Արսեն Թորոսյանի շանտաժն ու լռության գինը. ինչու է «ջրվում» Covid-ի գործը

Կորոնավիրուսի դեմ պայքարի շրջանակներում տրամադրված դրամական միջոցների ենթադրյալ մսխումների գործը, կարծես թե, փակուղի է մտել, ձերբակալված անձինք հերթով կալանավորվում, այնուհետև ազատ են արձակվում, իսկ գլխավոր դերակատարը՝ դեռևս որևէ կարգավիճակ չունեցող նախկին նախարարը՝ այժմ ՔՊ-ական պատգամավոր Արսեն Թորոսյանը զբաղված է թիմակիցների հաշվին դիվիդենտներ հավաքելով: Համենայնդեպս, այդ մասին են հուշում Թորոսյանի գործողությունները և այն էնտուզիազմը, որով վերջինս դուրս է եկել կուսակից ընկերների դեմ:

Թորոսյանը չի էլ փորձում թաքցնել իր թիմակիցների հետ ունեցած հակասությունները, որոնք սկսեց ի ցույց դնել իր գործունեության ժամանակաշրջանի մասով սկսված քրեական գործի քննության փուլում: Բերենք ընդամենը երկու  օրինակ: Օրերս, պատգամավոր Վահագն Ալեքսանյանը գրառում է կատարել՝ հայտնելով, թե դիմել է ՀՀ ՆԳ նախարար Վահե Ղազարյանին ՝ հետաքրքրվելով, թե 2022 թվականին քանի ՃՏՊ է գրանցվել Հայաստանում, եւ դրանցից քանիսի պատճառ է նշված կողային ապակիների լուսաթափանցելիության բարձր տոկոսը։ Եվ հենց այս գրառման տակ մեկնաբանություն է թողել Արսեն Թորոսյանը եւ հետաքրքրվել. «Ճի՞շտ եմ հասկանում, որ վաղուց գործող օրենքը կիրառելուն դեմ ես։ Եթե ճիշտ եմ հասկանում, էլ ո՞ր օրենքների կիրառմանն ես դեմ, Վահագն ջա՛ն»։ Թորոսյանի երկրորդ թիրախը առողջապահության նախարար Անահիտ Ավանեսյանն էր, ում զեկույցում պատգամավորը սխալներ էր գտել և չէր զլացել դրանք հանրայնացնել, ինչն էլ հանգեցրել էր լեզվակռվի:

Թորոսյանի նման «ընդդիմադիր» վարքագիծը սկսվեց անմիջապես այն բանից հետո, երբ համավարակի ընթացքում կատարած չարաշահումների հիմքով հարուցված քրեական գործի շրջանակներում մեկը մյուսի հետևից սկսեցին ձերբակալել Թորոսյանի կադրերին: Դիցուք՝ առողջապահության նախկին փոխնախարար Գևորգ Սիմոնյանին, ում այնուհետև ազատ արձակեցին: Հարցաքննվել էր ՊԵԿ փոխնախագահ Արտյոմ Սմբատյանը, որը Թորոսյանի՝ նախարար եղած ժամանակ դարձյալ փոխնախարար է եղել և կորոնավիրուսի գծով համակարգող: Հարցաքննվել էին նաև առողջապահության արդեն նախկին նախարար Թորոսյանի աշխատակազմի երեք ղեկավարները, որոնցից Լուսինե Քոչարյանը և Ծաղիկ Վարդանյանն անգամ առերեսվել են: Լուրեր էին պտտվում, որ հակակոռուպցիոն կոմիտեում այնպիսի փաստեր կան Արսեն Թորոսյանի դեմ, որ անգամ դիմում կներկայացվի գլխավոր դատախազին նրա նկատմամբ հանրային քրեական հետապնդում սկսելու և անձեռնմխելիությունից զրկելու համար:

Սակայն, իրավապահները, կարծես թե, հրաժարվեցին այդ մտքից և ուշագրավն այն է, որ դա տեղի ունեցավ Արսեն Թորոսյանի՝ շանտաժի էլեմենտներ պարունակող գրառումից անմիջապես հետո: Իսկ շանտաժը կայանում էր հետևյալում՝ Թորոսյանը իր հրապարակման վերջում համոզմունք էր հայտնել, որ հայաստանյան իրավապահ համակարգը չի թոթափել երբեմնի սովետական ստերեոտիպը, եւ որ ապացույցների բացակայության դեպքում հարուցված վարույթները կարճելը նախաքննական մարմնի վատ աշխատանքի հետեւանք է իսկ ինքը պատրաստվում է խոսել և բացահայտումներ անել, եթե իրեն կանչեն հարցաքննության: Հարց է առաջանում՝ իսկ ո՞ւմ էր ուղղված այս սպառնալիքը: Գաղտնիք չէ, որ համավարակի ժամանակ պարետ էր Տիգրան Ավինյանը, ով այսօր կատարում է դե-ֆակտո Երևանի քաղաքապետի պարտականությունները, իսկ սեպտեմբերին պատրաստվում է ընտրություններով ամրանալ այդ պաշտոնում: Չի բացառվում, որ Թորոսյանի կողմից ակնարկված բացահայտումները վերաբերվում էին հենց Ավինյանին, ինչը, բնականաբար, չէր բխում Նիկոլ Փաշինյանի և ՔՊ-ի շահերից, քանի որ ավագանու ընտրություններին ընդառաջ լրջագույն ռեպուտացիան հարված էին դառնալու ՔՊ թեկնածուի համար, եթե ընդհանրապես չհանգեցնեին աղմկահարույց ձերբակալումների: Կարելի է ենթադրել, որ Թորոսյանի բացահայտումներ անելու էնտուզիազմը ինչ-ինչ միջոցներով մարել են և հենց դա  է պատճառը, որ ոչ դատախազությունն է մտնում ԱԺ վերջինիս անձեռնմխելիությունից զրկելու նպատակով, ոչ էլ հակակոռուպցիոն կոմիտեն հրավիրում հարցաքննության, իսկ նրա երբեմնի կադրերը ազատ են արձակվում: Իր հերթին Թոոսյանն էլ ոտքը կախ է գցել, ասել է թե՝ եկել են որոշակի կոնսենսուսի: Իհարկե, եթե Թորոսյանը վստահ լիներ սեփական անմեղության վրա, ապա կոմպրոմատներով թիմակիցներին շանտաժի ենթարկելու որևէ կարիք չէր առաջանա, մյուս կողմից՝ եթե Փաշինյանը և Թորոսյանի մյուս թիմակիցները լինեին այնքան սկզբունքային կոռուպցիայի դեմ պայքարում, որքան փորձում են ներկայացնել, ապա նախկին նախարարի շանտաժը պարզապես չէր աշխատի և վերջինս առնվազն հարցաքննված կլիներ: Իսկ քանի դեռ դա տեղի չի ունեցել և Թորոսյանն էլ իր հերթին ունի որոշակի երաշխիքներ՝ «մուռը» հանում է թիմակիցներից: Ակնհայտ է, որ այստեղ գործ ունենք ներթիմային կոնսենսուսի հետ, որից տուժում է միայն հանրությունը, քանի որ այդպես էլ չի բացահայտվում, թե համավարակի ընթացքում ուր են ուղղվել և անհետացել հարկատուների գրպանից վճարված միլիարդները...

Այս թեմայով Իրավաբանորեն ուժ ունեցող քարտեզի հիման վրա՝ սահմանի նոր նկարագրություն է արվում. Արսեն Թորոսյան Խորը վերլուծություն պետք է արվի, թե ինչու են այս թվերը աճել. Արսեն Թորոսյան Հերիք եղա՛վ, մենք ստի մեջ չպիտի ապրենք. Արսեն Գրիգորյանը՝ Ոսկեպարից (տեսանյութ) Մեր Հայաստանի տարածքները նվիրվում են թշնամուն, սա անարդար ու անօրեն որոշում է. Արսեն Գրիգորյան (տեսանյութ) Արսեն Գրիգորյանը միացել է շարժմանը «Առաջընթացն էական է, քանի որ ունի ամուր լեգիտիմ հիմքեր»․ Արսեն Թորոսյան «Ժողովուրդ». ԱՆ-ի շուրջ գործողությունների ֆոնին՝ Արսեն Թորոսյանը նախարարի պաշտոնի համար ընկերոջ PR-ով է սկսել զբաղվել Սա պատերազմ է մեր ինքնության դեմ, ոչ թե ուղղակի տարածքի խնդիր, մեզ ծնկի չեն բերելու. Արսեն Գրիգորյան (տեսանյութ) Ես չեմ նկատել, որ Արսեն Թորոսյանն ինձ թիրախավորում է. գործընկերային քննադատություն է, նորմալ է «Մնաց 2 օր»․ Արսեն Թորոսյանը զգուշացրել է վարորդներին