Հայաստանի քաղհասարակությունը դատապարտում է Գրիգորի Խաչատուրովի կալանքի երկարացումը, կոչ է անում անհապաղ ազատ արձակել

Հայաստանի քաղաքացիական հասարակությունը դատապարտում է Գրիգորի Խաչատուրովի կալանքի երկարացումը, կոչ է անում անհապաղ ազատ արձակել:

Շուրջ մեկ տասնյակ ՀԿ-ներ հանդես են եկել հայտարարությամբ, որտեղ ասվում է. «Մայիսի 15-ին դատավոր Արամ Գրիգորյանը երկարացրել է գեներալ-մայոր Գրիգորի Խաչատուրովի կալանքը երեք ամսով։

Բազմիցս ականատես ենք եղել, թե ինչպես են 2018 թվականից հետո պատվերով գործեր հարուցվում իշխանության անցակալի անձանց նկատմամբ, ապա այդ գործերը համարվում էին հակասահմանադրական կամ մոռացության մատնվում կամ առանց որևէ ապացույցի՝ ջրվում։

Բազմիցս ականատես ենք եղել, թե իշխանություններն ինչպես են հետապնդում այն դատավարնորներին, որոնք իշխանության քմահաճույքները չէին կատարում։

Ակնհայտ է, որ գեներալ Խաչատուրովի դեմ քրեական հետապնդումը  քաղաքական պատվեր է, բացառապես պայմանավորված է նրա դիրքորոշմամբ, այն է Հայաստանի (ներառյալ Արցախի) պաշտպանությունը, իսկ հարուցված գործի հանգամանքների վաղեմությունը ու բնույթը հուշում են, որ եթե դրանք իրական լինեին, գործը վաղուց կհարուցվեր, այնինչ Խաչատուրովը 2020թ․ Մարտական խաչ շքանշանով է պարգևատրվել նրա կողմից, ով պատվիրել է քրեական հետապնդումը։   

Ակնհայտ է, որ Խաչատուրովի դեմ կալանքը որպես խափանման միջոց ընտրելը քաղաքական պատիժ է, ոչ թե իրավական և ժողովրդավար երկրին համապատասխանող որոշում։

Մենք՝ Հայաստանի քաղաքացիական հասարակությունը՝ ներքոստորագրյալներս, խստիվ դատապարտում ենք Խաչատուրովին կալանավորելու հակաիրավական, հակաժողովրդավարական, հակապետական որոշումը։

Կոչ ենք անում իշխանության լծակներին տիրապետողներին որևէ ճնշում չբանեցնել դատավոր Արամ Գրիգորյանի նկատմամբ, միաժամանակ դատավոր Գրիգորյանին հորդորում ենք չտրվել որևէ ապօրինի հրահանգի և գործել ըստ դատաիրավական, ժողովրդավարության ու մարդու իրավունքների պաշտպանության սկզբունքների։

Կոչ ենք անում իրավաբանության հետ առնչվող համայնքներին հիմնավորել և դատապարտել գեներալ Խաչատուրովի դեմ իրականացվող քաղաքական հետապնդումները։

Լրատվամիջոցներին կոչ ենք անում ուշադրություն սևեռել Գրիգորի Խաչատուրովի դեմ գործի վրա՝ վեր հանելով գործի հետ կապված ապօրինությունները։

Հայ հասարակությանը կոչ ենք անում՝ օգտվել սահմանադրության 2-րդ հոդվածից, այն է՝ Հայաստանի Հանրապետության իշխանությունը պատկանում է ժողովրդին և պաշտպանել 1-ին հոդվածը, այն է՝ Հայաստանի Հանրապետությունը ժողովրդավար, իրավական պետություն է։

Ժողովրդավարական երկրում տեղ չունեն կամայական դատական գործերը։

Հայտարարությունը բաց է ստորագրելու համար, կապվեք՝ [email protected] հասցեին։

Հայաստանի Հելսինկյան կոմիտե

Ակն ընդ ական վավերագրողների համայնք

Հայկական արժեքների պաշտպանության Կամք հասարակական նախաձեռնություն

Ճառագայթ ձախ խումբ

Հայաստանի դիվանագիտական հիմնադրամ

Քաղաքական Հայ ակումբ

Genesis Armenia ուղեղային կենտրոն/հիմնադրամ

Կամավորական շարժում ՀԿ

Անվտանգություն եւ ժողովրդավարություն ՀԿ

Այլընտրանքային նախագծեր խումբ

Այս թեմայով Հայաստանի և Ադրբեջանի միջև հակամարտության խաղաղ կարգավորման շանսերն առավել քան երբևէ մեծ են. Շոլց Կիրանցը միասին դարձնենք Հայաստանի պարտվողական, հանձնվողական քաղաքականությանը վերջ տալու սկզբնակետը. Աբրահամ Գասպարյան (տեսանյութ) Հայաստանի լինելիության հարցն է որոշվում. ապագայի շատ կոնկրետ նախագիծ է դրվում սեղանին․ վարչապետ (տեսանյութ) Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը Մամիկոն Ասլանյանը կմնա կալանքի տակ Հակակոռուպցիոն դատարանում կհրապարակվի Վանաձորում ընտրված համայնքապետ Մամիկոն Ասլանյանի կալանքի վերաբերյալ որոշումը Մենք հեղափոխություն չենք անում, վարչապետ չենք փոխում, բայց թուրքին մի բերեք մեր տան մեջ. ակցիա Մենք Հայաստանի Հանրապետությունից ոչ մի տարածք էլ չենք տալիս. Տավուշի ոստիկանապետը կրկնում է ՔՊ-ին Էդգար Ղազարյանն ազատ արձակվեց ՌԴ ԱԳՆ-ն մեկնաբանել է Հայաստանի և Ադրբեջանի միջև առաջին սահմանային սյան տեղադրումը