«Ստուգումները պետք է նպաստեն հանրակրթության ոլորտի բացերի վերհանմանը և կրթության որակի բարելավմանը». Ժաննա Անդրեասյան

Կրթության, գիտության, մշակույթի և սպորտի նախարարությունում տեղի է ունեցել Կրթության տեսչական մարմնի կառավարման խորհրդի այս տարվա առաջին նիստը, որը վարել է նախարար Ժաննա Անդրեասյանը:

ԿԳՄՍՆ-ից հայտնում են, որ նիստի ընթացքում քննարկվել և խորհրդի կողմից հավանության է արժանացել Կրթության տեսչական մարմնի 2022 թվականի տարեկան հաշվետվության նախագիծը:

Քննարկմանը մասնակցել են ՀՀ վարչապետի աշխատակազմի տեսչական մարմինների աշխատանքների համակարգման գրասենյակի ղեկավարի տեղակալ Արմեն Դանիելյանը, Կրթության տեսչական մարմնի ղեկավարին փոխարինող Ռաիսա Գալստյանը, Կրթության տեսչական մարմնի կառավարման խորհրդի անդամներ և տեսչական մարմնի այլ ներկայացուցիչներ: Քննարկմանը մասնակցել է նաև ԿԳՄՍ նախարարի տեղակալ Արաքսիա Սվաջյանը:

Կրթության տեսչական մարմնի ղեկավարին փոխարինող Ռաիսա Գալստյանը, ըստ եռամսյակների, հակիրճ ներկայացրել է Կրթության տեսչական մարմնի գործունեությունը՝ նշելով, որ տարվա ընթացքում իրականացվել է 212 ստուգում 208 հաստատությունում, որից 35-ը՝ նախադպրոցական, 157-ը՝ հանրակրթական, 4-ը՝ նախնական մասնագիտական և 12-ը՝ միջին մասնագիտական ուսումնական հաստատություններում։

ԿԳՄՍ նախարար Ժաննա Անդրեասյանը, կարևորելով ՀՀ կրթության տեսչական մարմնի աշխատանքը, նշել է, որ հանրակրթության ոլորտում վերջին տարիների ընթացում տեղի են ունեցել բազմաթիվ փոփոխություններ, որոնք ներառում են կրթության ինչպես բովանդակային, այնպես էլ օրենսդրական բարեփոխումները: Հետևաբար, ըստ նախարարի` այս փուլում տեսչական մարմնի մասնագիտական դիտարկումների առաջնային խնդիրը պետք է լինի կատարված փոփոխությունների արդյունավետության որակական գնահատումը:

Ժաննա Անդրեասյանի խոսքով` բոլոր ստուգումները վերջնարդյունքում պետք է նպաստեն հանրակրթության ոլորտում առկա բացերի վերհանմանը և կրթության որակի բարելավմանը:

«Պետք է կատարել ուսումնասիրություն, համադրել աշխատանքները, բացահայտել առկա բոլոր խնդիրները և համատեղ ջանքերով մշակել լուծումներ»,- ասել է նախարարը:

Նա առաջնային է համարել կառույցի կողմից կիրառվող գնահատման գործիքակազմերի վերանայումը՝ դրանք նախօրոք քննարկելով համապատասխան մարմինների՝ ԿԶՆԱԿ-ի և ԳԹԿ-ի հետ: Նրա խոսքով՝ առաջնային պետք է  համարել պետության կողմից գիտելիքների ստուգման նույնական գործիքակազմով աշխատելու կարևորությունը: Շեշտվել է, որ կան ընթացակարգեր, որոնք լրամշակման ու վերանայման կարիք ունեն:

Նիստի ընթացքում քննարկվել են նաև աշխատանքային, տեխնիկական, մեթոդական մի շարք այլ հարցեր:

Այս թեմայով Հույս ունեմ՝ առաջին բուհը կարող է ակադեմիական քաղաք տեղափոխվել 5-7 տարի հետո․ Թոբիաս Քեյլ Երևանի դպրոցներում դասապրոցեսն ընթանում է բնականոն հունով․ ԿԳՄՍՆ Անահիտ աստվածուհու բրոնզե արձանի գլուխը կցուցադրվի Հայաստանի պատմության թանգարանում․ ԿԳՄՍՆ Արմեն Նազարյանն ու Վաղինակ Գալուստյանը պարգևատրվել են ԿԳՄՍՆ ոսկե մեդալով Բարձրագույն կրթության և գիտության կոմիտեի նախագահը մեկնաբանել է բուհերի խոշորացման վերաբերյալ շրջանառվող լուրերը ԿԳՄՍՆ-ն առաջարկում է փոփոխել թատերահամերգային կազմակերպությունների ֆինանսավորման սկզբունքը. «Փաստ» «Մեկին հազար ձի ու ջորի». ի՞նչ սկզբունքով է գումարները բաշխում ԿԳՄՍՆ-ն. «Փաստ» Հայաստանը չի մասնակցի ՌԴ–ում կայանալիք «Ապագայի խաղեր 2024» մրցաշարին. ԿԳՄՍՆ Ժաուտիկովյան օլիմպիադայի մրցանակակիրներին կտրամադրվի անվանական կրթաթոշակ. ԿԳՄՍՆ ԿԳՄՍՆ-ն փոփոխություն է իրականացրել մարզական ֆեդերացիաների ֆինանսավորման կարգը հաշվարկող հանձնաժողովի գործունեության կարգում