Ղազախստանում ընտրություններին մասնակցությունն առաջին 7 ժամերի ընթացքում կազմել է 46,84 տոկոս

Ղազախստանի Մաժիլիսի (խորհրդարանի ստորին պալատ) և մասլիհաթների (տեղական ներկայացուցչական մարմիններ) պատգամավորների ընտրություններին Աստանայի ժամանակով ժամը 14.00-ի (Երևանի ժամանակով ժամը 12.00-ի) դրությամբ մասնակցությունը կազմել է 46,84%, ԿԸՀ Telegram-ալիքում հայտնել է հանրապետության կենտրոնական ընտրական հանձնաժողովի անդամ Անաստասիա Շչեգորցովան: Այս մասին, ինչպես տեղեկացնում է «Արմենպրես»-ը, հաղորդել Է «ՌԻԱ Նովոստի»-ն:

2021 թվականի հունվարի 10-ի ընտրություններում ընտրողների մասնակցությունը այս ժամին կազմել է 43,9%:

«Մարզային, հանրապետական նշանակության քաղաքների, մայրաքաղաքային հանձնաժողովների կողմից ներկայացված տվյալների համաձայն՝ 2023 թվականի մարտի 19-ի ժամը 14.00-ի դրությամբ քվեաթերթիկներ են ստացել ցուցակներում ընդգրկված քաղաքացիների ընդհանուր թվի 46.84 տոկոսը»,- ճեպազրույցի ժամանակ ասել է Շչեգորցովան:

Ամենից շատ ընտրողներ քվեարկել են Կոստանայի մարզում (62,36%), ամենաքիչը ՝ Ալմաթի քաղաքում (15,38%):

Ղազախստանում արտահերթ խորհրդարանական և տեղական ընտրությունները տեղի են ունենում մարտի 19-ին: ԿԸՀ-ն գրանցել է հանրապետությունում գրանցված բոլոր յոթ կուսակցությունների ցուցակները։ Մաժիլիսի պատգամավորների ընտրություններն անցկացվում են նաև միամանդատ տարածքային ընտրատարածքներում։

ՀՀ վարչապետ Նիկոլ Փաշինյանը որոշում է ստորագրել Ղազախստանի Հանրապետությունում կայանալիք արտահերթ խորհրդարանական ընտրությունների ընթացքում ԵԱՀԿ/ԺՀՄԻԳ կարճաժամկետ դիտորդական առաքելություն իրականացնելու նպատակով 2023 թվականի մարտի 15-22-ը Ղազախստանի Հանրապետություն (Աստանա) պատվիրակություն գործուղելու մասին։

Այս թեմայով Պետությանը պատճառված 12մլրդ 155մլն դրամ վնաս է վերականգնվել 2024թ․ առաջին եռամսյակում Սուրեն Պետրոսյանն այսօր դուրս կգա ՁՊՎ-ից. 60 ժամվա ընթացքում նրան մեղադրանք չի ներկայացվել ԱՍՀ նախարարությունը գործարկելու է աշխատանք գտնելու առաջին մասշտաբային պետական հարթակը ՌԴ ԱԳՆ-ն մեկնաբանել է Հայաստանի և Ադրբեջանի միջև առաջին սահմանային սյան տեղադրումը Տավուշում ոստիկանները «պատ» են կազմել, ուժ կիրառելով բացեցին ճանապարհը (տեսանյութ) Կարեն Հակոբյանը՝ Գեղարքունիքի առաջին ատյանի ընդհանուր իրավասության դատարանի դատավոր Առաջին անգամ Ցեղասպանության թանգարանում մարդ չկար, հրաժարվելու հիմքն արդեն դրված է (տեսանյութ) Հայրս հեռախոսազրույցի ընթացքում մի մտահոգիչ արտահայտություն արեց. Ռուբեն Վարդանյանի որդին հարցազրույց է տվել CNN-ին «Հրապարակ». Սա դեռ թատրոնի առաջին արարն է Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը