ԵՀ-ն երկրաշարժերից հետո վերականգնման համար 1 մլրդ եվրո է հատկացրել Թուրքիային

Փետրվարի 6-ին Եվրահանձնաժողովը Թուրքիային հատկացրել է 1 միլիարդ եվրո վարկ՝ երկրաշարժերից վերականգնվելու համար, իսկ Սիրիային տրվել է 108 միլիոն եվրո՝ որպես մարդասիրական օգնություն։ Այս մասին հայտարարել է Եվրահանձնաժողովի ղեկավար Ուրսուլա ֆոն դեր Լեյենը՝ երկուշաբթի օրը Բրյուսելում բացելով Թուրքիային եւ Սիրիային օգնության դոնորների միջազգային համաժողովը։

«Ուրախ եմ տեղեկացնել, որ Եվրահանձնաժողովը 1 միլիարդ եվրոյի վարկ կտրամադրի Թուրքիային աջակցելու համար, մենք նաև 108 միլիոն եվրո կհատկացնենք Սիրիային՝ որպես մարդասիրական օգնություն եւ սկզբնական վերականգնման համար։ Բացի այդ, ԵՄ երկրները և եվրոպական ֆինանսական հաստատությունները լրացուցիչ ներդրումներ կկատարեն», - ասել է նա և հավելել․ «Մենք պետք է միասին աշխատենք երկրի վերակառուցումն ապահովելու, հազարավոր մարդկանց համար սեյսմակայունության ամենաբարձր մակարդակ ունեցող տների կառուցումն ապահովելու համար»։

Ֆոն դեր Լեյենը չի բացատրել, թե ինչպես է ԵՄ-ն մտադիր օգնություն տրամադրել Սիրիային, որը գտնվում է պատժամիջոցների տակ։

Փետրվարի 6-ին 7,7 և 7,6 մագնիտուդ ուժգնությամբ երկու ավերիչ երկրաշարժ է տեղի ունեցել Թուրքիայի հարավ-արևելքում։ Թուրքիայում երկրաշարժերի հետևանքով զոհերի թիվը գերազանցել է 50 հազարը, ավելի քան 107 հազար մարդ վիրավորվել է։

Այս թեմայով Ադրբեջանում երկրաշարժ է գրանցվել 4,7 մագնիտուդով երկրաշարժ՝ Իրանում․ այն զգացվել է նաև Հայաստանում Թուրքիայում մոտ 6 բալ մագնիտուդով երկրաշարժ է եղել (տեսանյութ) Երկրաշարժ՝ Երևանից 8 կմ հյուսիս-արևելք, ստորգետնյա ցնցման ուժգնությունը կազմել է 2-3 բալ Նյու Յորքի մերձակայքում 5,5 մագնիտուդով երկրաշարժ է տեղի ունեցել (տեսանյութ) Ինդոնեզիայի ափերի մոտ երկրաշարժ է տեղի ունեցել Պապուա Նոր Գվինեայի ափերի մոտ 5,2 մագնիտուդով երկրաշարժ է տեղի ունեցել 2․9 մագնիտուդով երկրաշարժ` Աշոցք գյուղից 19 կմ հարավ-արևելք Չինաստանում 5,5 մագնիտուդով երկրաշարժ է տեղի ունեցել 5,1 մագնիտուդ ուժգնությամբ երկրաշարժն ընդհատել Է ՄԱԿ–ի ԱԽ նիստը (տեսանյութ)