Ֆրանսիայում կարող է արտակարգ դրություն հայտարարվել (լուսանկարներ)

Ֆրանսիայի իշխանությունները կարող են արտակարգ դրություն մտցնել երկրում տիրող անկարգությունների պատճառով, հայտարարել է քաղաքային և բնակարանային քաղաքականության նախարարի պատվիրակ Օլիվյե Քլայնը, գրում է Sputnik-ը։

Ըստ նրա՝ սա գործողության հնարավոր տարբերակներից մեկն է։

«Այսօր ամեն ինչ հնարավոր է, ոչինչ չի կարելի բացառել»,- ասել է Քլայնը։

Միաժամանակ, նա նշել է, որ իրադարձությունների զարգացման հիմնական սցենարը չափահաս բնակչության մոբիլիզացումն է «հանգստությունը վերականգնելու համար»։

Ինչպես ավելի վաղ հայտնել ենք, Ֆրանսիայի ներքին գործերի նախարար Ժերալդ Դարմանինը հայտնել է, որ հինգշաբթի և ուրբաթ գիշերը տեղի ունեցած անկարգությունների ժամանակ 667 մարդ է բերման ենթարկվել։ Ըստ ֆրանսիական լրատվամիջոցների՝ բռնի գործողությունների մասնակիցների զգալի մասը երիտասարդներն են, այդ թվում՝ 14-18 տարեկաններ։

Երեքշաբթի առավոտյան ոստիկանության աշխատակիցները Փարիզի արևմուտքում գտնվող Նանտեր արվարձանում ճանապարհային ստուգման ժամանակ կրակել և սպանել են 17-ամյա մի տղայի, ով, ըստ ոստիկանության, հրաժարվել է կատարել իրենց պահանջները: Արդյունքում՝ Ֆրանսիայի մի շարք քաղաքներում անկարգություններ են սկսվել, որոնք շարունակվում են արդեն մի քանի օր։

Երիտասարդները հրկիզել են մեքենաներ, ոստիկանության և կառավարական շենքեր։ Մի շարք քաղաքներում տեղակայված են ոստիկանության հատուկ նշանակության ջոկատներ, ներգրավված են զրահատեխնիկա, ուղղաթիռներ։

Ուրբաթ գիշեր ցուցարարները ողջ Ֆրանսիայում այրել են մոտ 500 շենք և ավելի քան 550 ավտոմեքենա:

Agence France-Presse-ի փոխանցմամբ՝ Ֆրանսիայի նախագահ Էմանուել Մակրոնը ժամանակից շուտ լքել է Բրյուսելում կայացած ԵՄ գագաթնաժողովը և չեղարկել դրա արդյունքների վերաբերյալ նախատեսված մամուլի ասուլիսը։

Այս թեմայով Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան ՀՀ ցանկացած սմ հող կարող է հանձնվել բացառապես հանրաքվեով. Ռուբեն Մելիքյան (տեսանյութ) Կեղծիքի իշխանությունը չի՛ կարող ներկայացնել Հայաստանը եւ հայ ժողովրդին այս ճակատագրական պահին. Հայկ Մարության «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Ոչ ոք չի կարող մեզ արգելել կամ ստեղծել այնպիսի պայմաններ, որ Հայաստանի ազգային ակադեմիան գոյություն չունենա․ ՀՀ նախագահ Ինձ համար Հայաստանի սահմանն այնտեղ է, որտեղ կարող է կանգնել հայ զինվորը. Բագրատ Սրբազան (տեսանյութ) Հնարավորության դռները հավերժ չեն կարող բաց մնալ. Էրդողանը սպառնացել է Հայաստանին Ռուբեն Ռուբինյանն ընդունել է ՀՀ-ում Հունաստանի արտակարգ եւ լիազոր դեսպան Խրիստոս Սոֆիանոպուլոսին Ո՞վ կարող է փակել եկեղեցու դռները մեր առաջ. այստեղ հավաքված ժողովրդին հանցակից են դարձնում. Սրբազան