Թագուհի Թովմասյանը դիմել է դատարան՝ պահանջելով վերականգնել ՄԻՊ հանձնաժողովի նախագահի իր լիազորությունները

Ազգային ժողովի «Պատիվ ունեմ» խմբակցության պատգամավոր Թագուհի Թովմասյանը դիմել է Վարչական դատարան՝ պահանջելով վերականգնել ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնում իր լիազորությունները: Թովմասյանն այս մասին հայտնեց հրավիրված ասուլիսում: 

Ըստ պատգամավորի՝ իրեն հանձնաժողովի նախագահի պաշտոնից զրկելը եղել է իշխանության քաղաքական որոշումը, որևէ հիմնավորում չկա: Թովմասյանը վստահեցրեց, որ իր գործունեությունն, այնուամենայնիվ, շարունակելու է, միջազգային դերակատարներին գրություն ուղարկելիս, իրեն ներկայացնելու է որպես «հանձնաժողովի՝ ապօրինաբար պաշտոնազրկված նախագահ»:

«Բայց ես չեմ հանձնվել: Այսօր արդեն Վարչական դատարան մուտք եմ արել և պահանջում եմ դատարանից վերականգնել իմ լիազորությունները, քանի որ այդ գործընթացը ծայրից ծայր տեղի է ունեցել ապօրինի: Ես զրկված եմ եղել լսված լինելու իրավունքից»,-ասաց Թովմասյանը:

Պատգամավորը նշեց՝ ինքն ունեցել է անաշխատունակության թերթիկ, նախապես գրավոր տեղեկություն է ներկայացրել ԱԺ նախագահին և նրա պաշտոնակատարին՝ ակնկալելով, որ իրեն վերաբերող հարցի քննությունը կհետաձգվի, մինչև ինքը կկարողանա ներկայանալ աշխատանքի:

«Նրանք չեն լսել և իմ դիմումն անպատասխան են թողել, քննարկել ու քվեարկել են ինձ լիազորություններից զրկելու հարցը, ինչի համար ես դիմել եմ Վարչական դատարան»,-ասաց Թովմասյանը՝ վստահություն հայտնելով, որ իր լիազորությունները վերականգնվելու են դատարանի միջոցով:

Ազգային ժողովը հուլիսի 11-ին փակ գաղտնի քվեարկությամբ դադարեցրել էր Թագուհի Թովմասյանի լիազորություններն  ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնում: ԱԺ նիստերի դահլիճում հարցի քննարկմանն ընդդիմադիր պատգամավորները չէին մասնակցել:

Այս թեմայով Մակրոնը մտադիր է Չինաստանի նախագահի հետ քննարկել Օլիմպիական խաղերի ժամանակ աշխարհում հրադադարի հաստատման հարցը Ադրբեջան է ժամանել Եվրոպական հանձնաժողովի հարևանության և բանակցությունների հարցերով գլխավոր տնօրենը ՀԻՄԱ․ 2024 թ.-ի 1-ին եռամսյակում տնտեսական աճի դանդաղման ռիսկերը պահպանվել են. ԿԲ նախագահի ասուլիսը Գլխավոր դատախազությունը 2023-ին վերականգնել է շուրջ 5 մլրդ 63 մլն 193 հազար դրամին համարժեք գույք «Ժողովուրդ». Կարեն Ջալավյանը՝ Քյոխը կներկայանա հակակոռուպցիոն դատարան` հարցաքննության Եվրոպական հանձնաժողովի գլխավոր տնօրենը կայցելի Հայաստան Ադրբեջանը կարող է դեմպինգի դիմել եւ հայաստանյան շուկան գրավելու համար իջեցնել գազի սակագինը. փորձագետ (տեսանյութ) Հայտնի է դարձել, թե ԱՄՆ նախագահի թեկնածուներից ով ավելի շատ աջակցություն ունի. CNN Ռուս կանայք դիմել են ոստիկանություն և հայտնել, որ «Հաղթանակ» այգու տնօրենը ձեռքով հարվածել և թքել է իրենցից մեկի դեմքին Ադրբեջանն ընդդեմ Հայաստանի գործով լսումներ Հաագայի դատարանում. ՈՒՂԻՂ