Պուտինն ու Էրդողանը հեռախոսազրույց են ունեցել

Թուրքիայի նախագահ Ռեջեփ Թայիփ Էրդողանը և Ռուսաստանի առաջնորդ Վլադիմիր Պուտինը հեռախոսազրույց են ունեցել և, ի թիվս այլ հարցերի, քննարկել են Ուկրաինայում տիրող իրավիճակը։ Այս մասին մարտի 25-ին հայտնել են Թուրքիայի ղեկավարի գրասենյակից։

«Զրույցի ընթացքում քննարկվել են Թուրքիայի և Ռուսաստանի միջև հարաբերությունների զարգացմանն ուղղված քայլերը և ռուս-ուկրաինական պատերազմին առնչվող իրադարձությունները»,- ասվում է գրասենյակի հաղորդագրության մեջ։

ՌԴ նախագահի հետ զրույցում Էրդողանը նշել է, որ Թուրքիան մեծ նշանակություն է տալիս բանակցությունների միջոցով ուկրաինական հակամարտության շուտափույթ ավարտին։

Հաղորդվում է նաև, որ Էրդողանը շնորհակալություն է հայտնել Պուտինին հացահատիկի գործարքը երկարաձգելու և այս հարցում նրա դրական դիրքորոշման համար։ Միաժամանակ, Թուրքիայի նախագահը նշել է, որ Անկարան և Մոսկվան կարող են նոր քայլեր ձեռնարկել երկու երկրների միջև տնտեսական համագործակցությունը խորացնելու համար։

Իր հերթին Պուտինը հայտնել է, որ Ռուսաստանը կարող է կազմակերպել շինանյութի մատակարարումը Թուրքիային՝ երկրաշարժից հետո նրա ենթակառուցվածքներն ու բնակարանները վերականգնելու համար։

Կրեմլի մամուլի ծառայության փոխանցմամբ՝ Թուրքիայի նախագահը ևս մեկ անգամ անկեղծորեն շնորհակալություն է հայտնել Պուտինին երկրաշարժի հետևանքների հաղթահարման հարցում ցուցաբերած օգնության համար, այդ թվում՝ Հաթայ նահանգում ռուսական դաշտային հոսպիտալի տեղակայման համար։

Ռուսաստանի նախագահը նաև շնորհավորել է իր թուրք գործընկերոջը և Թուրքիայի ժողովրդին Ռամադանի կապակցությամբ։

Այս թեմայով Միգրանտները Ռուսաստանին չեն օգնի, այլ մոտեցումներ են պետք․ Պուտին «Կրոկուսում» տեղի ունեցածի բոլոր պատասխանատուները պետք է պատժվեն. Պուտին Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա Հայտնի է՝ երբ տեղի կունենա Պուտինի երդմնակալությունը Շատ բան է կախված մեր երկրների փոխգործակցությունից․ Ալիևը՝ Պուտինին Ադրբեջանը և Ռուսաստանը համատեղ մասնակցում են Հյուսիս-Հարավ տրանսպորտային միջանցքի ռեալիզացիային․ Պուտին Էրդողանն Իսրայելին մեղադրել է ցեղասպանություն իրականացնելու մեջ Կիմ Չեն Ընը երթևեկել է Պուտինի նվիրած ավտոմեքենայով (լուսանկար) Էրդողանը կարող է թողնել իշխող կուսակցության ղեկավարի պաշտոնը Էրդողանը հայտարարել է Պուտինի հետ պայմանավորվածության մասին