Ատրճանակ, բանկային քարտեր և խոշոր չափի գումար. Երևանում թալանել են Երևանի Քննչական վարչության նախկին պետի մեքենան

Երևանում՝ «SAS» սուպերմարկետի մոտ, թալանել են Երևանի Քննչական վարչության նախկին պետի Porsche-ն, գողացել են պայուսակ, որում եղել է ատրճանակ, բանկային քարտեր և խոշոր չափի գումար:

SHAMSHYAN.com-ի տեղեկություններով՝ ապրիլի 13-ին գողության դեպք  է տեղի ունեցել  Երևանում: Այդ օրը ժամը 20:20-ի սահմաններում Երևանի բնակիչ Մհեր Վարդանյանը նկատել է, որ Երվանդ Քոչար փողոցում գործող «SAS» սուպերմարկետի մոտ կայանված, իրեն պատկանող Porsche մակնիշի ավտոմեքենայի դուռը բացել են և այնտեղից կատարել գողություն:

Ինչպես հայտնում է աղբյուրը, գողության մասին Մ. Վարդանյանը ոստիկանություն է դիմել 1 օր անց և հայտնել, որ ավտոմեքենայի սրահից գողացել են պայուսակ, որի մեջ եղել է իրեն պատկանող «Չեզեթ 75Բ նյու էդիշն» տեսակի ատրճանակ՝ լիցքավորված 8 փամփուշտներով, 2 հատ անձնագիր, զենքի թույլտվության կտրոններ, բանկային քարտեր, զինգրքույկ և գումար: Գումարն էլ եղել է մոտ 6500 ԱՄՆ դոլար:Դեպքի փաստով Հայաստանի Քննչական կոմիետի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժնում նախաձեռնվել է քրեական վարույթ:Գ. Շամշյանի տեղեկություններով՝ Մ. Վարդանյանը նախկինում աշխատել է Հայաստանի Քննչական կոմիտեի Երևան քաղաքի քննչական վարչության պետ:

Այս թեմայով Կայացավ «Երևանի մարաթոն» ամենամյա վազքի մրցումը Ավտովթար՝ Երևանում. բախվել են «Toyota Camry»-ն և «Jeep Grand Cherokee»-ն Այսօր Երևանում սպասվում է մինչև 32 աստիճան տաքություն. Գագիկ Սուրենյան Ռուսաստանը հանդես է գալիս Բաքվի և Երևանի միջև շփումների շարունակման օգտին. Պեսկով Կիրանցից 2 ոստիկան և 3 քաղաքացիական անձ է տեղափոխվել ԲԿ, նախաձեռնվել է քրեական վարույթ. ՔԿ Երևանում շարունակվում են անհնազանդության ակցիաները, փակ է Շիրակի փողոցը 2020թ․ Երևանում տեղի ունեցած զանգվածային անկարգություններին մասնակցած ևս երկու անձի վերաբերյալ քրեական վարույթով նախաքննությունն ավարտվել է ՀԻՄԱ․ անհնազանդության ակցիաներ Երևանում ու մարզերում Մարդը տանում է մեքենան տեխզննման, ստիպում են ընթացիկ տարվա գույքահարկ վճարել. Թունյան (տեսանյութ) Երևանի դպրոցներից մեկում 14-ամյա տղաները հարվածել են համադասարանցու գլխին. նա հոսպիտալացվել է