Ռուսաստանի հայերի միությունը Հայաստանի իշխանություններին կոչ է անում վերանայել Հռոմի ստատուտի վավերացման հարցը

Մարտի 25-ին Ռուսաստանի հայերի միութունում տեղի է ունեցել խորհրդակցություն, որի ընթացքում քննարկվել է Հայաստանի կողմից Հռոմի ստատուտի վավերացման հետ կապված հարցը:

Չնայած, որ ՀՀ Ազգային ժողովը դեռ չի քննարկել այս հարցը (որոշումն ուժի մեջ կմտնի միայն խորհրդարանի վավերացումից հետո): այս քայլը բացասական է գնահատվել հայ հասարակության կողմից՝ ինչպես Հայաստանում, այնպես էլ Ռուսաստանում և այլ երկրներում:

ՌՀՄ ակտիվի խորհրդակցության մասնակիցների դիքորոշումը հետևյալն է.

Այս որոշումն առաջին հերթին ուղղված է հայկական պետականության շահերի և Հայաստանի ու Արցախի բնակաչության անվտանգության դեմ, որն այսօր, անկախ ամեն ինչից, երաշխավորում և ապահովում է Ռուսասատանը: Նա Հայաստանի հետ կապված է ռազմաքաղաքական ռազմավարական դաշնակցային հարաբերություններով, տնտեսական և հումանիտար կապերով՝ ոչ միան երկկողմ (102-րդ ռազմաբազա, սահմանապահներ, խաղաղապահներ, էներգակիրներ, մի շարք կարևոր ապրանքներ և այլն), այլև ՀԱՊԿ և ԵԱՏՄ շրջանակներում:

Ռուսաստանի հայերի միությունը հույս է հայտնում, որ ՀՀ Ազգային ժողովը քվեարկության ժամանակ հաշվի կառնի առաջին հերթին Հայաստանի քաղաքացիների, ինչպես նաև Ռուսաստանի երեք միլիոնանոց հայ համայնքի շահերը, որտեղից տասնամյակներ շարունակ Հայաստանի բնակչությունը էական տնտեձսական օժանդակություն է ստանում:

Հաշվի առնելով հասարակական արձագանքը՝ մենք կարծում ենք, որ Հայաստանի քաղաքացիներին և սփյուռքի հայությանը կհետաքրքրի Հայաստանի վարչապետի և նախագահի կարծիքը, ովքեր կարող են հրապարակավ արտահայտվել այս առիթով, որովհետև այն կրում է քաղաքական բնույթ, այլ ոչ թե հայկական արդարադատության իբր ժողովրդավարության կամ անկախության վկայություն է, ինչպես դա փորձում են ներկայացնել որոշ հայաստանյան գործիչներ:

Ինչ վերաբերվում է իշխանությունների ներկայացուցիչների այն պնդումներին, թե նման որոշմամբ պայմաններ կստեղծվեն ալիևյան ռեժիմի ռազմական հանցագործությունների վերաբերյալ ՄՔԴ դիմելու համար, ապա պետք է հիշեցնել, որ Ադրբեջանը, ինչպես նաև տարածաշրջանի գրեթե բոլոր մյուս երկրները՝ Իրանը, Վրաստանը, Իսրայելը, Թուրքիան և մյուսները, ՄՔԴ Հռոմի ստատուտի մասնակից չէ և բացարձակ անտեսում է այդ դատարանի մեկ ամիս առաջ ընդունած վճիռը, որը պարտավորեցնում է Ադրբեջանին՝ բացել Լաչինի միջանցքը:

Ռուսաստանի հայերի միությունը Հայատանի իշխանություններին կոչ է անում դրսևորել ինքնուրույնություն և վերանայել Միջազգային քրեական դատարանի Հռոմի ստատուտի վավերացման հարցը:

Այս թեմայով ՆԱՏՕ-ն Ռուսաստանի հետ պոտենցիալ հшկամարտության է պատրաստվում․ ՌԴ ԱԳՆ Հնդկաստանը Հայաստանի համար արդիականացրել է ATAGS հրետանային համակարգը Լուլուն և Արփի Դավոյանը ԱԺ-ում նստած տակնուվրա են անում օնլայն խանութները (տեսանյութ) ՀԱՊԿ-ից դուրս գալու հարցը ՀՀ-ն պետք է ինքը որոշի՝ այդ մասին 6 ամիս առաջ տեղեկացնելով կառույցին (տեսանյութ) 44-օրյայի ընթացքում պաշտոնյաների կանայք առևտուր էին անում որոշակի քաղաքներում, տհաճ է (տեսանյութ) Արդեն ՀՀ-ում դիմակավոր բանդաներն են հարցեր լուծում ու անում են իրավապահների թողտվությամբ. Վարդանյան (տեսանյութ) Հայաստանի հետ բարեկամությունը լավ, բայց դատարկ երազանք է․ թուրք վերլուծաբան Կոչ եմ անում Եվրամիությանը հարգել Իրանի զինված ուժերը. Իրանի ԱԳ նախարարը՝ Բորելին Այ էս հայերի տները տալիս են թշնամուն, որոշում են էս շենքից, հաշտ չեմ, վաղը բոլորիս տներն են տալու ԵՄ-ն ողջունում է Հայաստանի և Ադրբեջանի միջև համաձայնագիրը․ Բաքվում ԵՄ դեսպան