Կարեն Գիլոյանն ընդունել է ծանրամարտի աշխարհի պատանեկան առաջնության մրցանակակիրներին

ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն այսօր ընդունել է Հայաստանի ծանրամարտի պատանեկան հավաքականին, որն Ալբանիայի Դյուրես քաղաքում անցկացված աշխարհի պատանեկան առաջնությունում թիմային առաջին հորիզոնականն էր զբաղեցրել՝ նվաճելով երկամարտի 6 մեդալ: Տեղեկանում ենք ԿԳՍՄՆ մամուլի ծառայությունից։ 

Կարեն Գիլոյանը տպավորիչ հաջողության առթիվ շնորհավորել է պատանի ծանրորդներին և նրանց մարզիչներին՝ միևնույն ժամանակ հորդորելով նրանց չբավարարվել ձեռք բերածով:

«Հետևել եմ բոլորիդ ելույթներին: Շատ լավ մասնակցություն ունեցաք: Շնորհավորում եմ ինչպես ձեզ, այնպես էլ ձեր մարզիչներին: Նրանց աշխատանքը ևս շատ գնահատելի է: Կարևորում եմ այն, որ թիմային հաշվարկում առաջին տեղը զբաղեցրիք ու ապացուցեցիք, որ թիմային պայքարում ևս կարող ենք հաջողություններ ունենալ: Խնդրանքս է, որ շարունակեք մարզվել նույն ջանասիրությամբ: Ձեր այս հաջողությունը դեռ առաջին քայլն է: Ամեն ինչ պետք է անեք մեծահասակների մակարդակում ևս ձեր հաջողություններն ամրագրելու և մեր երկրի պատիվը բարձր պահելու համար»,- ասել է Կարեն Գիլոյանը:

ԿԳՄՍ նախարարի տեղակալի խոսքով՝ պատանի ծանրորդներն ունեն բոլոր հնարավորությունները՝ կրկնելու մեր անվանի ծանրորդների՝ Յուրի Վարդանյանի, Հոկսեն Միրզոյանի, Իսրայել Միլիտոսյանի, Տիգրան Մարտիրոսյանի, Սիմոն Մարտիրոսյանի, Գոռ Մինասյանի և մյուսների հաջողությունները:

Կարեն Գիլոյանը նշել է՝ ցուցաբերած մարզական բարձր արդյունքների համար պատանի ծանրորդները տարեվերջյան պարգևատրումներ, ապա նաև անվանական թոշակներ կստանան:

Հիշեցնենք՝ աշխարհի պատանեկան առաջնության աղջիկների պայքարում երկամարտում երրորդ լավագույն արդյունքը ցույց էին տվել Աննա Ամրոյանը (76 կգ) և Էմմա Պողոսյանը (81 կգ): Մարզուհիներն ընդգրկվել են Հայաստանի կանանց հավաքականի կազմում և հնարավորություն կունենան մասնակցելու Երևանում կայանալիք Եվրոպայի մեծահասակների առաջնությանը: Մարզիչների խոսքով՝ մարզուհիներից սպասելիքները մեծ են: Տնային առաջնությունից մեծ սպասելիքներ ունի նաև 16-ամյա Էմմա Պողոսյանը:

«Շատ ուրախ եմ աշխարհի պատանեկան առաջնությունում նվաճած բրոնզե մեդալի համար: Այն ինձ համար շատ կարևոր էր: Իհարկե, ավելին կարող էի անել: Այսքանով չեմ բավարարվելու: Ամեն ինչ անելու եմ, որպեսզի Եվրոպայի առաջնությունում լավ հանդես գամ և մեդալ նվաճեմ: Կարծում եմ՝ սեփական հարկի տակ մեր երկրպագուների աջակցութամբ ավելի վստահ հանդես կգանք ու կպայքարենք բարձր տեղերի համար»,- ասել է մարզուհին:

Նախարարի տեղակալ Կարեն Գիլոյանը հաջողություն է մաղթել ծանրորդներին առաջիկա մրցելույթներում: Նա նաև տեղեկացրել է, որ Երևանում կայանալիք Եվրոպայի առաջնությունից հետո բոլորովին նոր և բարձրորակ մարզագույքը կտրամադրվի մարզադպրոցներին, և մեր մարզիկներն ավելի լավ պայմաններում մարզվելու հնարավորություն կունենան:

Հիշեցնենք՝ աշխարհի պատանեկան առաջնության հաղթող էր ճանաչվել 67 կգ քաշային Սերյոժա Բարսեղյանը, +102 կգ քաշային Գագիկ Մկրտչյանը նվաճել էր արծաթե մեդալ, իսկ Վալերիկ Մովսիսյանը (89 կգ) և Աշոտ Մարգարյանը (96 կգ) դարձել էին բրոնզե մեդալակիրներ։

Հայաստանի տղամարդկանց հավաքականն աշխարհի առաջնությանը մասնակցել է մարզիչներ Երվանդ Կիրակոսյանի և Հարություն Եղոյանի գլխավորությամբ:

Այս թեմայով «Ժողովուրդ». Կարեն Ջալավյանը՝ Քյոխը կներկայանա հակակոռուպցիոն դատարան` հարցաքննության Այն կտի մասին, թե իբր ադրբեջանական գազ է գնելու Հայաստանը․ Կարեն Վրթանեսյան Մի ժամանակ «իգնոռ» էին անում, հիմա թեթևակի խոսքից բռնում-տանում են, դա վախի հետևանք է. քաղտեխնոլոգ (տեսանյութ) Կարեն Հակոբյանը՝ Գեղարքունիքի առաջին ատյանի ընդհանուր իրավասության դատարանի դատավոր Ադրբեջանական զորքն առանց մեկ կրակոցի տեղավորվում է Տավուշի մեր դիրքերում. Կարեն Վրթանեսյան Բագրատ Սրբազանի դեմ խոսացողները պատրաստվում են ապրիլի 24-ի իրենց ՆԱՄԱԶԻՆ․ Կարեն Քոչարյան Պաշտոնական բան չեմ կարա ասեմ, խնդրում եմ, եկել եմ՝ լսեմ բնակիչներին. փոխոստիկանապետ Կարեն Հակոբյան (տեսանյութ) Այսօր Հայաստանի ազգային հերոս Կարեն Դեմիրճյանը կդառնար 91 տարեկան (տեսանյութ) Կարեն Դեմիրճյանն այսօր կդառնար 92 տարեկան Կարեն Խաչանովը պահպանել է դիրքը ATP դասակարգման աղյուսակում