Մենք թողնում ենք՝ այս ամենաթողության պայմաններում խուլիգանությունն ավելի մեծ թափ ստանա. Աստղիկ Ավետիսյան

Հայկական PR ասոցիացիայի նախագահ Աստղիկ Ավետիսյանի որդու վրա հարձակման ու մարմնական վնասվածքներ հասցնելու դեպքով  նախաձեռնված վարույթի շրջանակներում մինչ այս պահը ոչինչ բացահայտված չէ:

«Վարույթը չի կարճվել, բայց ընթացքի հետ կապված որեւէ տեղաշարժ չկա: Իմ տպավորությամբ ՝ ոստիկանությունն իր տեղում դոփում է, քննչական կոմիտեն իր տեղում է դոփում, իրար ներսում ընդհանուր համագործակցություն ես չեմ տեսնում: Մեկին մի բան ես հարցնում, ասում է՝ էն մյուսն է դրանով զբաղվում, էն մյուսին ես հարցնում, ասում է՝ էն մյուսն է զբաղվում:

Այսինքն, ընդհանուր առմամբ գործը տեղից չի շարժվում»,- Aravot.am-ին ասաց Աստղիկ Ավետիսյանը: Նրա խոսքով, երբ ֆիզիկական վնաս է հասցվում մարդուն, գոնե հիվանդանոցում կամ այնտեղ գտնվելու ժամանակահատվածում պետք է մոտենան ու արձանագրեն՝ ինչ խնդիրներ են ծագել: Բայց մարդը ամբողջությամբ առողջանում է, հետո նոր քննչականը սկսում է հարցաքննություն իրականացնել, դրանից հետո նոր ուղարկում են դատաբժշկական փորձաքննության: Իսկ այդ ժամանակահատվածը կարող է մեկ ամիս տեւել, ինչը նշանակում է, որ մինչեւ գնում, հասնում ես դատաբժշկին, արդեն առողջացած են լինում վնասված հատվածները: Աստղիկ Ավետիսյանը նկատեց, որ իր տղայի գործով ամեն ինչ այնքան ուշ է արվել, որ որոշակի բացահայտումներ այլեւս հնարավոր չեն. «Օրինակ՝ մինչեւ հիմա չհասկացանք՝ մե՞կ հոգին է խփել, թե՞՝ երկու հոգի, գլորման պահին գլուխը որտեղ է խփել կամ ինչ է եղել:

Լիքը հարցադրումների պատասխան չտեսանք: Ընդամենը տեսանք տեխնիկական աշխատանք, որը իրականացվում է, ու ընդ որում՝ այդքան բան էլ արվեց իմ բարձրաձայնելուց հետո: Եթե այդ բարձրաձայնումն էլ չլիներ,միանգամից հանցագործության մասին հաղորդումն էլ չէին ընդունի, այս գործը կփակեին, կգնային: Բայց սա նշանակում է, որ մենք թողնում ենք, որ այս ամենաթողության պայմաններում խուլիգանությունն ավելի մեծ թափ ստանա, ու այն մարդիկ, որոնք խուլիգանություն են անում, նրանց ձեռքերն ավելի ազատ դառնան: Ամեն մեկը կարող է դուրս գալ փողոց ու ինչ-որ մեկին խփել, հայհոյել, անցնել առաջ»:

Այս թեմայով Հայտնի է դարձել, թե ԱՄՆ նախագահի թեկնածուներից ով ավելի շատ աջակցություն ունի. CNN «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Հիմա ավելի մոտիվացված եմ Օլիմպիական խաղերի համար. Արթուր Դավթյան Մենք 4 գյուղը չենք տալիս Ադրբեջանին, մենք 4 գյուղը վերցնում ենք Ադրբեջանից․ Փաշինյան Թուրքի հետ խաղաղ ապրել չի լինի, մենք պիտի մեր հայրենիքը պահենք ու խափանենք հող տալու գործընթացը (տեսանյութ) Մենք հեղափոխություն չենք անում, վարչապետ չենք փոխում, բայց թուրքին մի բերեք մեր տան մեջ. ակցիա Մենք Հայաստանի Հանրապետությունից ոչ մի տարածք էլ չենք տալիս. Տավուշի ոստիկանապետը կրկնում է ՔՊ-ին Մենք մշտապես կարևորում ենք հայ-ֆրանսիական խորհրդարանական հարաբերությունների զարգացումը․ Վարդանյան Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև Ցուցարարները փակել են ոստիկանական մեքենայի ճամփան, չեն թողնում բերման ենթարկել Գերասիմ Վարդանյանին (տեսանյութ)