Շիրակի մարզի փաստաբաններն ահազանգում են՝ մարզի դատավորները տեղափոխվում են Երևան

 Բարձրագույն դատական խորհրդի որոշմամբ՝ Շիրակի մարզի ընդհանուր իրավասության առաջին ատյանի 10  դատավորներ տեղափոխվել են Երևան։ Հաճախակի դարձած տեղափոխությունների պատճառով դատավորների վարույթներում գտնվող քրեական ու քաղաքացիական գործերը անհարկի ձգձգվում են, վերջնական վճիռներ չեն կայացվում։

Շիրակի մարզի փաստաբանների մոտ  սա դժգոհություն է առաջացրել:

«Պարալիզացվել է Շիրակի մարզի ընդհանուր իրավասության առաջին ատյանի դատարանի աշխատանքը: Այս որոշումն անհասկանալի  ու անլուրջ է, միայն վերջին երկու ամիսների ընթացքում Երևան  են տեղափոխվել քրեական և քաղաքացիական գործերով ընդհանուր 10 դատավոր»,- Գյումրու «Դիալոգ» մեդիա կենտրոնում կայացած ասուլիսի ժամանակ նշեցին փաստաբանները:

Փաստաբանների պնդմամբ՝ դատավորների փոփոխությունը գերծանրաբեռնված վիճակ է ստեղծում նաև իրենց մոտ։ Կան դատական գործեր, որոնք այս ընթացքում 3-4 դատավոր են փոխել:

«Այսինքն՝ 18-19 դատավորի հաստիքով դատարանից կեսից ավելին տեղափոխվել է։ Եթե մենք նայում ենք, թե ինչ միլիոնավոր դրամներ են ծախսվել այդ դատավորների վարույթներում գտնվող քրեական կամ քաղաքացիական գործերը քննելու, կամ դատավորներին վարձատրելու համար, փաստ է դառնում, որ այդ գումարների առնվազն կեսը, եթե ոչ ավելին, վատնված է եւ փոշիացված․․․Անիմաստ ծախսված գումարներ են։ Գործեր ունենք, որ հինգ տարի մուտք է գործել դատարան և չի սկսվել այդ գործի քննությունը: Կան գործեր, որ հասել են վերջին և նորից զրոյից սկսում են: Դատարանի նկատմամբ քաղաքացին վստահությունը կորցնում է, իսկ քրեականի մասով նույնիսկ անդառնալի հետևանքների կարող է հանգել»,-նշում է փաստաբան Հայկ Հարությունյանը վստահեցնելով՝ դատավորները տեղափոխվում են Երևանում թափուր աշխատատեղերը համալրելու համար:

Գայանե Գևորգյանի խոսքով՝ յուրաքանչյուր դատավորի փոփոխություն նշանակում է գործընթացը նորից սկսել, այս դեպքում քաղաքացուն պատասխան պետք է տա փաստաբանը:

«Չենք հասկանում ԲԴԽ-ի այս որոշումը` երկու ամիսների ընթացքում 8-10 դատավոր Շիրակի մարզից տեղափոխվում է Երևանի ընդհանուր իրավասության դատարանի թափուր պաշտոնները զբաղեցնելու, ստացվում է, որ Շիրակի մարզը տրամպլի՞ն է՝ գալ, փորձառություն ձեռքբերել ու գնալ Երևան: Ուրեմն մեր մոտ ոչ արհեստավարժ դատավորնե՞ր պետք է միշտ աշխատեն»,- նշում է նա:

Գայանե Գեւորգյանը կարծում է, որ Շիրակի մարզի առաջին ատյանի ընդհանուր իրավասության դատարանում ստեղծված այս իրավիճակը կառավարման ոչ ճիշտ հետեւանք է.

«Մասնագիտացված դատարաններ են ստեղծվում, մասնավորապես, Հակակոռուպցիոն դատարանի մասին է խոսքս, դա եւս հանդիսանում է պատճառներից մեկը, թե ինչու են դատավորները տեղափոխվում կամ ինչու են առաջանում թափուր աշխատատեղեր։ Շիրակի մարզի առաջին ատյանի ընդհանուր իրավասության դատարանի նախագահը եւս տեղափոխվելու է Վերաքննիչ հակակոռուպցիոն դատարան: Դատավոր կնշանակվի, թե ոչ՝ դեռ տեղյակ չեմ»:

Արամայիս Հայրապետյանն ընդգծում է՝ այս ընթացքի դեպքում փաստաբանները չեն հասցնի սպասարկել ազգաբնակչությանը՝ կուտակված գործերի  ու ծանրաբեռնվածության պատճառով:

«Սա նշանակում է, որ այլևս Շիրակի մարզում մենք գործ ունենք մերժված արդարադատության հետ՝ գործը ողջամիտ ժամկետում չի քննվում, չի ավարտվում, որոշում չի կայացվում՝ այդ արդարադատությունն արդեն մերժված է ու ինքն իր նպատակին չի ծառայում, առավել ևս՝ քրեական մասով: Իմ վարույթում կա քրեական գործ, որը քննվում է 8-9 տարի»:

Դեռ 2022 թվականի նոյեմբերին ՀՀ բարձրագույն դատական խորհրդին, ՀՀ արդարադատության նախարարությանն ու ՀՀ նախագահին բաց նամակով էին դիմել Շիրակի մարզի փաստաբանները՝ ներկայացնելով  մարզի դատավորներին Երեւան տեղափոխելու հետեւանքները։

Այս թեմայով Երևանում շարունակվում են անհնազանդության ակցիաները, փակ է Շիրակի փողոցը Երևան-Սևան ավտոմայրուղու վրա պարեկները կանգնեցնում են բոլոր բեռնատար մեքենաներին` արգելելով նրանց մուտք գործել Երևան ԱԺ պատգամավորը տեղափոխվում է Նոյեմբերյանի հիվանդանոց (տեսանյութ) «Հող ու ջուր, մեր ու մանուկ ուրացել ենք». քաղաքացիները փակել են Երևան-Գյումրի ավտոճանապարհը (տեսանյութ) Հայոց Ցեղասպանության 109-րդ տարելիցի օրը հիշատակվեց և ոգեկոչվեց Շիրակի մարզում Սպասում ենք Երևան-Սևան ճանապարհը բացվի, որ գնանք միանանք Կիրանցի մեր հայրենակիցներին. Ակցիայի մասնակից Ապարանում բախվել են Վանաձոր-Երևան «ГАЗель»-ը, «Volkswagen»-ն ու «Lada»-ն. կա 7 վիրավոր ՈՒՂԻՂ․ Բազմաթիվ քաղաքացիներ փակել են Երևան-Սևան մայրուղին Սևանի թերակղզու հատվածում Բագրատաշենի ճանապարհին իրավիճակը լարվեց, մարզի ոստիկանապետը փորձում է բացել ճանապարհը (տեսանյութ) Տպավորված եմ մարզի բնությամբ․ Ֆրանսիայի դեսպանը Տավուշում է