ԵԽ բանաձևում դատապարտվել է ԼՂ-ում հայկական մշակութային արժեքների ոչնչացմանն ուղղված Ադրբեջանի քաղաքականությունը

Եվրոպական խորհրդարանն ընդունել է «Մշակույթի համար նոր եվրոպական օրակարգի և միջազգային մշակութային հարաբերությունների համար ԵՄ նոր ռազմավարության իրականացում» բանաձևը։

ԿԳՄՍՆ-ից հայտնում են, որ Բանաձևում անդրադարձ է կատարվում հակամարտային գոտիներում մշակութային արժեքների պաշտպանության հարցերին և դատապարտվում է վերջին հակամարտությունների ժամանակ պատմական, գեղարվեստական և մշակութային ժառանգության նպատակաուղղված ոչնչացումը։               

Եվրոպական խորհրդարանի անվտանգային ու պաշտպանական հարցերով ենթակոմիտեի նախագահ Նատալի Լուազոյի (Nathalie LOISEAU/Renew Europe/ Ֆրանսիա) ստորագրած և նույն խմբակցության անդամ Պետրաս Աուստրևիչուսի (Petras AUŠTREVIČIUS/Լիտվա) կողմից համաստորագրված լրամշակման հիման վրա hստակ քննադատվում է նաև Լեռնային Ղարաբաղում հայկական մշակութային արժեքների ոչնչացմանն ուղղված Ադրբեջանի շարունակական քաղաքականությունը:

Բանաձևի 78-րդ կետում, մասնավորապես, նշվում է. «Եվրախորհրդարանը կոչ է անում հանձնաժողովին խստիվ դատապարտել վերջին հակամարտությունների ընթացքում պատմական, գեղարվեստական և մշակութային ժառանգության ոչնչացումը, ինչպես նաև պատմական, գեղարվեստական և մշակութային ժառանգության համակարգված և քաղաքական կամ գաղափարական շարժառիթներով նպատակաուղղված ոչնչացումը:  Եվրախորհրդարանը կոչ է անում հանձնաժողովին խստիվ դատապարտել նաև ինքնիշխան պետությունների, ժողովուրդների կամ փոքրամասնությունների ինքնության և մշակույթի արմատապես վերացումը, ներառյալ՝ Լեռնային Ղարաբաղում և նրա շրջակայքում հայկական մշակութային ժառանգությունը ոչնչացնելու և ժխտելու Ադրբեջանի շարունակական քաղաքականությունը»:

Բանաձևն ընդունվել է նախորդ տարվա դեկտեմբերին: Այն հասանելի է հետևյալ հղմամբ: 

Այս թեմայով Զախարովան` Սյունիքում Ադրբեջանի կողմից ռուս զինծառայողների վրա կրակելու միջադեպի մասին Եթե ՀԱՊԿ-ն դուրս է գալիս ՀՀ-ից, ապա հայկական կողմն ինչպե՞ս է պատկերացնում «մուտքը». Զախարովա (տեսանյութ) Պետք է ակտիվացնենք ջանքերը, որ Ադրբեջանի վրա լուրջ միջազգային ճնշում գործադրվի․ Արցախի ԱԳ նախարար Թալիշում տեղի ունեցածը Ադրբեջանի կողմից իրականացվող ցեղասպան քաղաքականության հիմնավոր ապացույց է․ վարչապետ Ի՞նչ իմաստ ունի Ադրբեջանի հետ ինչ որ բան պայմանավորվել, եթե մեկ է՝ դրանք էլի խախտվելու են Մենք պիտի հասնենք խաղաղության՝ ի հեճուկս Ադրբեջանի մղումների. Վահագն Ալեքսանյան Դեպի Ռուսաստան հայկական ծագման ապրանքների արտահանումը կորցնում է մրցունակությունը. Պարսյան Ադրբեջանը կեղծում է, թե իբր հայկական կողմը զորք և զենք է տեղափոխել Ստեփանակերտ- Լիսագոր ճանապարհով ԱԽ քարտուղարը ընդդիմադիր պատգամավորին թույլ չի տալիս ծանոթանալ խաղաղության պայմանագրի՝ հայկական կողմի առաջարկներին (տեսանյութ) Արցախը չի՛ կարող լինել Ադրբեջանի կազմում․ դա են վկայում Ալիևի ռազմատենչ հայտարարությունները