Կարևոր է լինել մեկ ամբողջություն․ FAF-ը երկրպագուների միասնական երթ կանցկացնի ՀՀ-Թուրքիա խաղից առաջ

Մարտի 25-ին տեղի կունենա Եվրոպայի 2024 թվականի առաջնության որակավորման փուլի Հայաստան-Թուրքիա հանդիպումը։ Խաղը կանցկացվի «Հանրապետական» մարզադաշտում և կմեկնարկի ժամը 21:00-ին: Հայաստանի ազգային հավաքականի երկրպագուների՝ FAF (Առաջին հայկական ճակատ) շարժման անդամներն այս խաղից առաջ ևս երկրպագուների միասնական երթ կկազմակերպեն, ինչի մասին հանդես են եկել հայտարարությամբ։

«Սիրելի երկրպագուներ, մոտենում է Եվրո 2024-ի ընտրական փուլի մեկնարկը, և այն մեզ համար սկսվելու է #կյանքիխաղով։
Մարտի 25-ին ժամը 17:00-ին, Հայաստան-Թուրքիա խաղից առաջ FAF-ը կազմակերպում է երկրպագուների միասնական երթ` Ֆրանսիայի հրապարակից, որը կավարտվի Հանրապետական մարզադաշտում: Կարևոր չէ՝ որ տրիբունայից եք աջակցելու մեր ընտրանուն, կարևոր է լինել մեկ ամբողջություն, ցույց տալ անսպառ հավատ և տեսնել անմնացորդ նվիրում դաշտում։
Երթի բոլոր մասնակիցներին հորդորում ենք ներկայանալ սև հագուստով, ունենալ հավաքականի կամ Հայաստանի շարֆեր, դրոշներ:
Պիրոանվտանգության նկատառումներից ելնելով՝ երթը նկարահանողներին և լրատվամիջոցների ներկայացուցիչներին խնդրում ենք լինել թմբկահարից 15 մետր առաջ հեռավորությամբ»,- ասված է հաղորդագրության մեջ:

Այս թեմայով Վերջին 13 տարվա ընթացքում առաջին անգամ Հայաստանի ֆուտբոլի կանանց հավաքականը հաղթել է Մ-19 ԵԱ․ Հայաստան - Թուրքիա՝ 0:7 Խվիչան կարող է կարիերան շարունակել «Բարսելոնայում» Կայծակը հարվածել է ֆուտբոլ խաղացող դպրոցականներին․ կա 18 տուժած (տեսանյութ) Հայաստանի ֆուտբոլի կանանց հավաքականը պարտվեց ռումինացիներին՝ 0:5 (տեսանյութ) «Ուրարտուն» ու «Վանը» խաղացին ոչ ոքի (տեսանյութ) Շատ ուրախ եմ, որ նորամուտս նշեցի ազգային հավաքականում․ Տիգրան Ավանեսյան «Ժողովուրդ». Ես ավելի լավ ֆուտբոլ եմ խաղում, քան մեր հավաքականը. Նիկոլ Փաշինյանը խաբել է. մաս 189 Հայաստանի հավաքականը պարտվեց Չեխիայի ընտրանուն Չեխիա - Հայաստան․ առաջին խաղակեսում՝ ոչ ոքի