Պատգամավորը ցամաքային սահմանով Թուրքիային հումանիտար օգնություն հասցնելը դրական ազդակ է համարում բանակցությունների համար

ՀՀ ազգային ժողովի «Քաղաքացիական պայմանագիր» խմբակցության պատգամավոր, Արտաքին հարաբերությունների մշտական հանձնաժողովի նախագահ Սարգիս Խանդանյանը Հայաստանի կողմից Թուրքիային հումանիտար օգնությամբ ցամաքային սահմանով բեռնատարներ ուղարկելը դրական ազդակ է համարում Հայաստանի և Թուրքիայի կարգավորման գործընթացի համար՝ հույս հայտնելով, որ Թուրքիայի կառավարությունն ավելի կհակվի սահմանը բացելու գործընթացին:

Ըստ պատգամավորի՝ ՀՀ-ն, որպես միջազգային հանրության նորմալ անդամ, պետք է միշտ արձագանքի հատկապես այսպիսի մասշտաբի աղետներին, առաջարկի օգնություն և համաձայնության դեպքում օգնի: Աղետին արագ արձագանքելն է հենց եղել Հայաստանի նպատակը:

Իսկ ինչ վերաբերում է Հայաստանի և Թուրքիայի միջև ընթացող բանակցությունների վրա այդ քայլի ազդեցությանը՝ նա ասաց. «Իհարկե այն նյուանսը կա՝ առնվազն ընկալման տեսանկյունից: Ես կարծում եմ, որ սա որոշակի առումով դրական ազդակ է: Իհարկե, նման մասշտաբի աղետի դեպքում դրական ազդակներից խոսելը դժվար է, բայց այնուամենայնիվ, մենք տեսնում ենք, որ ցանկության դեպքում հնարավոր է սահմանը բացել, շահագործել կոմունիկացիաները: Եվ հույս ունենանք, որ Թուրքիայի կառավարությունն ավելի կհակվի այս գործընթացին, և մենք ավելի արագ արդյունքները կտեսնենք»,-ասաց Խանդանյանը:

Թուրքիայում ավերիչ երկրաշարժից հետո Հայաստանը փետրվարի 11-ին ցամաքային սահմանով՝ Մարգարայի կամրջով, հումանիտար օգնությամբ բեռնված բեռնատարներ է ուղարկել Թուրքիա: Հայաստանի և Թուրքիայի միջև ցամաքային սահմանը փակ է շուրջ 30 տարի:  

Այս թեմայով ԱԺ պատգամավորը տեղափոխվում է Նոյեմբերյանի հիվանդանոց (տեսանյութ) Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև 2026-ից սկսած դպրոցի ավարտական քննությունները կհանդիսանան նաև բուհի համար ընդունելության քննություններ. նախագիծ Իշխանությունն ունի արտաքին սատարում, դրա համար էլ չի հաջողվում հեռացնել. Սերժ Սարգսյան «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Նոյեմբերյանում ճանապարհը փակելու համար 5 անձ ձերբակալվել է Անցյալի ճանաչումն ու անպատժելիության դեմ պայքարը վճռորոշ նշանակություն ունեն նոր ցեղասպանությունները կանխարգելելու համար․ ՀՀ նախագահ Իշխանության՝ խնդիրները լսելու կամքը բավարար չէ դրանք լուծելու համար, բռնություններ չպիտի լինեն․ ՄԻՊ Ապրիլի 25-ը որոշիչ օր է Մամիկոն Ասլանյանի համար. «Ժողովուրդ» Կարևոր եմ համարում Մեծ եղեռնի ներքին հայեցումը․ Նիկոլ Փաշինյանի ուղերձը