Լուվրի հետ համագործակցությամբ՝ Էրեբունի թանգարանը կունենա բոլորովին նոր ցուցադրություն

Էրեբունի պատմահնագիտական արգելոց-թանգարանը Լուվրի թանգարանի հետ հանդես է գալիս նոր նախաձեռնությամբ:  Էրեբունի պատմահնագիտական արգելոց-թանգարանի տնօրեն Միքայել Բադալյանը նշեց, որ պատրաստվում են նոր ցուցադրության, որում մեծ ներդրում է ունենալու Լուվրը: Ընթացիկ ամսվա վերջ, Լուվրի հետ համագործակցությամբ Էրեբունի թանգարանը կհայտարարի նոր ցուցադրության սցենոգրաֆիայի մրցույթ:

«Սա չափազանց կարևոր համագործակցություն է: Լուվրի ներդրումը բավական մեծ է լինելու: Չէի ասի, որ թանգարանային սցենոգրաֆիան Հայաստանում շատ զարգացած է, մենք կարիք ունենք միջազգային փորձի: Լուվրն աշխարհի ամենաշատ այցելություն ունեցող թանգարաններից է: Այս թանգարանի փորձը մեծ կարևորություն ունի մեզ համար: Ապրիլի կեսերին լիելու եմ Ֆրանսիայում, քննարկելու ենք ապագա համագործակցության հեռանկարները: Մենք ինտենսիվ աշխատում ենք Լուվրի մեր գործընկերների հետ թանգարանի նոր հայեցակարգ մշակելու ուղղությամբ»,-ասաց Միքայել Բադալյանը:

Թանգարանի տնօրենը նշեց, որ 1984 թվականից այսկողմ, Էրեբունի թանգարանի ցուցադրությունը գրեթե չի փոխվել և ընդամենը փոքրիկ փոփոխություններ են իրականացվել: Ըստ նրա, եթե 1984 թվականի համար դա լավ ցուցադրություն էր, ապա հիմա այն հնացել է և պետք է շարժվել ժամանակին համընթաց:

Նախատեսվում է արդեն այս տարվա դեկտեմբերին փակել Էրեբունի թանգարանի ցուցադրությունը, բաց կլինի միայն մի փոքր հատվածը: Թանգարանը կնախապատրաստվի  բոլորովին նոր ցուցադրությանը: Ու արդեն հաջորդ տարվա ապրիլին այցելուների համար բաց կլինի ժամանակակից, ինտերակտիվ հատվածներով հագեցած ցուցադրությունը:

Թանգարանն այսօր էլ արդեն որոշակի նոր տեխնոլոգիաների բաղադրիչներ ներառում է աշխատանքներում: Վերջերս «Ստեփան Գիշյան» հիմնադրամի աջակցությամբ թանգարանում բացվել է վիրտուալ իրականության փորձառության անկյուն:

«Արդեն ունենք վիրտուալ ակնոցներ, ինչը բավական մեծ պահանջարկ ունի այցելուների շրջանում: Վիրտուալ ակնոցների օգնությամբ այցելուներն ուղևորվում են էրեբունի ամրոց, տեսնում են Արգիշտի թագավորին, մասնակցում են ծեսի: Դրանից բացի, շուտով  քաղաքապտերանի դրամաշնորհով կունենանք հատված, որտեղ այցելուներին նոր տեխնոլոգիաների միոջոցով Արգիշտի թագավորը կպատմի Երևանի ծննդյան վկայականի, դրա կարևորության մասին»,-հավելեց թանգարանի տնօրենը:

Այս թեմայով Սա Տավուշում հավելյալ հնարավորություն է, շրջանավարտը բուհ ընդունվելու 3-րդ հնարավորություն կունենա (տեսանյութ) Ապրիլի 24-ին Հայոց ցեղասպանության թանգարանը կաշխատի 10:00-20:00-ը Էրեբունի վարչական շրջանում մարզադպրոց կկառուցվի Հայաստանը Միացյալ Թագավորությունում կունենա ռազմական կցորդ «Հրապարակ». Երբ եւ որտեղ տեղի կունենա Արթուր Վանեցյանի որդու հարսանիքը «Ուռա»–ի փոխարեն «Կեցցե». հայկական բանակը նոր կանոնադրություն կունենա Հայաստանը Նիդեռլանդներում կունենա կապի սպա Ժաննա Անդրեասյանը Լուվրի թանգարանի տնօրենին սեպտեմբերին հրավիրել է Հայաստան 2021թվականից հետո Վարչապետի գործունեությունը միտված է եղել բոլորովին հակառակ խնդիրների լուծմանը Ֆրանսիան խնդիրներ կունենա, եթե զորք մտցնի Ուկրաինա. Շոյգուն սպառնացել է