Հինգ տարեկան տղան երեք ամիս ապրել է թոքերում մետաղյա զսպանակով (լուսանկարներ)

Պարագվայում հինգ տարեկան տղայի թոքերից մետաղյա զսպանակ են հանել։ Ինչպես նշում է Daily Mirror-ը, երեխան երեք ամիս ապրել է մարմնի մեջ օտար առարկայով։

Ծնողները հիվանդանոց են բերել իրենց հնգամյա որդուն մի քանի ամիս չդադարող հազից հետո, որն ի հայտ է եկել դեռևս 2022 թվականի դեկտեմբերին։ Երբ բժիշկները սկսել են փնտրել հիվանդության պատճառը, նրանք զարմացել են, երբ ռենտգեն պատկերում երեխայի ձախ թոքում մետաղական առարկա են հայտնաբերել։

Տղային նշանակել են շտապ վիրահատություն, և 2023 թվականի մարտի 8-ին նրա մարմնից հաջողությամբ հեռացվել է մետաղական զսպանակ։ Վիրաբույժ Կառլոս Մորինիգոն ​​պատմել է, որ պրոցեդուրան բարդացել էր նրանով, որ զսպանակը երկար ժամանակ եղել է մարմնում։ Երեք ամսվա ընթացքում երեխայի շնչառական ուղիները զգալիորեն վնասվել են։

Այնուամենայնիվ, բժիշկները կարծում են, որ տարիների ընթացքում թոքերը կվերականգնվեն և կսկսեն աշխատել ամբողջ հզորությամբ: Հիվանդանոցը տղայի վիրահատությունից նկարներ է տեղադրել սոցիալական ցանցերում՝ հիշեցնելու ծնողներին, որ ցանկացած հիվանդություն, որը սովորականից երկար է տեւում, բժիշկ դիմելու պատճառ է:

Ամենայն հավանականությամբ, տեղի ունեցածի պատճառն այն է եղել, որ երեխան որոշ ժամանակ մնացել է միայնակ, գրիչից կամ խաղալիքից զսպանակ է գտել ու դրել քթի մեջ։ Այնտեղից այն շնչուղիներով իջել է թոքեր։

Այս թեմայով Ծնվել է 44-օրյա պատերազմի ընթացքում հերոսաբար զոհված Սենիկ Խուրշուդյանի եղբայրը Ոչ աշխատանքային օրերին մայրաքաղաքում ծնվել է 113 երեխա Շրջափակված Արցախում ամբողջական շրջափակման պայմաններում ծնվել է 338 երեխա․ նրանցից 2-ը «Սերունդ» հիմնադրամի շահառուներ են․ Վարդանյան Աբովյան ՔԿՀ-ում կալանավորված մոր հետ 2-3 տարեկան երեխա ունենք, ևս մի կալանավորված կին հղի է (տեսանյութ) Պայթյուն և փլուզում՝ Ներքին Բազմաբերդում․ ընտանիքի 3 անդամներ, այդ թվում՝ երեխա, հոսպիտալացվել են 82-ամյա Ռոբերտո Կավալլին վեցերորդ անգամ հայր է դարձել Բժիշկներին հաջողվել է փրկել 4-րդ հարկի պատուհանից ընկած 2-ամյա երեխայի կյանքը Նախօրեին Երևանում ծնվել է 48 երեխա 4-րդ հարկից ընկած 2 տարեկան երեխայի վիճակը ծանր է․ մանրամասներ Երևանում 2-ամյա երեխան 4-րդ հարկի պատուհանից անզգուշաբար ցած է ընկել