Հայաստանը տիեզերք երկրորդ արբանյակ ուղարկելու ուղղությամբ աշխատանքներ է իրականացնում

Հայաստանն աշխատանքներ է իրականացնում՝ տիեզերք երկրորդ արբանյակն ուղարկելու ուղղությամբ, այս մասին ասաց ՀՀ բարձր տեխնոլոգիական արդյունաբերության նախարար Ռոբերտ Խաչատրյանը կառավարության նիստից հետո լրագրողների հետ ճեպազրույցում:

Նրա խոսքով՝ երկրորդ արբանյակի ուղղությամբ աշխատանքները նախնական փուլում են: «Դեռ շուկայի ուսումնասիրություն ենք իրականացնում, գնահատում ենք մեր հնարավորությունները, առաջարկները: Չեմ կարծում, որ 2023 թ. ընթացքում մենք երկրորդը կունենանք, բայց ամեն դեպքում աշխատանքներն իրականացվում են»,-ասաց Խաչատրյանը:

Հայաստանում հիմա արբանյակի արտադրություն իրականացնելը նա իրատեսական չհամարեց: «Բայց, եթե երկրորդ կամ երրորդ արբանյակի թեկուզ մի փոքր մաս կարողանանք Հայաստանում արտադրել, կարծում եմ՝ դա ևս լավ ձեռքբերում կլինի»,-նշեց նախարարը:

Իսկ առանձին արբանյակից ստացվող նկարներն ինֆորմացիայի աղբյուր են: Դրանք կարելի է օգտագործել շատ ոլորտներում: Ըստ նախարարի՝ կիրառության ոլորտներն անսահմանափակ են:

«Դրանց մենք պետք է նայենք որպես ինֆորմացիայի աղբյուր և փորձենք կիրառության շրջանակը հնարավորինս լայնացնել»,-նշեց Խաչատրյանը՝ չբացառելով, որ դրանք օգտակար կարող են լինել նաև ռազմական նպատակներով:

2022 թ. մայիսի 25-ին ԱՄՆ-ից բաց է թողնվել հայկական առաջին արբանյակը: ARMSAT-1 հայկական առաջին արբանյակը թեստավորման արդյունքում դրական արդյունքներ է ցույց տվել:

Այս թեմայով Հայաստանը պետք է լինի առանց Նիկոլի. ակցիայի մասնակից Նավուրի ճանապարհին իրականացվելու են հորապայթեցման աշխատանքներ Այն կտի մասին, թե իբր ադրբեջանական գազ է գնելու Հայաստանը․ Կարեն Վրթանեսյան Քննարկվել է Հայկական ԱԷԿ-ի երկրորդ էներգաբլոկի շահագործման երկարաձգման հարցը. ՏԿԵՆ Հայաստանը պետք է փոխի Սահմանադրությունը, Արարատով զինանշանը. Ալիև Կեղծիքի իշխանությունը չի՛ կարող ներկայացնել Հայաստանը եւ հայ ժողովրդին այս ճակատագրական պահին. Հայկ Մարության Ինձ հավաստիացրել են, որ սահմանազատումից հետո բնակիչների բոլոր իրավունքները երաշխավորելու ակտիվ աշխատանքներ են տարվում․ ՄԻՊ Եթե Հայաստանը որոշի դուրս գալ ՀԱՊԿ-ից, հարց է՝ ինչպես է նրա ներկայիս ղեկավարությունը գնահատում երկրի առջև ծառացած սպառնալիքները. Թասմաղամբետով Էդ Երկրապահ կոչեցյալը երկրորդ անգամ ա մարդկանց վրաերթի ենթարկում ու ազատ ման ա գալիս. Դանիելյան (տեսանյութ) Կապանի Սպանդարյան փողոցում փրկարարներն իրականացրել են հարկադիր քարաթափման աշխատանքներ