Կրեմլն աջակցել է Էրդողանին Նոբելյան մրցանակի թեկնածու առաջադրելու գաղափարին

Կրեմլում հայտնել են, որ «բարձր են գնահատում Թուրքիայի նախագահ Ռեջեփ Թայիփ Էրդողանի խաղաղապահ ջանքերը», հաղորդում է Inetrfax-ը։

ՌԴ նախագահի մամուլի քարտուղար Դմիտրի Պեսկովը մեկնաբանել է Թուրքմենստանի նախկին նախագահ Գուրբանգուլի Բերդիմուհամեդովի առաջարկը՝ Թուրքիայի առաջնորդին խաղաղության Նոբելյան մրցանակի թեկնածու առաջադրելու մասին։

«Իհարկե, մենք բարձր ենք գնահատում պարոն Էրդողանի ջանքերը, նրա խաղաղապահ գործունեությունը, միջնորդական ծառայություններ մատուցելու նրա փորձերը և նրա վերաբերմունքը ռուս-թուրքական երկկողմ հարաբերությունների զարգացմանը»,- ասել է Պեսկովը։

Բերդիմուհամեդովը Թյուրքական պետությունների կազմակերպության գագաթնաժողովում իր հայտարարության մեջ նշել էր «Էրդողանի ներդրումը՝ տարածաշրջանային և համաշխարհային մասշտաբով խաղաղության, անվտանգության և կայուն զարգացման ամրապնդման գործում» և ասել, թե իբր Թուրքիայի նախագահը «շատ աշխատանք է կատարում խաղաղ կյանք ապահովելու համար՝ ոչ միայն իր ժողովրդի, այլեւ բոլոր մահմեդական ժողովուրդների համար»:

2022 թվականի դեկտեմբերին Թուրքիայի խորհրդարանի նախագահ Մուստաֆա Սենթոփն ասել էր, որ որոշել է Էրդողանին խաղաղության Նոբելյան մրցանակի առաջադրել՝ «Ռուսաստանի և Ուկրաինայի միջև խաղաղություն հաստատելու ջանքերում ունեցած ներդրման համար»։

Այս թեմայով Էրդողանը կանցկացնի նախարարների ներկայիս կաբինետի վերջին նիստը Բայդենը և Էրդողանը հեռախոսազրույց են ունեցել Պուտինն ու Էրդողանը հեռախոսազրույց են ունեցել Ինչպե՞ս կազդի Էրդողանի հաղթանակը Ռուսաստանի հետ հարաբերությունների վրա Էրդողանը երգել է իր համակիրների համար (տեսանյութ) Էրդողանը հայտարարել է, որ Ալիևն իրեն հրավիրել է «հնարավորինս շուտ» այցելել Բաքու Էրդողանը երկրորդ փուլով ընտրվեց Թուրքիայի նախագահ Ուզբեկստանի նախագահը շնորհավորել է Էրդողանին նախագահական ընտրություններում հաղթանակի կապակցությամբ Էրդողանը գլխավորում է նախագահական ընտրությունների երկրորդ փուլում․ պաշտոնական Մայիսի 28-ը կլինի պատմական հաղթանակի օր. Էրդողան