Առուշ Առուշանյանի՝ «գողական» կերպարից քաղաքականի անցնելու ֆիասկոն

Երբեմնի սուր ընդդիմադիր կեցվածքով հանդես եկող Գորիսի քաղաքապետ Առուշ Առուշանյանին, փաստորեն, մեղմ ասած, դուր չեն եկել հասարակության մի հատվածի քննադատություններն իր հասցեին, երբ օրեր առաջ նույն այդ Նիկոլ Փաշինյանին նա ձեռքսեղմամբ դիմավորում էր Սյունիքում: Ավելին՝ նա սպառնում է շքամուտքերում քննադատություններ հնչեցնողների ծնոտներ ջարդել, դեռ  մի բան էլ հայտարարում է, որ ազգն է ընտրել Նիկոլ Փաշինյանին և այդ հանգամանքի հետ բոլորը պետք է հաշվի նստեն:

Մի կողմ դնենք Առուշ Առուշանյանի կարճ հիշողությունը․

Սակայն, Առուշանյանը երեկ չէ, որ քաղաքական հայտ է ներկայացրել, նա քաղաքապետի պաշտոնը զբաղեցնում է 2017 թվականից և պետք է որ արդեն գիտակցած լիներ մի պարզ ճշմարտություն՝ պետք է ի վիճակի լինել տարբերակել այսպես կոչված՝ «փողոցային» կերպարը քաղաքական գործչի կերպարից և եթե նախընտրում ես ապրել փողոցի կամ այսպես ասած՝ «գողական» կանոններով, ապա պետք է ապրել այդ կանոններով․  բանտում նստելը պետք է պատիվ լինի, հնչեցված «քննադատությունների» հետևից էլ պարտավոր է գնալ և այսպես ասած՝ «պատասխան» ուզել: Առուշանյանը, ի դեպ, կարող է ցանկության դեպքում հրաժարականի դիմում գրել և ապրել հենց այդ ենթամշակույթի օրենքներով,  չխաղալ 20 հազար գորիսեցիների ճակատագրի հետ և Գորիսը ծաղկեցնելու փոխարեն ծաղկեցնել այդ ենթամշակույթը: Չնայած դեռ մեծ հարց է՝ արդյոք դա նրա մոտ կստացվի, թե ոչ...

Իսկ եթե նա ցանկանում է զբաղվել քաղաքականությամբ, ապա պետք է գիտակցի, որ քաղաքականության մեջ այդ ենթամշակույթի օրենքները չեն գործում և քաղաքացիները կարող են քննադատել վրդովված լինելու, անհամաձայն լինելու կամ հիասթափված լինելու պատճառով՝ անկեղծ և առանց որևէ պատվերի: Այս դեպքում ամեն քննադատության համար շքամուտքերում ծնոտ ջարդելու սպառնալիքներ հնչեցնելը մեղմ ասած՝ ճիշտ չէ:

Քաղաքականությունը դաջվածքներով տղայականության, բիլակների, մուրճեր ճոճելու, հոխորտանքների ցուցադրության հրապարակ չէ և Առուշանյանի երեկվա վարքագիծը հարցեր է առաջացնում ՝ գուցե վերջինիս մոտ անվերջանալի կայացման շրջափո՞ւլ է, որը դեռևս չի ավարտվել: Այդ դեպքում Գորիսի քաղաքապետը ունի բոլոր շանսերը ինտեգրվելու ներկայիս քաղաքական էլիտային և ՔՊ-ականներին, որոնց մեծ մասը կայացման հետ ակնհայտ խնդիրներ ունեն և դա դրսևորվում է նրանց վարքագծի մեջ, որոնցից Առուշանյանը երեկ քիչ բանով էր տարբերվում: Հաշվի առնելով Գորիսի քաղաքապետի՝ Նիկոլ Փաշինյանին ուղղված երեկվա ռևերանսները՝ նա ունի հնարավորություն կայացման այդ կարևոր փուլը անցնել ՔՊ-ականների հետ միասին, ով իմանա՝ գուցե մի օր էլ ՔՊ մտնելու որոշում կայացնի:

Երեկվա հարցազրույցից մի հարց էլ է առաջանում՝ արդյո՞ք Սյունիքի նախկին մարզպետ Սուրիկ Խաչատրյանի ղեկավարման տարիներին Առուշ Առուշանյանը կարող էր նման հարցազրույցներ տալ և իրեն թույլ տալ նման բառապաշարով խոսել ՀՀ քաղաքացիների մասին՝ ի ցույց դնելով իր «տղա» լինելը: Հարցը, թերևս, հռետորական է...

Այս թեմայով Ես անկուսակցական եմ և որևէ կուսակցության անդամագրվելու հայտ չեմ ներկայացրել․ Առուշ Առուշանյան «Ժողովուրդ». Գորիսի համայնքապետ Առուշ Առուշանյանը կանդամագրվի՞ «Քաղաքացիական պայմանագիր» կուսակցությանը «Խմիչքից շատ-շատ հեռու եմ»․ Առուշ Առուշանյանը հերքում է լուրերը, որ ոչ սթափ վիճակում մեքենա է վարել «Համար է, էլի». Առուշ Առուշանյանը՝ հոր գնած 000 OO 00 գոլդ համարանիշի մասին 00 oo 000 համարանիշը գնել է Գորիսի համայնքապետ Առուշ Առուշանյանի հայրը․ «Հրապարակ» Առուշ Առուշանյանը հրավիրվել է Դատախազություն Թաթոյանը, Գևորգ Փարսյանը և Առուշ Առուշանյանը ԱՄՆ-ում են ներկայացնելու են ադրբեջանական հանցանքները «Նետրալ» գոտուց դուրս չեկած մեքենաները ահագին գումար են վճարում հայ-վրացական սահմանին. Առուշանյան Փարիզի քաղաքապետին Գորիսում դիմավորել են Սյունիքի մարզպետը, ԱՀ ԱԳ նախարարը, Առուշ Առուշանյանը «Ամեն մարդ ինքն է պատասխանատու իր քայլերի համար». Վահե Հակոբյանը՝ Առուշ Առուշանյանի մասին. «Փաստ»