«Արարատ-Արմենիա»-ն հաղթել է «Շիրակ»-ին, «Ուրարտու»-ն` «Լեռնային Արցախ»-ին
ՍպորտՀայաստանի ֆուտբոլի առաջնության 32-րդ տուրը եզրափակվեց երկու խաղով:
Վայքի քաղաքային մարզադաշտում «Լեռնային Արցախ»-ը հյուրընկալելով «Ուրարտու»-ին զիջեց 0:4 հաշվով: Երևանյան ակումբի կազմում աչքի ընկան Լեոն Սաբուան (դուբլ), Իվան Զոտկոն և Դմիտրո Խլյոբան:
Օրվա մյուս խաղում Գյումրու «Շիրակ»-ը սեփական հարկի տակ ընդունեց «Արարատ-Արմենիա»-ին: Երևանի թիմն առավելության հասավ 0:2 հաշվով և գնդակները հեղինակեցին Էզան և Ղազարյանը:
Այս տուրից հետո էլ մրցաշարային աղյուսակի առաջատարը մնում է «Ուրարտու»-ն, որն ունի 76 միավոր: 73 միավորով երկրորդ տեղում «Փյունիկ»-ն է, իսկ եռյակը եզրափակեց «Արարատ-Արմենիա»-ն: