Եվրոպայից օրերս վերադարձած 25-ամյա տղան նետվել է Արմավիրի մարզի «Կարմիր կամրջից». նա հեռախոսում գրություն է թողել
Общество
ՀՀ Արմավիրի մարզում 25-ամյա տղան «Կարմիր կամրջից» նետվել է ու մահացել։ Տեղեկությունը հայտնում է shamshyan.com–ը։
Նշվում է, որ դեպքի պասին ահազանգը ՀՀ ՆԳՆ ոստիկանության Արմավիրի մարզային վարչությունում ստացվել է այսօր` ժամը 05։30-ի սահմաններում։ Նշվել է, որ բժիշկների հերթապահ խումբը կանչով մեկնել է Արմավիր քաղաքի «Կարմիր կամուրջ» կոչվող տարածք, որտեղ հայտնաբերվել է դի։
«Ոստիկաններն ու քննիչները կամրջի տակ հայտնաբերել են Արմավիրի մարզի բնակիչ 25-ամյա Լյուդվիգ Հ․-ի դին։ Ըստ նախնական տեղեկությունների՝ վերջինս կամրջից նետվել է»,–գրում է կայքը։
Դեպքի վայրում հայտնաբերվել է նաև տղայի բջջային հեռախոսը։ Կայքի տեղեկություններով` երիտասարդը հեռախոսում երկտող է թողել , որ իր մահվան մեջ որևէ մեկին չմեղադրեն։
Կայքը նաև հայտնում է, որ երիտասարդը վերջերս է վերադարձել Եվրոպայից։
Դեպքի փաստով Արմավիրի մարզային քննչական վարչությունում նախաձեռնվել է քրեական վարույթ։ Քննիչի որոշմամբ նշանակվել է դիակի դատաբժշկական փորձաքննություն։
Самое популярное 
Баграт Галстанян: Мы зафиксировали первую победу
