ԱՀԿ-ի ղեկավարը հայտարարել է, որ պահպանվում է կորոնավիրուսի նոր վտանգավոր շտամի առաջացման վտանգը

Կորոնավիրուսի SARS-CoV-2 նոր շտամի առաջացման սպառնալիքը, որը կհանգեցնի COVID-19-ից հիվանդացության և մահացության կտրուկ աճի, պահպանվում է։

Ինչպես տեղեկանում է ТАСС գործակալությունից, այդ մասին այսօր հայտարարել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյեսուսը Ժնևում Առողջապահության 76-րդ համաշխարհային ասամբլեայում։ Նա հիշեցրել է, որ համաշխարհային առողջապահության բնագավառում կորոնավիրուսի հետ կապված արտակարգ դրության  ռեժիմն ավարտվելու մասին հայտարարվել է մայիսի 5-ին։

«COVID-19-ի ավարտը` որպես առողջապահության բնագավառի գլոբալ արտակարգ դրություն, չի նշանակում գլոբալ սպառնալիքի դադարում, որը COVID-19-ը ներկայացնում է առողջապահության համար», - հայտարարել է Գեբրեյեսուսը՝ հավելելով, որ պահպանվում է կորոնավիրուսի ևս մեկ տարբերակի առաջացման սպառնալիքը, որը կարող է առաջացնել հիվանդացության և մահացության նոր բռնկում: Ինչպես ընդգծել է ԱՀԿ-ի գլխավոր տնօրենը, պահպանվում է նաև «նոր ախտածնի առաջացման սպառնալիքն՝ է՛լ ավելի մեծ մահաբեր ներուժով»։

Նա երկրներին կոչ է արել ակտիվացնել նախապատրաստումն առողջապահության բնագավառում նոր արտակարգ դրություններին՝ ընդգծելով, որ նոր համավարակ սկսվելու դեպքում անհրաժեշտ է «պատրաստ լինել հակազդելու վճռականորեն, հավաքականորեն և արդարացի հիմունքներով»։ Առողջապահության 76-րդ համաշխարհային ասամբլեան կտևի մինչև մայիսի 30-ը: Ասամբլեային մասնակցող պատվիրակությունները  կքննարկեն աշխարհում առողջության պահպանման հրատապ հարցերը, ներառյալ՝ նախապատրաստումը նոր համավարակներին, կընդունեն 2024-2025 թվականների ծրագիրը և բյուջեն։

ԱՀԿ-ի ամենամյա գլխավոր համաժողովին հրավիրված են այդ կազմակերպության անդամ 194 պետությունների ներկայացուցիչներ:

Այս թեմայով Երկրի ղեկավարը գոյություն չունի էս երկրում ով իր սեփական ժողովրդին մատնել է տեռորի (տեսանյութ) ՄԻԵԴ-ն ու ՄԱԿ-ը երբեք չեն հայտարարել, որ ՀՀ-ն «օկուպացրել է» Լեռնային Ղարաբաղը (տեսանյութ) Պապիկյանը և Ֆրանսիա-ՀՀ բարեկամական խմբի ղեկավարը տարածաշրջանային անվտանգության հարցեր են քննարկել Շուտով նիկոլիստները կարող են հայտարարել, որ 96-ամյա Լենա տատիկը ՌԴ հատուկ ծառայությունների գործակալ է. Շարմազանով Փաստաթղթի նենգ ծնունդը վտանգավոր վիճակ է ստեղծել, միակ ելքը քաղաքական փոփոխություններն են. Հովհաննիսյան Մարզի ԵԿՄ-ի ղեկավարը մեզ ծնող հայհոյեց՝ դեմքին ստացավ, հետո ասաց, որ մեքենան քշեն մեր վրա (տեսանյութ) Արցախցիների շուրջ 65%-ը հայտարարել է, որ ցանկություն չունի արտագաղթելու ՀՀ-ից ԵՄ դիտորդական առաքելության ղեկավարը Կաթողիկոսին տեղեկություններ է փոխանցել սահմանային վիճակի մասին Ճապոնիան հայտարարել է աշխարհին սպառնացող նոր վտանգների մասին Բրյուսելյան ուխտագնացության վտանգավոր հետևանքն այն էր, որ ՀՀ-ն հայտնվեց ռեգիոնալ նոր մեկուսացման մեջ. Վահե Հովհաննիսյան