Ռուսաստանը խաղաղության կհասնի իր պայմաններով, ինչպես դա արեց 2008 թվականին. Մեդվեդև

Ռուսաստանի Անվտանգության խորհրդի ղեկավարի տեղակալ Դմիտրի Մեդվեդևը «հնգօրյա պատերազմի» մեկնարկի տարեդարձի կապակցությամբ Telegram-ի ալիքում հրապարակել է գրառում, որում համեմատություն է տարել վրաց-հարավօսական հակամարտության՝ Ռուսաստանի մասնակցության և Ռուսաստանի՝ Ուկրաինայում «ռազմական գործողության» միջև։ 2008 թվականին Ռուսաստանի նախագահի պաշտոնը զբաղեցրած Դմիտրի Մեդվեդևն էր, ով օգոստոսի 8-ին հայտարարեց Հարավային Օսիայի հակամարտության գոտում խաղաղության հաստատման գործողություն սկսելու մասին, գրում է Kommersant-ը։

«Ապուշ Սահակաշվիլիի (Վրաստանի նախկին նախագահ Միխեիլ Սահակաշվիլի-խմբ.) թիկունքում կանգնած էր կոլեկտիվ Արևմուտքը, որն արդեն այն ժամանակ փորձում էր լարել իրավիճակը Ռուսաստանի սահմանների անմիջական մերձակայքում։ Մեր զինված ուժերը պաշտպանեցին Աբխազիայում և Հարավային Օսիայում ապրող մեր ժողովրդին թշնամուց»,- գրել է նա։

Դմիտրի Մեդվեդևի խոսքով, 2008 թվականին «ԱՄՆ-ն ու նրա վասալները ակնհայտորեն փորձի պակաս ունեին»։ Սակայն այժմ «նրանք կրկին հանցավոր պատերազմ են մղում վստահված անձի հետ՝ փորձելով ջնջել Ռուսաստանին աշխարհի երեսից»։

«ՆԱՏՕ-ի ողջ համակարգը գործնականում բացահայտ պայքարում է մեր դեմ։ Մենք բավականաչափ ուժ ունենք հատուկ ռազմական գործողության բոլոր խնդիրները լուծելու համար։ Ինչպես 2008 թվականի օգոստոսին, այնպես էլ հիմա մեր թշնամիները կջախջախվեն, և Ռուսաստանը խաղաղության կհասնի իր պայմաններով»,- հավելել է նա։

Միխեիլ Սահակաշվիլին Վրաստանի նախագահի պաշտոնը զբաղեցրել է երկու ժամկետ անընդմեջ 2004-2013 թվականներին: 2008 թվականի օգոստոսի 8-ին նա հրաման տվեց զորքեր մտցնել անջատված Հարավային Օսիայի տարածք։ Ի պատասխան՝ Ռուսաստանը ռազմական գործողություն սկսեց Վրաստանի դեմ, որը տևեց հինգ օր։

Այս թեմայով Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կանգնի․ Մեդվեդև 2018 թվականին ամեն ինչի մասին խոսել եմ. Բալասանյանը` Կիրանցում տեղի ունեցող դեպքերի մասին (տեսանյութ) Ինչպես են բերման ենթարկվում քաղաքացիները (տեսանյութ) 2023 թվականին Հայաստանում 12-ամսյա գնաճը նվազել է 8.9 տոկոսային կետով. ԿԲ նախագահ Տանել չեմ կարող սուտը, չեմ կարող դիմանալ, երբ տեսնում եմ, թե ինչպես է կործանվում երկիրը Ինչպես ժողովուրդը որոշի, Աստծու կամքը լինի, հայոց հայրապետն էլ օրհնի, ես ո՞վ եմ, որ ասեմ` չէ․ Բագրատ սրբազան Ականատեսները պատմել են, թե ինչպես է Կամազը մխրճվել ժողովրդի մեջ (տեսանյութ) Մի սպասեք բոլորին ու մի հաշվեք, թե ինչքան մարդ կլինի, կարևորը դուք լինեք ու կտեսնեք, թե ձեր լինելով, ինչպես ենք դառնում բոլոր. Մարտիրոսյան Ինչպես են նիկոլականները սպասում Սրբազանին՝ ըստ Տիգրան Աթանեսյանի Բարձաստիճան ՔՊ-ականներն արդեն ուղերձներ են հղում մեզ, թե ինչպես միանան շարժմանը. Բագրատ Սրբազան (տեսանյութ)