Սյունիքի մարզում «Հյուսիս-հարավ»-ի շինարարությունը սկսելու համար կառավարությունն ավելի քան 236 միլիոն դոլարի վարկ է ներգրավում

Սյունիքի մարզում «Հյուսիս-հարավ» տրանսպորտային միջանցքի շինարարական աշխատանքների իրականացման համար Հայաստանն ավելի քան 236 միլիոն դոլարի վարկ է ներգրավում։ Վարկային միջոցներն օգտագործվելու են Քաջարանի հատվածում շուրջ 32 կիլոմետր երկարությամբ թունելի, 17 կամրջի, Լիճքի հատվածում, ինչպես նաև Մեղրիի շրջանցիկ հատվածում 2 թունելի կառուցման համար։

Համապատասխան համաձայնագիրն ԱԺ նիստում ներկայացրեց Տարածքային կառավարման և ենթակառուցվածքների փոխնախարար Քրիստինե Ղալեչյանը։ Համաձայնագիրը ստորագրել են Հայաստանի կառավարությունն ու Եվրասիական զարգացման բանկը։ Գումարը հատկացվելու է Կայունացման և զարգացման եվրասիական հիմնադրամի միջոցներից։

«Համաձայնագրով ծրագրի շրջանակում նախատեսվում է վերակառուցել և իրականացնել շուրջ 32 կմ երկարությամբ՝ Ագարակից նախատեսվող Քաջարանի թունելի մութ ճանապարհահատվածի շինարարական աշխատանքները: Արդյունքում նախատեսում ենք ունենալ 80 կմ հաշվարկային ժամ արագությամբ 3 երթևեկելի գոտիներով ճանապարհ: Նախատեսում ենք կառուցել նաև 17 կամուրջ, 2 թունել՝ Լիճքի հատվածում՝ 320 մ, Մեղրիի շրջանցիկ հատվածում՝ 440 մ»,-ասաց Ղալեչյանը:

Նախագծային աշխատանքները կատարված են: Այս տարի նախատեսվում են սկսել շինարարական աշխատանքները:

Ներկայացված նախագծով առաջարկվում է երկարաձգել վարկային համաձայնագրի ժամկետը մինչև 2026 թ դեկտեմբերի 30-ը և ծրագրի բյուջեում կատարել փոփոխություններ, շինարարական աշխատանքների համար համաֆինանսավորման միջոցների չափն ավելացնել շուրջ 86 մլն 681 հազար դոլարի չափով: Այսպիսով` ծրագրի ամփոփ բյուջեն, ըստ ներկայացված համաձայնագրի, կդառնա 236 մլն 681 հազար դոլար: Փոփոխությունների արդյունքում հնարավոր կլինի ապահովել ծրագրի արդյունավետ իրականացումն ու ավարտը նախատեսված ժամկետներում:

«Հայաստան» խմբակցության պատգամավոր Գեղամ Նազարյանը հետաքրքրվեց «Հյուսիս-Հարավ»-ի աշխատանքների ավարտի ժամկետով: Փոխնախարարն ասաց, որ ծրագրի տարբեր հատվածներ, տարբեր փուլեր նախապատրաստվածության տարբեր մակարդակներ ունեն: Մեկ ժամկետով հնարավոր չէ դա արձանագրել: Ողջ գործընթացը իրականացվում է միջազգային մրցութային գործընթացներով, կա հողերի օտարման, իրացման ընդգրկուն բաղադրիչ: «Համալիր վերլուծությունը ցույց է տալիս, որ, եթե հիմա սկսենք շինարարական աշխատանքները և բարեհաջող անցնենք նախապատրաստական փուլերի, առաջիկա 7-8 տարվա մեջ կարող ենք հիմնական նախագծած հատվածներն իրականացնել»,-նշեց նա:

Այս թեմայով Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև 2026-ից սկսած դպրոցի ավարտական քննությունները կհանդիսանան նաև բուհի համար ընդունելության քննություններ. նախագիծ Պարզվում է՝ իրականում ավելի մեծ տարածք են տալիս Ադրբեջանին, քան մեզ ցույց են տվել. կիրանցի (տեսանյութ) Ավտովթար՝ Կոտայքի մարզում. Նոր Գեղիում բախվել են «Mercedes»-ը, «06»-ն ու տրակտորը Հայոց Ցեղասպանության 109-րդ տարելիցի օրը հիշատակվեց և ոգեկոչվեց Շիրակի մարզում Իշխանությունն ունի արտաքին սատարում, դրա համար էլ չի հաջողվում հեռացնել. Սերժ Սարգսյան «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Նոյեմբերյանում ճանապարհը փակելու համար 5 անձ ձերբակալվել է Անցյալի ճանաչումն ու անպատժելիության դեմ պայքարը վճռորոշ նշանակություն ունեն նոր ցեղասպանությունները կանխարգելելու համար․ ՀՀ նախագահ Իշխանության՝ խնդիրները լսելու կամքը բավարար չէ դրանք լուծելու համար, բռնություններ չպիտի լինեն․ ՄԻՊ