Միլիոնավոր դրամների գնումներ՝ «մերժված» պաշտոնյաների ընկերություններից. Աշոտ Արսենյան

Չնայած Հայաստանում տեղի ունեցած հեղափոխությանը, որի մեխը, հիշեցնենք, նախկին իշխանությունների և հատկապես այդ իշխանությունների գործարար, ասել է թե՝ օլիգարխիկ հատվածի մերժումն էր, այսօր արդեն հեղափոխական իշխանությունները մեծ սիրով համագործակցում են մերժվածների հետ՝ վերջինիս պատկանող ընկերություններից հարյուրավոր միլիոնների գնումներ կատարելով: Այդ գումարները, իհարկե, վերջիններիս քսակ ուղղվում են պետական բյուջեից, ասել է թե՝ հպարտ հարկատուների գրպանից:

Այսօր կանդրադառնանք նրան, թե պետական որ կառույցներն են գնումներ կատարել ՀՀԿ-ական նախկին պատգամավոր Աշոտ Արսենյանին պատկանող ընկերությունից:

Գարեգին Բաղրամյանի ՀԾԿՀ-ն 144,000 դրամի ներկացուցչական ծառայություններ է ձեռք բերվել «Ջերմուկ Գրուպ»-ից։

ՀՀ առողջապահության նախարարությունը նույնպես 76,800 դրամի ներկայացուցչական ծառայություններ է ձեռք բերել։

Սասուն Խաչատրյանի հակակոռուպցիոն կոմիտեն 36,300 դրամի ներկայացուցչական ծառայություններ է գնել։

ՀՀ էկոնոմիկայի նախարությունը նույնպես 43,200 դրամի ներկայացուցչական ծառայություններ է ձեռք բերել։

Դատական դեպարտամենտն իր հերթին նույնպես 155 և 50 հազար դրամի գնումներ է կատարել «Ջերմուկ Գրուպ»-ից։

ՀՀ արտաքին գործերի նախարարությունը՝ 46,000 , 15,100 ,38,500  դրամի գնումներ է կատարել «Ջերմուկ Գրուպ»-ից։

ՀՀ ֆիննախը «Ջերմուկ Գրուպ»-ից 550 հազար դրամի ներկայացուցչական ծառայություններ է ձեռք բերել։

ՀՀ տարածքային կառավարման նախարարության ջրային կոմիտեն նախորդ տարի 275,040  դրամի ներկայացուցչական ծառայություններ է ձեռք բերել «Ջերմուկ Գրուպ»-ից։

Բացի այս գնումներից, որոնք նախորդ տարի մեկ անձից կատարած գնումների ընդամենը մեկ տոկոսն են, կառավարությունը 3.8 միլիարդ դրամի ներդրման դիմաց 250 միլիոն դրամի մաքսային արտոնություն է տվել «Ջերմուկ գրուպ» ընկերությանը։

Ինչ վերաբերվում է ենթակառուցվածքներին, ապա այստեղ իսկապես գրանցվել է որոշակի շարժ։ Սակայն, պետք է հասկանալ, թե ով է այդ իրավիճակում ամենամեծ շահողը և շահառուն, քանի որ շինարարական աշխատանքները իրականացնում է հենց Արսենյանի ընտանիքին պատկանող «Ջերմուկ Գրուպ»-ը` իր ֆինանսական միջոցներով։ Դիցուք` Ջերմուկում կկառուցվի նոր բնակելի թաղամաս՝ բաղկացած մոտ 300 բնակարանից։ Ծրագրի նախագիծը արդեն կա, իսկ կառուցապատման աշխատանքների մեկնարկը կտրվի 2022 թվականի մայիս ամսից։ Ծրագիրը իրականացվում է «Ջերմուկ Գրուպ» ընկերության կողմից։

Այս թեմայով ՌԴ դեսպանը՝ Ջերմուկ չայցելելու պատճառների և իշխանության ակնարկների մասին Էլեկտրական շչակի գործարկում Ջերմուկ համայնքի Կեչուտ բնակավայրում Քարաթափման պատճառով շարունակում է միակողմանի փակ մնալ Ջերմուկ տանող ճանապարհը Քարաթափում. դեպի Ջերմուկ տանող ավտոճանապարհը դեռ միակողմանի փակ է Ջերմուկ տանող ճանապարհին շարունակվում են քարաթափման մաքրման աշխատանքները (տեսանյութ) Քարաթափում դեպի Ջերմուկ տանող ավտոճանապարհի 2-րդ կմ-ին Անվտանգությունից ելնելով՝ ժամը 19։00-ից Մ-2-Գնդեվազ-Ջերմուկ ավտոճանապարհը փակ է լինելու Ջերմուկ տանող ճանապարհը տեղի ունեցած քարաթափման պատճառով երկկողմանի փակ է Քարաթափում` Մ-2-Գնդեվազ-Ջերմուկ ավտոճանապարհին․ ճանապարհը երկկողմանի փակ է Ջերմուկ քաղաք տանող ճանապարհահատվածն արդեն երկկողմանի երթևեկելի է