Լևոն Քոչարյանը մեկ ամսով կալանավորվեց

ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը 1 ամսով կալանավորվեց, այս մասին հաղորդում է փաստաբան Ալեքսանդր Կոչուբաևը։

Երևանի Առաջին ատյանի դատարանը` դատավոր Մասիս Մելքոնյանի նախագահությամբ, բավարարեց քննիչի ներկայացրած միջնորդությունը։

Ավելի վաղ հայտնել էինք, որ Լեւոն Քոչարյանին մեղադրանք է առաջադրվել իշխանության ներկայացուցչի նկատմամբ բռնություն գործադրելու համար։ Նա իրեն առաջադրված մեղադրանքը չի ընդունում:

Հավելենք, որ ավելի վաղ Լևոն Քոչարյանի փաստաբանական խումբը հայտարարել էր, որ հետ է վերցնում նրա ձերբակալման դեմ ներկայացրած բողոքը, քանի որ այն պետք է քններ դատավոր Մասիս Մելքոնյանը։

Փաստաբանները հայտնել են, որ դատավոր Մելքոնյանը 3 ամիս առաջ եղել է «Հանրապետություն» կուսակցության խորհրդի անդամ, բազմիցս արել է քաղաքական հայտարարություններ, որոնք վերաբերել են ՀՀ երկրորդ նախագահ Ռոբերտ Քոչարյանին: Նրանք շեշտել էին, որ դատավոր Մասիս Մելքոնյանը ընդգծված քաղաքականացված է, և իր կողմից ինքնաբացարկ չհայտնելը ողջամիտ կասկածներ է առաջացրել։

Հիշեցնենք՝ սեպտեմբերի 19–ին Արցախի դեմ սանձազերծված ադրբեջանական նոր ագրեսիայի ֆոնին Երևանում մասշտաբային ցույցեր են սկսվել։

Սեպտեմբերի 22–ի առավոտից Երևանի տարբեր վարչական շրջաններում քաղաքացիները անհնազանդության ակցիաներ էին իրականացնում։ Կարմիրբերետավորներն Ամիրյան փողոցից բերման ենթարկեցին ցուցարարների մի մասին։ Նրանց թվում էր նաև ՀՀ երկրորդ նախագահ Ռոբերտ Քոչարյանի որդին` Լևոն Քոչարյանը։

Լրատվամիջոցների ֆիքսած կադրերում երևում է, որ ոստիկանները Լևոն Քոչարյանին բերման ենթարկելիս մեքենայի մեջ ուժեղ հարվածներ են հասցնում նրան։

Ավելի ուշ հայտնի դարձավ, որ Քոչարյանին տեղափոխել են «Նաիրի» ԲԿ։ Նրա մոտ ախտորոշվել է փակ գանգուղեղային վնասվածք` ուղեղի ցնցում:

Սեպտեմբերի 23–ին Լևոն Քոչարյանի պաշտպան Ալեքսանդր Կոչուբաևը հայտնեց, որ ՀՀ երկրորդ նախագահ Ռոբերտ Քոչարյանի որդին` Լևոն Քոչարյանը, ձերբակալվել է 4 կարմիրբերետավորի ծեծելու համար։

Միաժամանակ փաստաբանը Լևոն Քոչարյանին խոշտանգելու փաստով հաղորդում էր ներկայացրել, սակայն փաստաբանական խումբը սեպտեմբերի 24–ին հետ է վերցրել բողոքը, քանի որ այն պետք է քններ դատավոր Մասիս Մելքոնյանը, իսկ վերջինս, փաստաբանների պնդմամբ, ակնհայտ քաղաքականացված դատավոր է։

Այս թեմայով Լևոն Ջուլֆալակյանն ընդգրկվել է ըմբշամարտի համաշխարհային ֆեդերացիայի Փառքի սրահում Ռոբերտ Քոչարյանը մասնակցել է Հովհաննես Հարությունյանի հոգեհանգստի արարողությանը Հովհաննես Հարությունյանի հեգեհանգստի արարողությանը ներկա է գտնվել նաև Ռոբերտ Քոչարյանը (տեսանյութ) Քո բացակայությունը միշտ ենք զգալու, Հովո ջան. Լևոն Քոչարյան Երևանում որոշ ճանապարհահատվածներ մեկ ամսով միակողմանի փակ կլինեն Քո բացակայությունը միշտ ենք զգալու, Հովո ջան. Լևոն Քոչարյան Ֆիզիկայի կիրառական պրոբլեմների ինստիտուտի տնօրենի պաշտոնում վերընտրվեց Վահան Քոչարյանը Արմեն Աշոտյանի կալանքը երկարաձգվեց ևս 3 ամսով ԲԴԽ նախկին անդամ Վիգեն Քոչարյանը՝ Վճռաբեկ դատարանի դատավորի թեկնածու «Երբևիցե ես մեղք չեմ գործել». Լևոն Երանոսյանը պատրաստ չէ բանտ նստել «հանուն հայրենիքի»