Վանաձորում ծնվել է արցախցի առաջին փոքրիկը, որին ծնողները սպասել են 19 տարի
Հասարակություն![Վանաձորում ծնվել է արցախցի առաջին փոքրիկը, որին ծնողները սպասել են 19 տարի](/timthumb.php?src=disc/01-10-23/23319caab124b1535c7015dabe42b27d.jpg&w=780)
«Վանաձորի բժշկական կենտրոնում լույս աշխարհ է եկել ԼՂ-ից բռնի տեղահանված ընտանիքի առաջնեկը՝ գեղեցկուհի Ադելը»,- հայտնում են ԲԿ-ից։
Փոքրիկին ընտանիքը սպասել է շուրջ 19 տարի:
Ընտանիքը Հայաստան է տեղափոխվել 2 օր առաջ՝ 4 օր անցկացնելով ճանապարհներին, իսկ մինչ այդ՝ հղիության ողջ ընթացքում կինը եղել է շրջափակման մեջ:
Մայրը մասնագիտությամբ բուժաշխատող է, մասնակցել է քառօրյա պատերազմին, եղել է զինվորական հոսպիտալի վերակենդանացման եւ վիրահատական բաժանմունքի բուժքույրը, 44-օրյա պատերազմի ժամանակ եւս ակտիվ մասնակցություն է ունեցել, եղել է բուժկետի պետը:
Շնորհիվ բժշկական կենտրոնի հոգատար բուժանձնակազմի` թե՛ մայրիկի, թե՛ փոքրիկի առողջական վիճակը բավարար է:
![](banners/armflix.jpg)