Զախարյանը բացատրել է, թե ինչու է ընտրել «Ռեալ Սոսյեդադը»
Sport«Ռեալ Սոսյեդադ» ֆուտբոլային ակումբի նորեկ Արսեն Զախարյանը «Լա Լա Լիգա» ծրագրում բացատրել է, թե ինչու է ընտրել իսպանական թիմը։
«Ինչու՞ ընտրեցի «Ռեալ Սոսյեդադը»: Նրանք ցանկանում էին իրականացնել իմ տրանսֆերը, իսկ ես՝ Լա Լիգայում լինել։ Ուստի անմիջապես համաձայնեցի։ Լավ բազա, սուպեր ենթակառուցվածք, ինձ ամեն ինչ դուր է գալիս, սուպեր թիմ, լավ մարզիչ։ Հիմա կծանոթանամ քաղաքի հետ, և ընդհանուր առմամբ ամեն ինչ լավ կլինի»,- ասել է Զախարյանը։
Զախարյանը օգոստոսի 18-ին մեկնել է Սան Սեբաստիան՝ պայմանագիր կնքելու տեղի «Ռեալ Սոսյեդադ»-ի հետ: Օգոստոսի 19-ին «Ռեալ Սոսյեդադի» մամուլի ծառայությունը հայտարարեց Զախարյանի հետ վեց տարով պայմանագիր կնքելու մասին։