Իջևանում կինը հայտնել է, որ ներքնակի միջից գողացել են 1 մլն դրամ. պարզվել է՝ նա գումարը խաղադրույք է կատարել ու պարտվել

SHAMSHYAN.com-ի տեղեկություններով օգոստոսի 26-ին արտառոց դեպք է տեղի ունեցել Տավուշի մարզում:

Այդ օրը՝ ժամը 12:00-ի սահմաններում, Տավուշի մարզի բնակիչ 37-ամյա Ելենա Մ.-ն ահազանգել է իր բնակության վայրի տարածքային ոստիկանության բաժին և հայտնել, որ նույն օրը 08:40-ից մինչև 11:00-ն ընկած ժամանակահատվածում անհայտ անձը կամ անձինք հարմարեցված բանալիով բացել են իր տան մուտքի դուռը, մտել ներս և ննջասենյակի  «Զվարթ ներքնակ» գրառմամբ ներքնակի միջից գողացել են պոլիէթիլենային տոպրակի մեջ եղած ողջ գումարը:

Ելենա Մ.-ն ոստիկաններին և քննիչներին հայտնել է, որ տոպրակի մեջ եղել է 1 մլն դրամ, որը իրեն անհայտ պայմաններում գողացել են: 

Ֆոտոլրագրողի տեղեկություններով` ոստիկանության Տավուշի մարզային վարչության  ոստիկանության Իջևանի բաժնի ծառայողները «հալած յուղի» տեղ չեն ընդունում նրա խոսքերը և ձեռնարկելով անհրաժեշտ օպերատիվ միջոցառումներ պարզում են, որ Ելենան գողության իմիտացիա է ստեղծել: Նա փաստերի ճնշման տակ նա խոստովանել է, որ ինքը խաղադրույք է կատարել ու պարտվել ու որպեսզի ամուսինը իրեն «մուշտի» չտա, ստիպված զանգահարել է ոստիկանություն և հայտնել, որ տունը թալանել են:

Դեպքի փաստով ոստիկանության Իջևանի բաժնում ձևակերպվել են փաստաղթղեր, որոնք փոխանցվել են Հայաստանի Քննչական կոմիտեի Տավուշի մարզային քննչական վարչություն, որտեղ դեպքի փաստով նախաձեռնվել է վարույթ: 

Ելենա Մ.-ն Իջևանի ոստիկանությունից ներկայացվել է մարզային քննչական վարչություն:

Մանրամասները՝ սկզբնաղբյուր կայքում։

Այս թեմայով Հայաստանում կարգելվի մասնակցել արտերկրում կազմակերպվող առցանց խաղադրույքներին Իջևանում մի կին ամուսնուց գաղտնի 1 մլն դրամ ա վերցնում ու խաղադրույք անում, սա տարածված երևույթ է Ժողովրդի ո՞ր խավն է ավելի շատ անում խաղադրույք. Նազարյանը՝ ֆինանսների փոխնախարարին Առաջին 9 ամիսներին կատարվել է 4.2 տրլն դրամի խաղադրույք. կբարձրացվի ինտերնետ խաղերի հարկային բեռը Հայաստանում կանխիկ եղանակով հնարավոր չի լինելու խաղադրույք անել. խորհրդարանն ընդունեց օրինագիծը Ստեփանակերտի բանկերից մեկի աշխատակիցն աշխատավայրից 1.000.000 ՀՀ դրամը գաղտնի հափշտակել էր ու 630.000-ը խաղադրույք կատարել Հայաստանում 2021-ի հունվար-նոյեմբերին կատարվել է 3,2 տրիլիոն դրամի խաղադրույք. Թունյան Տղամարդն առանց լիցենզիայի կազմակերպել է կենդանի «պոկեր» տեսակի շահումով խաղեր՝ պետությանը պատճառելով 5 միլիարդ 500 միլիոն դրամի վնաս