Անմնացորդ նվիրում ուներ Վարդգես Նաջարյանը բանակի հանդեպ․ Սերժ Սարգսյանը ցավակցական հեռագիր է հղել

ՀՀ երրորդ նախագահ Սերժ Սարգսյանը ցավակցական հեռագիր է հղել Նաջարյանների ընտանիքին՝ ամերիկահայ անվանի բժիշկ-բարերար Վարդգես Նաջարյանի մահվան կապակցությամբ: Այդ մասին տեղեկանում ենք ՀՀ երրորդ նախագահի գրասենյակի տարածած հաղորդագրությունից։ 

Հեռագրում մասնավորապես ասված է.

«Խոր ցավով տեղեկացա ամերիկահայ անվանի բժիշկ-բարերար Վարդգես Նաջարյանի մահվան մասին:

Վարդգես Նաջարյանը մեր ազգային այն գործիչներից էր, որը դեռևս խորհրդային տարիներից սկսած՝ իր ընտանիքի անդամների հետ միասին նշանակալի ավանդ է ունեցել Հայրենիքի զորացման գործում:

Բազմաթիվ են Նաջարյանների ընտանիքի բարերարությամբ Հայաստանում և Արցախում իրականացված ծրագրերը. մեր ժողովրդի համար ամենադժվարին պահերին՝ 1988թ. ավերիչ երկրաշարժից մինչև Արցախյան ազատամարտի տարիները, վտանգելով իրենց կյանքը, նրանք աշխատում էին խրամատներում և վրաններում՝ փրկելով հարյուրավոր զինվորների կյանքեր, մշտապես Հայրենիքին զորավիգ լինելու, Հայաստանին ու Արցախին իրենց մասնագիտական գիտելիքներով և կարողություններով, մեծաթիվ նվիրատվություններով աջակցելու նպատակադրմամբ:

Անմնացորդ նվիրում և անսահման հոգատարություն ուներ Վարդգես Նաջարյանը հայկական բանակի հանդեպ: Նա վստահ էր՝ բանակի զորությունը առողջ, ամուր զինվորներն են, որոնց մասին պետք է հոգ տանել, ստեղծել նաև բուժօգնության առաջնակարգ պայմաններ:

Եվ այս համոզմունքով էր նա ապրում ու գործում:

Հայրենիք-Սփյուռք կապերի ամրապնդման գործում անգնահատելի վաստակ ունեցող Վարդգես Նաջարյանի կորստյան ցավը, համոզված եմ, Հայաստանում, Արցախում և Սփյուռքում կիսում են բոլորը: Ըստ արժանվույն գնահատելով մեծ հայորդու և նրա ազնվազարմ տիկնոջ՝ Մերի Նաջարյանի հայրենանվեր գործունեությունը՝ տարիներ առաջ ՀՀ նախագահի հրամանագրով Նաջարյան ամուսինները պարգևատրել են «Հայրենիքին մատուցած ծառայությունների համար» 2-րդ աստիճանի շքանշանով:

Խորին ցավակցություն և զորակցություն եմ հայտնում Վարդգես Նաջարյանի ընտանիքիին, հարազատներին, ընկերներին և գործընկերներին:

Աստված թող լուսավորի Վարդգես Նաջարյանի ազնիվ հոգին և սփոփանք ու մխիթարություն պարգևի նրա կորուստը սգացողներին:

Վարգես Նաջարյանի՝ ազգային մեծ բարերարի և առաքինի, աշխատասեր, իմաստուն ու համեստ մարդու հիշատակը մշտապես վառ կմնա սերունդների հիշողության մեջ։

Հանգչի՛ր խաղաղությամբ»:

Այս թեմայով Արցախից Հայաստան մուտք գործած մեր հայրենակիցների հոսքը երեկվա դրությամբ շատացել է. Վարդան Սարգսյան Կեղծում են ոստիկանական արձանագրությունը, որ ինձ ձերբակալեն. Դավիթ Սարգսյան Հավերժ փա՜ռք և խոնարհում․ Սերժ Սարգսյանի անունից ծաղկեպսակ է դրվել «Եռաբլուր» զինվորական պանթեոնում Մի օր բոլորս կհասկանանք, թե ինչ արժեր անտարբերությունը. Արմեն Սարգսյան Նրանք կբացեն Լաչինի միջանցքը, որպեսզի անեն այն, ինչ Օսմանյան թուրքերն արեցին իմ նախնիներին․ Սերժ Թանկյան Սերժ Սարգսյանը չի մասնակցի Երեւանի ավագանու ընտրությանը. News.am Սերժ Սարգսյանի՝ Բադեն-Բադեն այցելելու մասով հարուցված քրգործը կարճվել է Ֆորմալ առումով սկիզբ դրվեց Ջո Բայդենի իմպիչմենտի գործընթացին. Սուրեն Սարգսյան Վստահ եմ՝ կփրկեք Արցախը կործանումից․ Սերժ Սարգսյանը շնորհավորել է ԱՀ նախագահին Հայ-ամերիկյան զորավարժությունները կազմակերպել է ԱՄՆ-ն, դրանով ՀՀ-ն չի դառնում ԱՄՆ-ի ռազմավարական գործընկեր. Սարգսյան