«Ժողովուրդ». Ինչու դատարանը բերման չի ենթարկում որոշումը չկատարած իշխանական պատգամավորին

«Ժողովուրդ» օրաթերթը գրում է. «Ժողովուրդ» օրաթերթի տեղեկությունների համաձայն՝ Երեւան քաղաքի դատարանը մի քանի անգամ ծանուցում է ուղարկել ԱԺ ՔՊ խմբակցության պատգամավոր Սիսակ Գաբրիելյանին ներկայանալու իր գործով դատական նիստերին, սակայն իշխանական պատգամավորը չի ներկայացել եւ պատճառաբանել է, թե ծանուցում չի ստացել: Դատական համակարգը որոշել է Գաբրիելյանին ծանուցում ուղարկել ՀՀ Ազգային ժողովի միջոցով, որպեսզի նա ներկայանա դատարան: Իսկ ի՞նչ գործով պետք է Սիսակ Գաբրիելյանը ներկայանա Երեւան քաղաքի դատարան:

Բանն այն է, որ «Հայաստան» խմբակցության պատգամավոր, Արագածոտնի նախկին մարզպետ Աշոտ Սիմոնյանին մեղադրանք է առաջադրվել, որ նա, մասնակցելով 2020 թվականի դեկտեմբերի 28-ին` ժամը 09:00-ից մինչեւ 11:30-ն ընկած ժամանակահատվածում Երեւան քաղաքի Դեմիրճյան փողոցում` ՀՀ Ազգային ժողովի մոտ, Ազգային ժողովի բնականոն աշխատանքի խոչընդոտման նպատակով անցկացվող հավաքին, խոչընդոտել է աշխատանքի վայր ժամանող ԱԺ պատգամավոր Սիսակ Գաբրիելյանի երթեւեկը, հնչեցրել անպարկեշտ արտահայտություններ: «Պատգամավորը փորձել է խուսափել կոնֆլիկտից եւ առաջարկել է բացել ճանապարհը, սակայն հավաքի մասնակիցներից չպարզված անձը Գաբրիելյանին վիճաբանության մեջ ներքաշելու նպատակով հարվածել է նրա ավտոմեքենային:

Վիճաբանություն է սկսվել պատգամավորի ու հավաքի մասնակիցների միջեւ, որի ընթացքում Աշոտ Սիմոնյանը հնչեցրել է սեռական բնույթի հայհոյանքներ, հավկիթներով հարվածել Գաբրիելյանին, քաշքշել եւ եւ այլն»:

Այս գործը դատարանում է, եւ այն քննում է ԲԴԽ անդամ Սերգեյ Չիչոյանի եղբորորդին՝ Ժորա Չիչոյանը, որի ծանուցումները եւս պատգամավոր Գաբրիելյանը անտեսում է:

Երեկ «Ժողովուրդ» օրաթերթը զրուցեց Սիսակ Գաբրիելյանի հետ՝ հասկանալու համար, թե նա, ի վերջո, ներկայանալու է արդյոք դատարան, կատարելու է դատարանի որոշումը, թե էլի «ծանուցում չի ստացել»: «Չգիտեմ՝ ինչ գործի մասին եք ասում: Ծանուցում ստացել եմ, բայց այս անգամ էլ չեմ գնա, քանի որ երկրում չեմ լինելու. Միացյալ Նահանգներ եմ մեկնում»:

Այս թեմայով Տուրիստներն ասում են՝ չենք ուզում տաքսիով հասնել Մեղրի, ինչու՞ տրանսպորտ չկա. Գեղամ Նազարյան Քրիստինե Գրիգորյանին գաղտնալսե՞լ են. ինչու է հրաժարական տվել նախկին ՄԻՊ-ը Րոպեական քաղաքական խնդիրների համար չի կարելի վարկաբեկել դատարանը. թեկնածու Ընդամենը երեք տասնամյակ, շնչահեղձ ժողովուրդ․աշխարհն անարդար չէ,մենք ենք անազնիվ մեր ճակատագրի հանդեպ Հիմա հասկացա՞ք, թե ինչու են Խաչատուրովի կալանքը ևս երեք ամսով երկարացրել․ քաղաքագետ Ինչու՞ տարաք ու սպանեցիք մեր որդիներին. ծնողները հեռախոսով հարց էին ուղղել Փաշինյանին Վերաքննիչ հակակոռուպցիոն դատարանը կստեղծվի նախատեսված ժամկետից շուտ՝ հունիսի 15-ից. նախագիծ Հուսանք՝ դատարանը կրքերը չի թեժացնի և չի կալանավորի զոհվածի մորը. Մեսրոպ Առաքելյան Դատարանը շարունակում է քննել Գայանե Հակոբյանի ձերբակալման իրավաչափության և կալանավորման հարցը․ ՈՒՂԻՂ Կոչս ԱԱԾ-ին` ինչու՞ եք անպաշտպան թողել երկրի ղեկավարի որդուն, որ նման իրավիճակում հայտնվի. Նազարյան