Heineken-ը Ռուսաստանում իր բիզնեսը 1 եվրոյով վաճառել է Arnest Group-ին

Heineken-ը փակել է Ռուսաստանում իր ակտիվները Arnest խմբին վաճառելու գործարքը: Այս մասին հայտնում են ընկերության մամուլի ծառայությունից, գրում են միջազգային ԶԼՄ-ները։

Գարեջրագործական ընկերության ակտիվները գնել է օծանելիքի, կոսմետիկայի և կենցաղային ապրանքների խոշորագույն արտադրողը՝ Arnest Group-ը:

Ըստ Heineken-ի՝ բաժնետոմսերի 100%-ի ձեռքբերման արժեքը կազմել է 1 եվրո։ Սակայն ըստ համաձայնագրի՝ գնորդը պետք է մարի Ռուսաստանում բիզնեսի ներխմբային պարտքը գարեջրագործական ընկերությանը 100 մլն եվրոյի չափով։

Ընկերության տվյալներով՝ «գործարքը կհանգեցնի 300 միլիոն եվրոյի ակնկալվող ընդհանուր կուտակային վնասի»։ Մամուլի հաղորդագրության մեջ նշվում է, որ պայմանագրով հետգնման իրավունքներ չկան։

Այն նաև ավելացնում է, որ ապագայում Heineken-ի լոգոտիպ չի լինի, ուստի անվան փոփոխության գործընթացը կարող է տևել մի քանի ամիս: Ընկերությունն ընդգծել է, որ գարեջրի գործարանի աշխատակիցները գործարքի ավարտից հետո աշխատանքից չեն հեռացվի. Arnest խումբը 1800 աշխատակցի աշխատանքի երաշխիք է տրամադրել առաջիկա երեք տարիների համար։

Գործարքի շրջանակներում գնորդին կփոխանցվեն Ռուսաստանում Heineken-ի մնացած բոլոր ակտիվները՝ ներառյալ յոթ գործարանները: Վեց ամսվա ընթացքում նրանք կդադարեցնեն Amstel ապրանքանիշով գարեջրի արտադրությունը։ Այնուամենայնիվ, Arnest Group-ը երեք տարով կպահպանի մի քանի տարածաշրջանային ապրանքանիշերի արտոնագրերը, որոնք անհրաժեշտ են ընկերության գործունեությունը ապահովելու և գործարքի շուրջ համաձայնեցնելու համար։

Այս թեմայով Ռուսաստանում արժեզրկումը դանդաղել է. Պուտին Ռուսաստանում առաջիկա ամսում հրաժարականներ են սպասվում. Ведомости Ռուսաստանում սպանել են երկու ոստիկանի, հափշտակել նրանց զենքն ու դիմել փախուստի (լուսանկարներ) Ռուսաստանում ռազմական ինքնաթիռ է կործանվել. անձնակազմի անդամներից մեկը կորել է (լուսանկարներ, տեսանյութ) Ռուսաստանում Ուկրաինայի հարվածների հետևանքով` մինչ օրս 201 խաղաղ բնակիչ է զոհվել Հաշվին՝ 300 դոլար, փոքր բնակարան, ավտոմեքենան վաճառել է. Մոլդովայի նախագահի տարեկան հարկային հայտարարագիրը ԴԱԻՇ-ը հայտարարել է Ռուսաստանում նոր ահաբեկչություններ ծրագրելու մասին և սպառնացել անձամբ Պուտինին Ռուսաստանում հեռուստաաշտարակների լուսավորությունը կփոխվի Ռուսաստանում պայմանագրային զինծառայողներին կազատեն քրեական պատժից Ռուսաստանում ազատ, բազմակարծիք և ժողովրդավարական ընտրությունների պայմանները հերթական անգամ չեն ապահովվել. Ֆրանսիայի ԱԳՆ