Ռազմահայրենասիրական խմբակների, տարբեր դասընթացների դադարեցման կամ կասեցման ծրագիր գոյություն չունի․ Ժաննա Անդրեասյան

Տևական ժամանակ շրջանառվող այն տեղեկություններն իբրև ԿԳՄՍ նախարարությունը արգելել և արգելում է դպրոցներում ռազմահայրենասիրական միջոցառումների անցկացումը ապատեղեկատվություն է և չի համապատասխանում իրականությանը: «Արմենպրես»-ի հետ զրույցում այս մասին նշեց ՀՀ կրթության, գիտության, մշակույթի և սպորտի նախարար Ժաննա Անդրեասյանը:

«Այս տարեսկզբից մենք ավելի քան 900 խմբակների ծրագրեր ենք հաստատել, երաշխավորել դպրոցներում, և դրանց զգալի մասը կրում է ռազմահայրենասիրական զինվորական պատրաստության բնույթ: Որևէ խոսք և որևէ ծրագիր ուղղված ռազմահայրենասիրական խմբակների, տարբեր դասընթացների դադարեցմանը կամ կասեցմանը ուղղակի չի եղել»,- ասաց նախարարը:

Նախարարը հավելեց, որ տեղեկատվությունը, որը միտումնավոր կեղծվել է, այն մասին էր, որ զինված բնույթ ունեցող կառույցները, զորամասները չտեղակայվեն դպրոցների, ուսումնական հաստատությունների շենքերում կամ դրանց կից:

«2017 թվականին մեր երկիրը միացել է անվտանգ դպրոցների հռչակագրին, որով սահմանված է հստակ նորմ: Բոլորս հասկանում ենք, որ տարբեր իրավիճակներում, երբ զինված բնույթի կառույցները տեղակայված են ուսումնական հաստատություններում, շենքերում կամ անմիջական հարևանությամբ, դառնում են թիրախ: Սրա նպատակը ուսումնական հաստատությունների անվտանգությունը բարձրացնելն է: Կան երկրներ, որոնցից է, օրինակ, Ադրբեջանը, զորամասերը տեղակայում են ուսումնական հաստատություններին կից, որպեսզի որևէ իրավիճակի պարագայում կարողանան մեղադրանքներ ուղղել»,- պարզաբանեց Անդրեասյանը։

Նախարարը նշեց, որ նորմի պահպանումը բխում է դպրոցների, մանկապարտեզների, ուսումնական հաստատությունների անվտանգությունն ապահովելու շահերից:

Այս թեմայով Եթե Սիսիանում բռնաճնշումներ չլինեին՝ ՔՊ-ն կստանար 25-30 % և ՀՀԿ-ն կհաղթեր. Աշոտ Անդրեասյան Ժաննա Անդրեասյանը հետևել է Հայաստանի ֆուտբոլի ազգային հավաքականի մարզմանը Մեր բացառիկ հուշարձանները իբրև թե վերականգնել ենք՝ գրեթե վանդալիզմի հասնող մոտեցմամբ. Ժաննա Անդրեասյան 1565 ուսուցչի աշխատավարձը կրկնապատկվել է. Ժաննա Անդրեասյան Բուհերի խոշորացում լինելու է, բայց այս պահին կոնկրետ բուհերի միավորման հարց չի քննարկվում․ Ժաննա Անդրեասյան Փաշինյանը պատվիրակություն է գործուղում Վրաստան. այն կգլխավորի Ժաննա Անդրեասյանը Ծնվել է ռեժիսոր Սարիկ Անդրեասյանի դուստրը (լուսանկարներ) Գործում է համաճարակային ֆիլտր. Ժաննա Անդրեասյան Տարին ամփոփում ենք մեծ անհանգստությամբ ԼՂ-ի մեր հայրենակիցների համար. Ժաննա Անդրեասյան Պետք է տեղ տանք նոր և հետաքրքիր գաղափարներին․ Ժաննա Անդրեասյանը հանդիպել է կինոգործիչների հետ