Կրակոցներ և դանակահարություն՝ Արարատի մարզում․ կա վիրավոր

Այսօր՝ մարտի 9-ին, ժամը 00։40-ի սահմաններում «Արտաշատ» բժշկական կենտրոնից Ոստիկանության Արարատի բաժին ահազանգ է ստացվել, որ «աջ սրունքի ստորին երորդականի, աջ սրունքթաթային հոդի առաջնային և դրսային մակերեսների, ձախ ազդրի դրսային մակերեսի հրազենային, կոտորակային վնասվածք» ախտորոշմամբ իրենց մոտ է տեղափոխվել մի քաղաքացի։ Այս մասին հայտնում է Shamshyan.com-ը։

Ինչպես հայտնում է ֆոտոլրագրող Գագիկ Շամշյանը, հիվանդանոց են մեկնել ՀՀ ներքին գործերի նախարարության Ոստիկանության Արարատի մարզային վարչության պետ Սարիբեկ Ռուստամյանը, Ոստիկանության Արարատի բաժնի պետ Ֆիլիպպ Ստեփանյանը։

Ոստիկանները պարզել են, որ վիրավորը Արարատի մարզի գյուղերից մեկի բնակիչ 40-ամյա Նորիկ Ի․-ն է։

Մինչ բժիշկները օգնություն էին ցուցաբերում վիրավորին, Արարատի մարզի ոստիկանները՝ մարզի ոստիկանապետ Ս․ Ռուստամյանի գլխավորությամբ, պարզել են, որ նույն օրը, կեսգիշերն անց Ոսկետափ գյուղի Երևանյան խճուղու տներից մեկի դարպասների դիմաց կրակել են Նորիկ Ի․-ի ոտքին, պատճառելով վնասվածքներ։

Պարզվել է, որ մարտի 8-ին, ժամը 23։40-ի սահմաններում Ոսկետափ գյուղում գյուղացիներին հայտնի գյուղի գծերի հատվածում Արարատի մարզի բնակիչ 32-ամյա Նարեկ Ք․-ի և Նորիկ Ի․-ի միջև կենցաղային հարցերի ծուրջ վիճաբանություն է տեղի ունեցել, որի ժամանակ Նարեկ Ք․-ն իր մոտ եղած դանակով հարվածել է Նորիկ Ի․-ի ձեռքին, որից հետո կարճ ժամանակ անց Նարեկ Ք․-ն մոտեցել է Ոսկետափ գյուղի Երևանյան խճուղու 50/1 հասցեի մոտ և շարունակել վիճաբանել Նորիկ Ի․-ի հետ։ 

Այդ ընթացքում Նարեկ Ք․-ն իր մոտ եղած ողորկափող հրացանից 2 կրակոց է արձակել, իսկ Նորիկ Ի․-ն իր մոտ եղած «Իժ» 12 տ/չ ողորկափող հրացանով կրակոցներ է արձակել Նարեկ Ք․-ի ուղղությամբ։ 

Դեպքի փաստով Հայաստանի քննչական կոմիտեի Արարատի մարզային քննչական վարչության Վեդիի քննչական բաժնում նախաձեռնվել է քրեական վարույթ։

Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ միջոցառումներ Նարեկ Ք․-ին և հանցագործության գործիք՝ հրացանները հայտնաբերելու ուղղությամբ։

Այս թեմայով Ավտովթար՝ Կոտայքի մարզում. Նոր Գեղիում բախվել են «Mercedes»-ը, «06»-ն ու տրակտորը Հայոց Ցեղասպանության 109-րդ տարելիցի օրը հիշատակվեց և ոգեկոչվեց Շիրակի մարզում Ապարանում բախվել են Վանաձոր-Երևան «ГАЗель»-ը, «Volkswagen»-ն ու «Lada»-ն. կա 7 վիրավոր Շղթայական ավտովթար՝ Արարատի մարզում. կա 6 վիրավոր Տավուշի մարզում միջպետական ավտոճանապարհը փակելու ընթացքում 7 անձ է ձերբակալվել. ՔԿ Տավուշի մարզում մի խումբ բնակիչներ կրկին փակել են միջպետական ճանապարհի Կիրանց-Ոսկեպար հատվածը Կոտայքի մարզում գտնվող 1 հա հողամասը վերադարձվել է Հայաստանի Հանրապետությանը Վայոց ձորում իրանական համարանիշերով բեռնատարը կողաշրջվել է Կոտայքում «Volkswagen»-ը բախվել է երկաթե արգելապատնեշներին, գլխիվայր շրջվել. զոհ ու վիրավոր կան Լոռու մարզում 93-ամյա կնոջ սպանության դեպքի առթիվ նախաքննությունն ավարտվել է