ՔՊ-ական պաշտոնյաների բիզնեսները՝ մինչ հեղափոխությունը և այսօր. Վահե Օհանջանյան

Շարունակելով ներկայացնել այն հեղափոխական պաշտոնյաներին, որոնց բիզնեսները կտրուկ ծաղկել են հեղափոխությունից հետո, այսօր կանդրադառնանք Երևանի ավագանու «Իմ քայլը» խմբակցության անդամ Վահե Օհանջանյանին:

Վերջին շրջանում բավական հաճախ է խոսվում ապօրինի շինարարության դեմ պայքարը ակտիվացնելու անհրաժեշտության մասին: Միևնույն ժամանակ, քչերը գիտեն, որ այդպիսի շինարարության հանդեպ Նոր Հայաստանում մեծ սեր ունեն ոչ միայն շարքային քաղաքացիները, այլ նաև հայտնի օլիգարխներն ու պաշտոնյաները: Շատերի անունը մամուլում արծարծվել է կապված ապօրինի շինարարություն իրականացնելու հետ:

Դիցուք՝ Բագրատ Մանուկյանն ու քույրը՝ Սրբուհի Մանուկյանը, բնակվում են Երևանի Այգեստան 2-րդ փողոց, 18 հասցեում։ «Ման Գրուպ» ընկերությունը, որի տնօրենը Երևանի ավագանու «Իմ քայլը» դաշինքի անդամ Վահե Օհանջանյանն է, նախորդ տարվա նոյեմբեր ամսին շինարարություն է սկսել նույն փողոցում գտնվող Այգեստան 2-րդ փողոց 16 և 16/1 հասցեներում։ Շինարարության հետեւանքով վնասվել է Մանուկյանների տունը, բակի բետոնապատ հատվածում առաջացել են ճաքեր։ 

Քույր ու եղբայր Մանուկյանները 2019-ին, իրենց հարևանների հետ, համաձայնագիր են ստորագրել, որ դեմ չեն Այգեստան 18 հասցեում գտնվող իրենց տան հարակից՝ Այգեստան 16 և 16/1 հասցեներում բազմահարկ շենքի կառուցմանը։ Սակայն, բնակիչների խոսքով, կառուցումն ընթացել է մի շարք խախտումներով։ Նախ՝ շինարարությունն սկսվել է ավելի վաղ, քան ընկերությունը շինթույլտվություն է ստացել։

«ՄԱՆ գրուպ» ընկերությունը բնակելի շենքի կառուցման շինթույլտվությունը ստացել է 2022-ի նոյեմբերին, քանդման աշխատանքներ կատարելու թույլտվությունը՝ սեպտեմբերին։ Մինչդեռ ընկերության ֆեյսբուքյան էջում բնակելի շենքի նախագծի նկարներն ու գնառաջարկները տեղադրված են հունիսից։ Ստացվում է, որ ընկերությունը հստակ իմացել է, որ ստանալու է շինթույլտվությունն, ու բնակելի շենքը կառուցվելու է։ ՍՊԸ-ի հիմնադիրը Վահե Օհանջանյանն է:

Վահե Օհանջանյանը 2018թ. սեպտեմբերի 23-ին Երևանի ավագանու արտահերթ ընտրություններում «Իմ քայլը» կուսակցությունների դաշինքի ընտրական ցուցակով ընտրվել է Երևանի ավագանու անդամ։ Նա նաեւ քաղաքաշինության և հողօգտագործման մշտական հանձնաժողովի անդամ է։

2018-2019թթ. նա հիմնադրել է «Տուրիստիկա» և «Քար Թուր Թրավել Քլաբ» ներգնա և արտագնա զբոսաշրջությամբ զբաղվող ընկերությունները։

2020թ.-ից 2022 թ․-ն եղել է «ՄԼ մայնինգ» ընկերության վաճառքի գծով փոխտնօրենը։

ՄԱՆ գրուպը հիմնադրվել է 2012 թվականին

Մինչ հեղափոխությունն ընկերության անունը ընդհանրապես որևէ տեղ չի հանդիպում, փաստացի ՍՊԸ-ն ոչնչով աչքի չի ընկել, թույլտվություններ չի ստացել, տենդերներ էլ չի հաղթել: Ինչպես երևում է՝ հեղափոխությունից հետո ՔՊ-ականի բիզնեսը կտրուկ առաջընթաց է արձանագրել, վատ է սակայն, որ դա արվում է շարքային քաղաքացիների իրավունքները ոտնահարելով և օրենքի խախտումներով:

Այս թեմայով Մենք տավուշեցու տունը չենք տալիս թշնամուն. Վահե Ղալումյան (տեսանյութ) Տարածքների փոխանակման մասին խոսակցությունները հիմք չունեն. ՔՊ պատգամավոր, Նիկոլ Փաշինյանի քավոր Վահե Ղալումյան Մատով հետս չխոսաս. վիճաբանություն՝ Վահե Ղազարյանի և պահեստազորի գնդապետի միջև (տեսանյութ) «Կարողանու՞մ եք նայել ժողովրդի աչքերին». լրագրողը՝ ՔՊ-ական Վահե Ղալումյանին «Չափդ չանցնես, ես իմ հողի վրա եմ». տավուշցին` Վահե Ղազարյանին Եկել եմ` ասեմ, որ ձեզ խաբող չկա. Վահե Ղազարյան Վահե Ղալումյանը գործուղվում է Բելգրադ Ինչպես են ձևավորվում Դեր Զորի ճանապարհը և Լաչինի միջանցքը․ Վահե Հովհաննիսյան Չկան օրգանական դաշնակիցներ, կան շահեր, ընդ որում՝ գետնի վրա գտնվող շահեր. Վահե Դավթյան Ամսի 5-ին հայ ժողովրդին կառաջարկվի արևմտյան կոնֆետ՝ Ռուսաստանի և Իրանի հանդեպ «սառնության» դիմաց. Վահե Հովհաննիսյան