Կոռուպցիայի դեմ պայքարը տապալած Սասուն Խաչատրյանն ի՞նքն է նպաստում կոռուպցիոն ռիսկերի աճին

Սասուն Խաչատրայնի ղեկավարած Հակակոռուպցիոն կոմիտեն նախորդ տարի աչքի ընկավ, թերևս, միայն նրանով, որ ժամկետից շուտ սպառել էր իրեն հատկացված գումարն ու կառավարությունից կրկին գումար ուզել՝ մինչև տարեվերջ Հայաստանի Հանրապետության հակակոռուպցիոն կոմիտեի բնականոն գործունեության իրականացման հանգամանքով։ Նշենք, որ Ազգային ժողովի կողմից ընդունված «Հայաստանի Հանրապետության 2022 թվականի պետական բյուջեի մասին» օրենքի 6-րդ հավելվածով, 2022 թվականի ժամանակահատվածում առաջնահերթությունների կարգով, կոռուպցիոն հանցագործությունների բացահայտման և քննության համար նախատեսվել էր 1 մլրդ 269 մլն 400 հզր դրամ:

Կոռուպցիայի դեմ պայքերելու նպատակով ստեղծված կոմիտեն նախորդ տարի 189 մլն 300 հզր դրամ (մոտ 455 հզր դոլար) է հատկացրել ավտոպարկի թարմացման համար:

Սա միակ տարակուսելի ծախսը չէ:  Հակակոռուպցիոն կոմիտեն մարտի 21-ին պայմանագիր է կնքել «Տիգման Գրուպ» ՍՊ ընկերության հետ, ըստ որի` երկու անօդաչու թռչող սարք՝ դրոն, է ձեռք բերել։ Դրոններից յուրաքանչյուրի արժեքը 1․900․000 դրամ է եղել, ընդհանուր՝ 3․800․000 դրամ։

790,000 դրամով ձեռք են բերվել հովացման համակարգերի սպասարկման ծառայություններ, այն էլ մեկ անձից գնման ընթացակարգով:

1,781,470 դրամի վարչական սարքավորումներ են ձեռք բերվել առանց մրցույթի՝ «Մեհրաբյան և որդիներ» ՍՊԸ-ից: Այս ընկերությունը հայտնվել էր տեսչական մարմնի ուշադրության կենտրոնում: Ստուգման ժամանակ «Մեհրաբյան և որդիներ» ՍՊԸ-ի կողմից չեն ներկայացվել շահագործվող արտադրական վտանգավոր օբյեկտների (այսուհետ՝ ԱՎՕ)՝ տեխնիկական անվտանգության ամենամյա փորձաքննության եզրակացությունները և ռեեստրում գրանցման վկայականները։ Այսինքն՝ խախտվել են «Տեխնիկական անվտանգության ապահովման պետական կարգավորման մասին» ՀՀ օրենքի մի քանի պահանջներ: ՍՊԸ-ն տուգանվել էր 2 միլիոն դրամի չափով:

Վահագն Մելիք-Մարտիրոսյան ԱՁ-ից մեկ անձից գնման ընթացակարգով ձեռք է բերվել 2,207,196 դրամի վարչական տեխնիկա:

«Քոփի Փրինթ» ՍՊԸ-ից 985,000 հազար դրամով ցուցատախտակներ են ձեռք բերվել՝ կրկին առանց որևէ մրցույթի։

150,000 և 500,000 դրամի ավտոտեխնիկայի արդիականացման ծառայություն է գնվել «Տոյոտա Երևան»-ից, որի սեփականտեր Սամվել Մայրապետյանի դեմ, հիշեցնենք, քրեական գործ էր հարուցված։

«ՄՈՆՏԱԼ» ՍՊԸ-ից 990,000 , 880,000 և 849,600 դրամի եռակցման ծառայություն, խողովակ և ճաղավանդակ է ձեռք բերվել։

Ակնհայտ է, որ մեկ անձից գնման ընթացակարգով նման գնումներ կատարելը՝ այն էլ տասնյակ միլիոնների հասնող գնումներ կատարելը, իրենց մեջ պոտենցիալ կոռուպցիոն ռիսկ են պարունակում: Ստացվում է՝ Սասուն Խաչատրյանը նշանակումից ի վեր ոչ միայն չի հաջողում աչքի ընկնել քիչ թե շատ էական և աղմկոտ բացահայտումներով, դեռ մի բան էլ, կամա թե ակամա, ինքն է նպաստում կոռուպցիոն ռիսկերի ավելացմանը...

Այս թեմայով «Հրապարակ». Սասուն Միքայելյանը մարզն ամբողջությամբ գրավելու ցանկություն ունի Տիգրան Խաչատրյանն ընդունել է Հայաստանում Ամերիկայի առևտրի պալատի ներկայացուցիչներին Պապիկյանը վարկով ա տունն առել, մամուլում գրում են՝ որտեղի՞ց նրան $400 հազար․ Արմեն Խաչատրյան «Ես բերանի մոտ բան չեմ պահում». Սասուն Միքայելյանի խոսքից հետո դահլիճը «պայթեց» «Ժողովուրդ». Կառավարական կաբինետում բարձրացվել է ՀԿ նախագահ Սասուն Խաչատրյանի պաշտոնանկության հարցը ՔՊ հեղափոխական խոստումների «սրբագրողները». Արմեն Խաչատրյան Վազգենը խփվեց հայի ձեռքով ու թուրքից դաժան, նա դարի ծնունդն էր. Սասուն Միքայելյան Ակնհայտորեն շփոթ կա, այո՛, բայց միգուցե հասկանալի դարձնեիք նախագիծը, նո՞ր բերեիք․ Արթուր Խաչատրյան Խաղաղություն առանց արդարության ընդամենը հրադադար է. Արթուր Խաչատրյանի ելույթը «Սասուն, հույս չունենաս՝ հերթական խժռած դիակդ հայրենիք ու հաղթանակ չմոռացողներինն է լինելու»