Ամենայն Հայոց Կաթողիկոսն ընդունել է Դետրոյթի Սուրբ Հովհաննես Մկրտիչ եկեղեցու համայնքի անդամներին

Հունիսի 18-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց ԱՄՆ Արևելյան հայոց թեմի Դետրոյթի Սուրբ Հովհաննես Մկրտիչ եկեղեցու համայնքի անդամներին՝ ուղեկցությամբ Մայր Աթոռի միաբան Գերաշնորհ Տ․ Փառեն արքեպիսկոպոս Ավետիքյանի։ Այս մասին հայտնում է Մայր Աթոռ Ս. Էջմիածին Հայաստանյայց Առաքելական Ս. Եկեղեց ու տեղեկատվական համակարգը։

Փառեն Սրբազանը, Նորին Սրբությանը ներկայացնելով ուխտավոր հայորդիներին, ընդգծեց, որ տասնյոթ տարի շարունակ Դետրոյթի հայ համայնքի ներկայացուցիչները հովանավորում և կամավորական աշխատանքներ են իրականացնում Հայաստանի մարզերում՝ ավարտին հասցնելով կիսակառույց տների շինարարական աշխատանքները։

Նորին Սրբությունը, իր հայրական օրհնությունը բերելով ուխտավոր հայորդիներին, կարևորեց վերջիններիս աջակցությունն ուղղված մարզի բնակիչների կյանքի բարելավմանը։ Ամենայն Հայոց Հայրապետն ընդգծեց, որ հայրենիքի համար այս դժվարին օրերին սփյուռքի հայորդիների ցուցաբերած զորակցությունը հույս և լավատեսություն է ներշնչում Հայաստանում ապրող հայ ժողովրդի զավակներին։

Վեհափառ Հայրապետը, գնահատելով նաև հավատավոր հայորդիների ծառայանվիրումի և պատրաստակամության ոգին, հորդորեց, հավատարիմ տերունավանդ պատվիրաններին, մշտապես իրենց կարողություններն ու հմտություններն ի սպաս դնել Հայրենիքի զորացմանն ու շենացմանը։

Այս թեմայով «Դավաճանը հանձնում է Հայաստանը»․ ակցիա՝ Հովհաննես Դավթյանի ներկայացման ժամանակ (տեսանյութ) Եկել ենք` մեր սուրբ հողը պահենք (տեսանյութ) Վահագն Խաչատուրյանն ընդունել է նախարար Նարեկ Մկրտչյանին Արցախից հայ բնակչության գաղթը Հայոց ցեղասպանության տարր է. Զատուլին ՀՀ ֆինանսների նախարարն ընդունել է ԵՄ դեսպան Վասիլիս Մարագոսին Ավստրալիայի Լիբերալ կուսակցությունը երկրի ընդդիմության առաջնորդին կոչ է արել ճանաչել Հայոց ցեղասպանությունը Ամենայն Հայոց Կաթողիկոսը հոգևորականներին պատգամել է հայ ժողովրդին ուղղորդել ճշմարտության ճանապարհով Սուրեն Պապիկյանն ընդունել է Եվրոպայի խորհրդի Երևանի գրասենյակի ղեկավարին Հայաստանի կառավարությունը Թավրիզում գլխավոր հյուպատոսություն բացելու որոշում է ընդունել Մենք միշտ Հայոց ցեղասպանության ողբերգությունն ընդունել ենք` որպես մեր սեփական ցավը. Զախարովա