ԿԲ-ն կանխատեսում է գնաճի նվազում մինչև տարեվերջին 3 տոկոսի

 Հայաստանի կենտրոնական բանկը կանխատեսում է, որ տարվա վերջին գնաճը կկազմի մոտ 3 տոկոս՝ նախորդ 2  տարիների բարձր գնաճի նկատմամբ:

այս մասին ասաց Կենտրոնական բանկի նախագահի տեղակալ Արմեն Նուրբեկյանն ԱԺ-ում Հայաստանի Հանրապետության կենտրոնական բանկի գործունեության վերաբերյալ տարեկան հաղորդման ներկայացմանը:

Նուրբեկյանը նշեց, որ 2023 թ-ին նկատել են, որ գնաճը սկսել է նվազել: Գնաճի վերջին ցուցանիշը 3.2 տոկոս է: Նուրբեկյանը կարծում է, որ հիմա Հայաստանը շատ լավ տեղում է գտնվում՝ գնաճի տեսանկյունից:

ԿԲ փոխնախագահը, անդրադառնալով գնաճի նվազման պատճառներին, ընդգծեց՝ լավ նորությունն այն է, որ պարենային գներն էապես նվազել են, և Հայաստանում գնաճի նվազումը հենց դրանով էլ պայմանավորված է: «Սակայն մեզ մոտ ծառայությունների գներում դեռևս կա բարձր գնաճ, ինչը ևս մեկ անգամ ցույց է տալիս, որ մեզ մոտ այս պահին առկա է շատ բարձր պահանջարկ»,-ասաց Նուրբեկյանը:

ԿԲ-ն գնահատում է, որ 2022թ. ընթացքում Հայաստանի Հանրապետություն իրական և ֆինանսական հոսքերի արդյունքում ՀՀ պոտենցիալը որոշակիորեն աճել է:

«ՀՀ ԿԲ-ն այս պահի դրությամբ կանխատեսում է, որ գնաճը շարունակելու է նվազել: Դա շատ կարևոր հանգամանք է՝ հատկապես, երբ մենք 2  տարի շարունակ ունեցել ենք թիրախից բարձր գնաճ: Միաժամանակ ԿԲ խորհուրդը գտնում է, որ մենք պետք է լինենք շատ ուշադիր և հասկանանք, թե գնաճի նվազման իրական պատճառները որոնք են, և համոզված լինենք, որ մենք զերծ ենք մնում որևէ տնտեսական գերտաքացումներից, ինչը մեզ թույլ կտա, որ ունենանք ավելի կայուն ու երկարաժամկետ տնտեսական աճ: Դրան է ուղղված լինելու մեր դրամավարկային քաղաքականությունը նաև 2023-ին: Եվ մենք սպասում ենք, որ այս տարվա վերջին կունենանք մոտ 3 տոկոս գնաճ, ինչը, կարծում ենք, ևս շատ կարևոր է, քանի որ 2 տարի շարունակ ունեցել ենք բարձր գնաճ»,-ասաց ԿԲ նախագահի տեղակալը:

Այս թեմայով Մինչև ժամը 18։00-ը կդադարեցվի Սարալանջի փողոցից դեպի Նորք-Մարաշ՝ մինչև Տիգրան Մեծ ձգվող փողոցի երկկողմանի երթևեկությունը Մինչև 5 տարեկան երեխաների մահացության ցուցանիշի նվազում ունենք. Անահիտ Ավանեսյան Ատեստավորման արդյունքներով ոստիկանության զորքերի շարքային զինծառայողը կարող է ստանալ մինչև 190 հազար դրամ հավելավճար ՄԻԵԴ-ը Ադրբեջանին մինչև հունիսի 6-ը ժամանակ է տվել հայ զինվորների մասին տեղեկություն հայտնելու համար Ունենք խնդիր Մեծամորի ատոմակայանի կյանքը մինչև 2036թ. և ավելի երկարացնելու. Սանոսյան Սահմանին էֆեկտիվ են ծառայում կանայք, սեպտեմբերի 13-14-ին մինչև վերջ դիրքը չթողեցին. Արմեն Խաչատրյան 18-27 տարեկան աղջիկները կարող են մինչև հոկտեմբերի 1-ը դիմել զորակոչի համար. ներկայացվեց նախագիծ Մինչև սեպտեմբերի 1-ը «Գազել»-ները կփոխարինվեն ավտոբուսներով. Երևանի քաղաքապետարան Հունիսի 1-ին Երևանի մետրոպոլիտենի մուտքն անվճար կլինի մինչև 16 տարեկան երեխաների համար Սոցհարցումները կանխատեսում են Էրդողանի հաղթանակը