամ հարկ: Այս մասին հայտնում են Գլխավոր դատախազության հանրային կապերի բաժնից։

Մասնավորապես՝ քրեական գործի նախաքննությամբ պարզվել է, որ «ԷԼ-ԱՆ» ընկերության տնօրեն Ն.Ն.-ն Ընկերության կողմից կառուցապատված և 2018 թվականի մայիսից մինչև 2019 թվականի ապրիլ ամիսների ընթացքում օտարված Կիևյան 2/9 հասցեի բազմաբնակարան շենքի 7 բնակարանների արժեքները պակաս, իսկ ընկերության իրականացրած ծախսերն ավել է հայտարարագրել հարկային մարմին ներկայացված հաշվարկներում:

Բացի այդ, Ընկերության 2018 և 2019 թվականների համախառն եկամտից նվազեցվող ծախսերը կազմել են 74 մլն 818 հազար 704 դրամ և 205 հազար 694 դրամ, սակայն, Ն.Ն.-ն համախառն եկամտից նվազեցվող ծախսերը ներկայացրել է 2018 թվականի շահութահարկի հաշվարկով՝ 131 մլն 30 հազար 745 դրամ և 2019 թվականի շահութահարկի հաշվարկով՝ 99 մլն 845 հազար 150 դրամ: Արդյունքում, Ն.Ն.-ն, խախտելով, ՀՀ հարկային օրենսգրքի մի շարք հոդվածներ, Ընկերության հարկվող շահույթը նշված ժամանակահատվածում պակաս է ցույց տվել ՝ 2018 թվականին պետական բյուջե չվճարելով 26 մլն 523 հազար 352 դրամ, իսկ 2019 թվականին՝ 22 մլն 76 հազար 886 դրամ: 2018 թվականի մայիս, օգոստոս, հոկտեմբեր, նոյեմբեր, դեկտեմբեր, 2019 թվականի ապրիլ ամիսների համար չի հաշվարկել և պետական բյուջե չի վճարել 17 մլն 429 հազար 940 դրամ ավելացված արժեքի հարկ: Հաշվի առնելով վերը նշված հանգամանքը՝ ՊԵԿ քննչական վարչությունում (այժմ՝ Քննչական կոմիտեի տնտեսական հանցագործությունների և մաքսանենգությունների քննության գլխավոր վարչություն) 18.04.2003 թվականին ընդունված ՀՀ քրեական օրենսգրքի 205-րդ հոդվածի 2-րդ մասով (հարկերը, տուրքերը կամ պարտադիր այլ վճարումները վճարելուց չարամտորեն խուսափելը, որը կատարվել է առանձնապես խոշոր չափերով) Ն.Ն.-ին 2022 թվականի հունիսի 27-ին առաջադրվել է մեղադրանք:

Որպես խափանման միջոց է ընտրվել ստորագրություն չհեռանալու մասին: Դատախազական հսկողության ներքո կատարվում են անհրաժեշտ քննչական գործողություններ, այդ թվում՝ նշանակվել է դատահաշվապահական փորձաքննություն: Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այս թեմայով Միքայել արքեպիսկոպոս Աջապահյանի նկարով կեղծ հայտարարություն է տարածվում Պետությանը պատճառված 12մլրդ 155մլն դրամ վնաս է վերականգնվել 2024թ․ առաջին եռամսյակում Մհեր Գրիգորյանը և ՎԶԵԲ-ի տարածաշրջանային տնօրենը քննարկել են Հայաստանում իրականացվող ծրագրերի ընթացքը Ռուս կանայք դիմել են ոստիկանություն և հայտնել, որ «Հաղթանակ» այգու տնօրենը ձեռքով հարվածել և թքել է իրենցից մեկի դեմքին Վարձու աշխատողի՝ եկամտային հարկի վերաբերյալ տեղեկատվությունը հարկային մարմին կներկայացնի գործատուն. «Փաստ» «Ժողովուրդ». Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը Խաչատուրյանը Ֆրանսահայերի խորհրդի նախագահին է ներկայացրել ՀՀ սահմանազատման գործընթացը Nissan Qashqai-ը նոր թարմացված մոդել է ներկայացրել (լուսանկարներ) Մարտին ապրանքների բացթողումից հետո պակաս վճարված մաքսային վճարների ու տույժերի գումարը՝ 41․101 մլն դրամ է Ստեփանակերտի ռուսական դրամատիկական թատրոնը ներկայացրել է ևս երկու գարնանային բեմադրություն